LUKE 15:22 - Akthar Trongirhna (BSI)

²² Chuta amah apa in aroieita asonei, ‘Akthrarem puunrei intha thlenna, amahta masilhve; akut a kutsi maneihve, che akeh a kehkhraang machuungve;

LUKE 15:22 Iomraidhean Croise

LUKE 15:21

Mahchunna Asa kupa in apakuunga ason, ‘Pa o, keiin ringram mahche nangta jekna veia alehthlou kitlohpei; Kei i nisakupa angta ong matik chanoh sang.’

LUKE 15:23

mahche siilte annou thlenna thatve mahchu saa a roomthok jourei;

ROME 13:14

Chuta nannih in Akpu Jisu Khrista ta puunrei nanga silhve, mahche ruung in akdit mathlungnatu ruunga tancha malannohve.

ROME 3:22

anmah in Jisu Khrista ta amilot apaalla Ringpu in anmahta akchim amveipei, Khrista amlot mii naamte kuunga Ringpu in maita amsuukpei. Alamva amahta amlot miikuung avah inthliin jakhatkho amnoh;

ROME 8:15

Alamva nannih in intritna a naichi nanveinatu Likha phahnohchou, chuta Asa kupa akvei miiva Li ta nanphahpei. Inih in, “Abba! Pa,” ta iongpei.

KALATIA 3:27

Alamva Khrsista tingah inlup nannihvah khrista ta puunrei silhnaga nansilhpei.

EPHESIA 6:15

leh oi vaa akthratrongi thlouraang tloh a kehkhrang nanga chuungve,

MADANGNA 19:8

Intle akseeng, akthra puunrei silhnatu amah kumei kuungah amlanpei, alamva akthra puunrei akseeng miivaa akchim thlousa.

MADANGNA 2:17

Li in khakla ankuungah asonkha tunangkhat in arungeihnatu amkuur am miikhan rungaiso. Akchek khata mathup a asih matsah steta asaaknatu kimlantu, mahche achunga aktharming inijh lung inngoukhat amah kuungah kamlantu, mah mingchu akphahmii khanoh a tukhat inkho romnoh ei.’ ”

MADANGNA 3:18

Alamchunna nangin meia insoorche ra–ao keiningnata nikleinatu nangta kikchaakche. Mah chuvah nangin nidoonnatu kimtheihche, anngou puunrei nisilhnatu che puunrei silhnoh a niamkha indanga injak niphahnoh natu khatkho nangin nimuhnatu nimit a thao teiro.

MADANGNA 6:11

Cheva anmah khatkhatta inluutngou insuul amlannei anmahsoh roijuih veijouei mahche anmah unao eita tanga that anchenohmiil anmah in lai kakva inngai umangei.

MADANGNA 7:9

Mah i aknua keiin kimuh, tukhat inkho teen ancheknoh miitam, jatboomnaam nata, jatihrel nata mahche trong naamte tingnata puungou insuul silh a mahche ankut ah tuum abaak choia miitamin phompii ah che sadamte amaikuungah ngirsei,