LUKE 16:22 - Akthar Trongirhna (BSI)

²² Anran miikha thisa, che ringroi in amahta Abraham aklaak a anphurhpei. Akdoon miikho thisa che anphuumpei;

LUKE 16:22 Iomraidhean Croise

METHIU 18:10

“Cheksilve, mah chuvah andih naoei ankaar nata nannih in usitnoh tlohnohve tih i romve; alamva keiin nannihta kisonchou, mah chuvah ringramma anmah ringroi in lai amrel ringram a am Pa vaa amaita muh a ammei.

METHIU 24:31

che amah ringroita pik ul anring ahousoh inruuia acharmiita ringroi eiin marvaan adongna khatnata adongna khat phah a, tukleiram akiing manli nata anmitlontu.”

METHIU 8:11

Keiin nannihta kitihchou, mah chuvah kulkung leh kulrel nata miitam thlengtuei, che Abraham, Aisaak leh Jakob in kurung huunna ah inbokjou tuei.

MARK 8:36

Alamva mii khat in tukleiram anaamte changslakho amah chaanta maangleva achuungnatu jangamme?

LUKE 12:20

Chuta Ringpu in amahkuunga ason, ‘Kmongo, mi in khulouh a nang niklikha keiin kiloh usa; che nangturel thlouraang tloh a nisih naamtekha tunangta vei ume?’

LUKE 16:21

Akdoon kupa vaa tebornata aktla aktli saakphukhan avon amvahjahang; mahchu chunga uii inkho thlenga amah apaannata amileiakho amiliik.

JOHN 1:18

Tukhat inkho Ringpu ta loumuhnoh ei; Asa kupa khop in amuhning, Ringpu tingna khalekru vei Asa kupa apasoh annai amahta amrompei.

JOHN 13:23

Jisu in aroi ankaarna arilvol inkhat in Jisu avonna inbeia am.

JOHN 21:20

Pitar in anhei in che Jisu in arilvol aroi in aknu anjuihta amuhpei, buhdoon laia amah alukhe a innaia antolh in akuunga ason, “Akpu, nangta nandahsamchu tume?”

HIBRU 1:14

Chaanring akphahsam annaamte turella routlohnatu amthlah, anmahva lia thlou tlohnatu amthlah miinoh eime?

HIBRU 2:14

Alamchunna naoei i ruung leh thii ah chuum anphah taningvah, amah atak inkho oh khananga intrim hoongta louva, amah in athih apaalla, thinata tuui am amahta tihvah seitanta ammaangnatu,

JEMS 1:11

Alamva kini insa in inraatkanga inthruh a che inlouta amhuui; chuche apaar tril, che mah athratkha maang. Mahchunanga akdoon miikho mah in athrul suungah triimtu.

1 PITAR 2:24

Inih ileh in thia inih in akchimlamseh tinga iringnatu thingchungah amah atak aruungin inih ilehta aphurhpei; amah sungmunkhan nannih nannatna amthratpei.

MADANGNA 14:13

Chela ringram tingna roolhou khatin kikuungah asonta kitheih, “Mah i majihro: Peknata Akpu tinga akthi anmah eikha doiphahsei.” Li in ason, “Tak a adoi akphahsei.” Li in anmah anthlounata inngai anphahnatu, che anthlou in amah annuta anjuih.