LUKE 22:42 - Akthar Trongirhna (BSI)

⁴² “Pa o, nangin nimdon veileva, mah kam i kikuung nata lourosa; chulata keiin kamdon veinoh a nangin namdonchu veiso.”

LUKE 22:42 Iomraidhean Croise

METHIU 11:25

Mahlai achunna Jisu in asonei, “Kampaakche ringram leh thalei Akpu Pa, alamva nangin mah naamte i aktheih leh aksing miiningah mathup a nisihche nao ankuungah niphoongpei.

METHIU 11:26

Oi ajapei Pa, nang nikuungah akthrachu veiso.

METHIU 20:22

Chuta Jisu in amsang, “Nangin jangta ninihme tihkho romnohche, keiin ki iinnasam chapla nannih in iin nanchek ume?” Che keiin kinlupna a nannih in inlup nanphahchek ume? Anmah in “Kanchektu” ta amisang.

METHIU 26:39

Che amaatonga ste avache akhuptlop a intolh a angenpei, “Pa o mah i vei ajaleva kei kuungnata kuchai i keilourosa; chuta keiin kimdon veinoh a, nangin nimdon veiso.”

METHIU 26:42

Khatla veinih tihpitu veia seh a angenla, “Pa o, keiin mah kuchainata iinnoh angkleva, mah i ralcheknohtung, nangin nimdon veiso.”

METHIU 26:44

Chela khatla anmahta amah eiche seh a matsah angenna trongsoh intrimma, veithum tihpi veia angen.

METHIU 6:10

Niram huunna thlengso, ringramna nangna nimdonkha thaleichung akho veiso.

MARK 14:36

Che amah in ason, “Abba, Pa, poot anaamte nikuunga veikir; mah kammi keiningnata louro; chuta keiin kamdon veinoh a nangin nimdon veiso.”

LUKE 23:34

Mahchunna Jisu in ason, “Pa o, anmahta ip eiro; alamva anmah in jangthlouta kantlohme antak in romnoh ei.” Che amah puunreita ankaar a insemnatu reipak chaang in ansei.

JOHN 18:11

Jisu in Pitar kuunga ason, “Nang chemkha akhumsuungah thunro; Pa in keikuunga amlan kammi keiin innohtupot angme?”

JOHN 4:34

Jisu in anmahta asonei, “Keita kamthlah amah in amdonta aktlohche amah athlouta thratea amche i keitu saakphusa.

JOHN 5:30

“Keiin kichek kamnehruin jakhatkho tlohcheknoh ang; keiin ktheih nujuih a pichaar kitloh; che kei pichaarva akchim, alamva keita kamthlah amah in amdon khanoh a keiruin kamdonta jonnoh ang.

JOHN 6:38

Keiin kamdonta kitlohnatu ringramnata thlengnoh ang, chuta keita kamthlah Akpu amah in amdonta kitlohnatu thlengsang;

NOONNA THLOU 21:14

Amahta masehnoh natu kansuulta ajanoh inva, “Akpu in amdon veiso,” ta inngaisung.