LUKE 22:70 - Akthar Trongirhna (BSI)

⁷⁰ Mahchunna anmah naamtein anson, “Chunohleva nangva Ringpu vaa asa kupa cheme?” Che Jisu in ankuunga asonei, “Keisangta nannih in nansonpei.”

LUKE 22:70 Iomraidhean Croise

METHIU 26:25

Amahta akjuur Judas in amsang, “Akpu, keisangme?” Amah in akuungah ason, “Nangin nisonluungpei.”

METHIU 26:64

Jisu in amah kuungah ason, “Nangin nisonluungpei, chuta keiin nikuungah kisonche, mah i aknua miivaa Asa kupa in amtik liin akchangah inbok mahche ringram sumphai chungah thleng nannih in nanmuhtu.”

METHIU 27:11

Pek Jisu in rampuui kuungah ngirsa; che rampuui in amahta trong arui, “Nangi Judiei kurung cheme?” Jisu in amsang, “Nangin nisonkhasa.”

METHIU 27:43

amah in Ringpu ta amlot; Ringpu in amahta innarhle, ipek amahta kalso; alamva amah in anson, ‘Keiva Ringpu asa kupa ang.’ ”

METHIU 27:54

Raalmii reijapuui leh amahsoh inruuia Jisu ta akngaak raalmii eiin, runaangnu thou khatkho mah aksuukthlouta anmuh in, khalmo intrisei, cheva atihpei, “Tak a mahmii i Ringpu vaa Asa kupasa!”

METHIU 3:17

che ringramnata hou inkhat in ason, “Mah i keiin kirilvol Kisa kupasa, amahkuunga kiril pelsang.”

METHIU 4:3

Amdoi in amahkuunga thlenga ason, “Nganginta Ringpu vaa Asa kupa chele, mah lungita tol aveinatu jathang malanro.”

MARK 14:62

Che Jisu in ason, “Keisang; che nannih in miivaa Asa kupakha tuuivaa akchangtong kut a inbok che ringramna raalmiisoh inruuia thleng nanmuhtu.”

MARK 15:2

Che Pilat in akuunga arui, “Nangi Judi eikuruung cheme?” Chunna amah in akuunga amsang, “Nangin nisonpei.”

LUKE 22:71

Mahche anmah in anson, “Inih in sakhi veikhat ijonnatu darkaar ammangme? Alamva inih itak in anarnata trong itheihpei.”

LUKE 23:3

Mahchunna Pilat in amahta arui, “Nangi Judi ei kurung cheme?” Chunna Jisu in amahkuunga amsang, “Nangin nisonre peio.”

LUKE 4:41

Mahchuche Jisu vah Ringpu vaa Asa kupata anhou tranga ong onga inthruhsei. Che Jisu in anmahta khaamma matrongnohsei, alamva Jisu vah Khrista ta anmah in anrompei.

JOHN 1:34

Kei kitak in muh a sakhi kamlanchou mah chuvah mah i Ringpu vaa Asa kupasa.”

JOHN 1:49

Nathanel in amsang, “Rabbi, nangva Ringpu Asa kupache! Nangva Israel ei kurungche.”

JOHN 10:30

Pa leh keiva inkhat ningung.”

JOHN 10:36

keiturelva Pa in maseenga tukleiramma kamthlah peiang, che ‘Keiva Ringpu Asa kupa ang’ ta kisonlai khatloh a nannih inla nangva Ringpu ta leem manuih a trongche nantih angme?

JOHN 18:37

Pilat in akuunga ason, “Chule nangvah kurung cheme?” Jisu in amsang, “Keiva kurungang tih a nangin nisonpei. Akchimkhata sakhi kamlannatu mairelna keiin poksang, Akchim akveimii in kei kihou antheih.”

JOHN 19:7

Judi in amahkuunga amisang, “Kannih kantrongsuur doonung, che trongsuur aknujuih a mahmii i madaiphu, alamva amah atak akroua Ringpu Asa kupa vei.”