LUKE 10:22 - Akthar Trongirhna (BSI)

²² Bilam naamte Pa in keikuunga namsilpei, che Pa noh a Asa kupakha tumeta tukhat inkho romnoh ei, nohle Asa kupa noh a Pa ta tukhat inkho romnoh ei che Asa kupa in achar miikhan amahta amdangnatu relna.

LUKE 10:22 Iomraidhean Croise

METHIU 11:25

Mahlai achunna Jisu in asonei, “Kampaakche ringram leh thalei Akpu Pa, alamva nangin mah naamte i aktheih leh aksing miiningah mathup a nisihche nao ankuungah niphoongpei.

METHIU 11:27

Mah naamte i Pa in keikuungah namsilang. Chunna Pa noh a tukhat inkho Asa kupata romnoh ei, che Asa kupa noh a tukhat inkho Pa ta romnoh ei, churella Asa kupa in Apata miikuungah phoong akdit.

METHIU 28:18

Cheva Jisu in ankuungah thlenga asonei, “Ringram mahche thaleia am amtik amneh naamte keikuungah kamlan peiang.

JOHN 1:18

Tukhat inkho Ringpu ta loumuhnoh ei; Asa kupa khop in amuhning, Ringpu tingna khalekru vei Asa kupa apasoh annai amahta amrompei.

JOHN 10:15

Pa in keita keirom khananga, keiinkho Pa ta krom; chunna kei sadam turella kichaan kamthlah.

JOHN 13:3

Jisu Apa in anaamte akut a amlanpei khatkho Ringpu kuungnata thlengsang che Ringpu kuunga sehla usang ta aromin,

JOHN 17:10

Kei kita anaamte i nang nitasa, che nang nimii eikho kei ktasei, che keiin anmahninga paarthra kphahpei.

JOHN 17:2

nangin miinaamtetu tuui namlannanga, ache amnoh chaankho akuunga malanro.

JOHN 17:26

Nangin keita niril namvol angkha anmah ankuungakho amnatu, che keiin anmah ankuungakho kiamnatu, nang nikminga anmahta kamrompei ei, chela kamromla umangei.”

JOHN 17:5

Che ipekva Pa, tukleiram seemnoh amaa a nangsoh inruuia kei paarthra louam khanna nangkuunga keita paarthra kamveiro.

JOHN 3:35

Pa in Asa kupta arilvol, chunna poot anaamte amahkuunga amsilpei.

1 KORINTHIA 15:24

Mahchuche rampuui eita, aktloh akhaleita che tuui ak am naamteta ammaangche aknua kurung huunna Apa Ringpu kuunga amlanche achenachu thlengtu.

2 KORINTHIA 4:6

Alamva, “Akvaarin inthimta amvaarpei,” ta Ringpu in Khrista apaalla amahvaa paarthra lousing akvaarta inimlannatu inih imlungta amvaarpei.

EPHESIA 1:21

Marvaan pumte chungah akpaal, akchek amneh tuui am mahche akpu akvei anchungakho paal mahche pekna chup ikhopnoh a athlengsam chup akho ming inpe annaamte chungah ralla akliin;

HIBRU 2:8

Poot naamte amah akeh athlangah asihpei.” Ipek poot naamte amah athlangah asih, amah in akut ah achalnoh jakhatkho amnohsa. Mah chunanga poot naamte amah athlangah am tihtalva muhnoh mangme.

1 JOHN 5:20

Che Ringpu Asa kupa thlengsa, akchim amahta romma roulou itheihnatu rilta inimlanpei tih a irom; che inihvah amah Asa kupa Jisu Khrista akchimkuungah amsame. Amahvah akchim Ringpu, che ache amnoh chaan khasa.

2 JOHN 1:9

Tukhat in akchimnata raldoia seh mahche Khrista rilla matheihna amnoh mii in atak ah Ringpu amnoh; akchimta matheihna ah incheknoh ak am amah in Pa mahche Asa kupa annih ta amah kuungah am.