LUKE 12:19 - Akthar Trongirhna (BSI)

¹⁹ Mahche kei kiruungvaa likuunga sontang, Li o, akthlengsam kum jikchana turella nangtu saangniim khatkho pootchei akthra jikcha kipeipei; nang turella lahna amnohsa, saaro, iinro, khatkho roomthokrosa.’

LUKE 12:19 Iomraidhean Croise

LUKE 12:18

Che amah in ason, ‘Keiin mai tlohtang: keitom anaamte thrit a ralbeb a anrol seemtang; che mahchunna kei saangniim mahche pootchei anaamte peia sihtang.

LUKE 16:19

“Akdoon mii khat louam, amah in bukal amchu puunleh bulapuun silh a anirel roomthok tlanna saa iinna paal.

LUKE 21:34

“Chunna saa iinna, tuiibuh inrui mahche mah ringna inna ril namiluut nanohtu cheksilve, mah aknichu chaang nanga kak hanga nantakchunga thlengtu;

1 KORINTHIA 15:32

Ephesia ah rapril sasoh kannaak in miihoong veia ktrongin keitu kichuunga jangamme? Akthi in ringnoh seileva, “Inih in saarei iinrei, alamva inih in tungva thiume.”

PHILIPPIA 3:19

Anmahtu achenavah kmaang krel, anmah rappuvah avonsei, che anmahtu paarthravah injakphah khasa, anmahvah tukleiramna khop turel amidonning,

1 TIMOTHI 5:6

chunohleva aril mapelnatu ansuul trulmeinu in kiringbenga thisa.

1 TIMOTHI 6:17

Mah tukleiramma akdoonei turella anmah in kei ningsungta isoonnohnatu, inromnoh lal akho amituurnoh natu, chuta inih in itlannatu huuitanga poot naamte inimlan Ringpu ting malot eiso.

2 TIMOTHI 3:4

mii loonna trongtuei, cheksilnoh tuei, thoiliin anraltu, Ringpu ta anrilvol chunga antak mapelnatu ralla andittu,

JEMS 5:5

Nannih in thaleichungah inlek inlik a che nanril mathlanna amchou; thatnatu akni athlengsam khanna nanrilta manoua amchou.

1 PITAR 4:3

Akcheche chaanna Jental in anditta antlohjata inih in majuih a tloh a ammekha chanasa, intirhsa hoonga akring ruung in akdit, tuiibuh inruii, derder tih, tuiibuh inruiia houtam mahche trongsuur amnoh a leili mathruunna ammei.

MADANGNA 18:7

Amah akroua paar mathrat a che chimnoh thranoh lamma leeng khananga amah kuungah klah knang khatkho marhuuikha intrimma akuungah malanro. Alamva amah arilla trong, ‘Keiin kurungpii inkhatveia inboksang, keivah trulmeinu noh ang, keiin tiknikho marhuuina muhnohtung.’