LUKE 13:13 - Akthar Trongirhna (BSI)

¹³ Amah achunga akut asih in kak hanga atakkha indingkengsa, cheva ringpu ta ampaakpei.

LUKE 13:13 Iomraidhean Croise

METHIU 9:8

Mahchuta miitamin anmuh inva, intrisei, mahche Ringpu ta paar amithratpei.

MARK 16:18

muruul suur seilakho che tuur iinseilakho; anmahta jakhatkho tlohnohtuei; akna aksaaeita anmah ankut in anpalla thratuei.”

MARK 5:23

Che akuunga inruruh a ason, “kei kisakumei naoi i thisamma amsa. Thlengro che nikutkha akuunga jamro, chunna thra aja, che ringtu.”

MARK 6:5

Cheva amah in salungkhouna thlou mah khanna tlohnohsa, akna mii arouta anchunga akut jamma amthratei.

MARK 8:25

Che veikhatla amitchunga akut asihche amah in incheknoh a a an invah thrakhemsa, che anaamte seenga amuhpei.

LUKE 13:12

Mahchuta Jisu in amuh in amahta onga ason, “Kumeio, nitakna aksolkhanna nangta nakmahpei.”

LUKE 18:43

Cheva kak hang amitchu muh achekpei mahche amah aknuta juih a Ringpu ta paar amthratpei; mii naamtein mahkhata anmuh in, Ringpu ta amipaakpei.

LUKE 4:40

Pekva kni atlak in mii naamte kuunga am natna satna jikcha amahkuunga anthlen; amahta inkhat khat a anchunga akut sih a amthrat ei.

NOONNA THLOU 9:17

Chunna Ananias in seh a inn akhanna luutsa. Che akutta Saul achunga asihche ason, “Unao Saul, nangin nithlengna lamma nammuh Akpu Jisu in nangin veikhat nimit muh nicheknatu mahche Akseeng Li in nisipnatu keita kamthlah ang.”