LUKE 24:47 - Akthar Trongirhna (BSI)

⁴⁷ che rilthleng khatkho alehnata ip rella Jerusalem nata mathronna jatboom apumtea mah ita keiminga inraantu.

LUKE 24:47 Iomraidhean Croise

METHIU 28:19

Churella nannih in seh choulaia jaat naamteta aroi seemve che anmahta Apavaa, Asa Kupa vaa, mahche Li Akseengvaa miinga lup eive.

METHIU 3:2

“Nanril thlengve, alamva ringram kurung huunnakha innaisa.”

METHIU 9:13

Mah artha i jangasonname seh a romve, ‘Keiin rilvolta kikdit, inkat pootta dinoh ang.’ Alamva keiin akchimlamseh miita ak ong thlengnoh ang, chuta alehchel miita ak ong thlengang.”

LUKE 13:34

Nannih nankuunga kamthlah ringraan eita akthat mahche lunga akden Jerusalem o! Jerusalem o! Aarpui in ateta amthlanuuia a oh nanga keiin nisata jikcha injomma ki oh umangme, chuta nannih in indahschou,

NOONNA THLOU 10:43

Ringraan annaam in amah relna sakhi amilan mah chuvah amahta amlot mii naamte in amahminga alehnahta in ip anphahtu.”

NOONNA THLOU 11:18

Mahtrong ita antheih in anmahva daichritsei. Mahche Ringpu ta paar mathrat a ansonpei, “Cheva Ringpu in Jental jatihkho anril mathlenga chaan amphah ei.”

NOONNA THLOU 13:46

Mahchunna Paul leh Barnabas in pirkenga a trongseia antihpei, “Matsahrem kannih in Ringpu atrongi nannih nankuunga sonnoh janohsa. Chuta nannih inva mah i indahschou, mahche ache amnoh ringna phah i nantaksaak in matik chanohta pichaar nantlohsaak taningva, anve kannihva Jental tinga inheia sehsung.

NOONNA THLOU 2:38

Chunna Pitar in ankuunga asonei, “Nanril thlengve, mahche nannih nanlehnata naniipnatu Jisu Khrista akminga nannaam inlupve mahche nannih in Akseeng Li vaa kutthol nanphahtu.

NOONNA THLOU 20:21

Judi leh Kriik mii annih kuunga Ringpu kuunga anril thlengnatu mahche Akpu Jisu Khrista ta malotnatu sakhi kamlan.

NOONNA THLOU 26:18

Anmah anmitta mahoongnatu, mah chuvah anmah in kthihnata akvaara anlengnatu che seitan vaa tuui nata Ringpu tinga anlengnatu, chunna anmah in anlehnata in ip anphahnatu khatkho keita kamilot apaalla akseeng ankaar nata tutu inkho anphahphuchu anphahnatu.’ ”

NOONNA THLOU 26:20

chuta matsah a keiin Damaskas ah mahche Jerusalem na mii khatkho Judia ramboom apumtea khatkho Jental jatih akho sonna kamdangtuei, mah chuvah anmah in anrilta thlenga Ringpu ting inlengtu tlasei mahche anril anthleng i matikcha tihrella thlou amipaang tutla ta kisontuei.

NOONNA THLOU 28:28

keiin nankuunga kamromjachou, mah chuvah Ringpu vaa chaanring i Jental jatih a kamthlahpei; anmah in anrungeihtu.”

NOONNA THLOU 3:19

Alamchunna nannih in nanril thlenga veikhat inheive. Chunna nannih nanlehta ammuhtu. Mahlaia Akpu tinga akthar rilchu thlengtu,

NOONNA THLOU 4:12

Che aktlei tukhat kuunga chaanring amnoh, alamva ringram athlanga amlan miikaara inihta inikaltu aktleiming inkhatkho amnoh.”

NOONNA THLOU 5:31

Israel in anril anthlengnatu mahche anmah anlehta ipnatu, Ringpu in amahta Akching mahche akkal Akpu veia akchang kut a amliinpei.

ROME 5:20

Trongsuur majuihnoh ahanralnatu trongsuur thlengsei; chuta aleh ahanralna khanna malungsikho huuitang aralpei,

EPHESIA 1:6

mii machaaltheih amah in khangvaalla amahvaa paarthra malungsi inimlan rella amahta mapaakrei.

EPHESIA 3:8

Jon icheknoh Khrista vaa adoon akhaalta Jental ankuungah raannatu, akseeng ankaara keiin khalmo antoolrem vei sanglakho, amah malungsita keikuungah kamlanang,

KOLOSIA 1:27

Ringpu in achar Jental ankaara anthuptrong amlan paarhtra i jikchah phah a doonkhaal angmeta amromja, mahchuvah paarhtravah matuurna nankaara am Khrista khasa.

1 JOHN 2:12

Indih naoeio, keiin nankuungah kimjih, alamva amah alehta a ippei.