LUKE 12:32 - Akthar Trongirhna (BSI)

³² “Sadamloom andih eio intrinohve, alamva nan Pa in kurung huunnata nankuunga malanni amah aril apelna.

LUKE 12:32 Iomraidhean Croise

METHIU 14:27

Chuta Jisu in kak hang ankuunga asonei, “Nanril matrangve, keisang; intrinohve.”

METHIU 20:16

Chunna juktool in matsahtu mahche matsah in juktooltu, alamva mii khalmo tam aong, chuta steruta achartu.”

METHIU 25:34

Chunna kurung in akchangtong ak ameita asontuei, ‘Thlengve, Pa adoi akphah eio, tukleiram amthron lainata nannih turel machaanga asih kurung arami changvesa;

METHIU 7:15

“Chimnoh ringraan eita jih a anve apaalla sadam puunreita silh a nankuunga thlengei. Chuta anrilsuungvah aktraam uiiramuiisei.

LUKE 10:21

Mah pungtal achunna Jisu in Li Akseenga aroomthok a ason, “Ringram khatkho thaleiva Akpu, Pa o, nangta kampaakche, alamva mah naamte i aksing mahche akloutheih ankuungnata mathup a nisihche nao ankuunga namdangpei; oi, Pa, alamva mah i nangin namdon malungsi thlouta veisa.

JOHN 18:36

Jisu in amsang, “Kei kurung ramva tukleiram nanoh; kei kurung rammi tukleiram naleh, keita Judi ankut a kamlannoh tuei, kei roijuih in raal antlohpi tuei; chuta kei kurung rammi tukleiram nanoh.”

NOONNA THLOU 20:28

Nantak turella mahche sadamlom naamte turella pirve, amah Asa kupa vaa thii in akleiche Ringpu vaa khakla ta thra nanroinatu Li Akseeng in nannihta ak an nanimveipei.

NOONNA THLOU 20:29

Mah i keiin krom mah chuvah keiin kisehnua akraang uiiramuiipii eiin nankaara thlengtuei, sadamlom inleia mahnohtu;

ROME 6:23

Alamva aleh tlohna khaanva kthi khasa chuta Ringpu tingna khangvaal akuttholvah inih Akpu Jisu Khrista ah ache amnoh aring khasa.

1 KORINTHIA 1:21

Alamva tukleiramna mii in Ringpu alousingah ringeita Ringpu ta rom cheknoh ei. Akthratrongta kmong inih in iraan apaalla amlot miita ikalli Ringpu in apelna.

PHILIPPIA 2:13

Alamvah amahta aril mapelnatu tloh a thlou nantlohnatu Ringpu in nankuungah thlou nanitloh a am.

2 THESSALONIKA 1:11

Achena ah inih Ringpu in naniongta matikcha nanimveinatu, mahche nannih akthra turella nandit naamte khatkho namilotthlou naamte tuuisoh inruuia mathlungnatu, lai amrel nannih turella kanngen,

2 THESSALONIKA 1:5

Mah i Ringpu tingna akchimlamseh pichaarvaa akseeng aveinasa, mahchuvah nannihta Ringpu kurung huunna ah matikcha nanimveinatu, mahchurella nannih in klah knang nanphah–

HIBRU 12:28

Alamchunna inlokcheknoh kurung huunnata inih in iphahtaningvah inih inn turella atlokhaan roomthok a mahkuungah malanrei, chunna inih in Ringpu in lou aja thloukha katrei nga tloh a injahsoh intrihsoh inruui athloua Ringpu kuung inkatrei;

JEMS 2:5

Kirilvol unaoeio, rungaive, Ringpu in tukleiramma anraneita malotting amdoonnatu che anmahta arilvol ankuungah amlannatu trongchet atlohche kurung huunna ah lalchun anveinatu anmahta acharnoh eime?

2 PITAR 1:11

Chuunna inih Akpu mahche inikal Jisu Khrista vaa ache amnoh kurungkuung luutnatu nannih turel huuitanga nanimlanpei.

MADANGNA 1:6

Che amah Apa Ringpu akuungah inihtu kurung mahche thiimpu amvei amah kuungah, paarthra mahche akchek amnehveia paalkha ache amnoh veiso. Amen.

MADANGNA 22:5

Mah khanna veikhat inlenga khulouh amnoh usa; anmah turella mitton nohle kini kvaar akanana amnoh usa; alamva Akpu Ringpu in anmahtu akvaar veitu, che anmah in ache amnoh a paaltuei.