LUKE 21:8 - Akthar Trongirhna (BSI)

⁸ Chunna amah in asonei, “Nannihta chimnoh a inhea naniseh pinanohtu cheksilve; alamva keiminga mii khalmo thlenga ‘Kei i amahsang!’ che ‘Lai innaisa!’ ta nanisontu. Mahlaia anmahta juihnohve.

LUKE 21:8 Iomraidhean Croise

METHIU 24:11

Chuche akchimnoh ringraan khalmo inthruh ah mii khalmo invaia ansehpituei.

METHIU 3:2

“Nanril thlengve, alamva ringram kurung huunnakha innaisa.”

METHIU 4:17

Mahlai chunnata Jisu in nga tloh a sonna trongraan amthronpei. “Nanril thlengve, alamva ringram kurung huunnakha innaisa.”

LUKE 17:23

Che anmah in nankuunga nanisontu, ‘Mah khanna anve!’ nohle ‘Onna anve!’ Sehkho sehnohve, aknukho juihnohve.

LUKE 21:7

Mahche anmah in Jisu ta anrui, “Lulok o, mahchu tikna ume, mahche asuuktumma jaknang daang thlengume?”

LUKE 21:9

Nannih in raalhou mahche raal amsuuk ahou nantheihlai, intrinohve; alamva mah i matsah a suuktutla, chuta achenava kak hanga thlengnohtu.”

JOHN 5:43

Keiin Pa akminga thlengsang, chuta nannih in keita keija a keilounohchou; aktlei inkhat in amahtal akminga thlengleva nannih in amahta nanloulohhtu.

JOHN 8:24

Keiin nannihta kisonchou mah chuvah nannih nanleh khanna thiuchou, alamva nannih in keita amahsa ta kamlotnoh choule nannih nanleh khanna thiuchou.”

JOHN 8:28

Chunna Jisu in ason, “Nannih in miiva Asa kupa khata nandomlai akhanna kei i amahsang ta nanrom umang, keiin kichek kamneh khanna jakhatkho tlohnoh ang, chuta Pa in keikuunga kamtheih khata nga tloh a trongsang.

1 KORINTHIA 6:9

Akchimlamseh noh mii in Ringpu kurung huunna phahnohtu ta romnoh choume? Nanroua insimnanohve kumeile kumei mahche kupaleh kupa seengseeng chimnoh hoonga seh khatkho rappu rapnaita mathruun, nohle miimei miimasal nohle sa lamchat ah seh, nohle karaam nohle tuiibuh inruii,

EPHESIA 5:6

Tukhat inkho nannihta apupa trongah nanisimna nohso; alamva oirella sonmajuih naoei anchungah Ringpu in trihkhop amlunghaangkha thleng.

2 THESSALONIKA 2:3

Tukhat inkho nannihta inhea nanisimna nohtu, alamvah thranoh amsuuk mii in matsah a anthlengnoh anmaa ah mahche aiil amnohmii, kmaang krelvaa asa kupata phanoh avah mahnichu thlengnoh umang,

2 TIMOTHI 3:13

Thranoh mii mahche mii masimna, thranohchung thranoh vei miita amisimnatu che mii inkho amahta amisimnatu.

1 JOHN 4:1

Kirilvol eio, li naamteta malotnohve, chuta li eita Ringpu atame chunoh a atanohme nanromnatu chaang anve; alamva tukleiramma chimnoh ringraan khalmo intheksei.

2 JOHN 1:7

Alamva Jisu Khrista in ruung veia thlengsa tih a mii in chimsa tih a son indah a mii masima khalmoa tukleiramma sehsei; mah i miita masimna miisei mahche Khrista ta andah miisei.

MADANGNA 1:3

Mah inphoong trong ita rool inkaanga akpaa arungai mahche mah asuunga injihta ngaak a akseh ankuungah doi akphahsei; alamva lai i innaisa.

MADANGNA 12:9

Kliin ruulpiinu, leithingna muruul, akming rappu khatkho Seitan antih tukleiram pumteta masimna amahkhata manomma thaleichungah ahunthlakpei, che amahsoh inruuia amah ringroi eikho ahunthlakpei.