LUKE 10:2 - Akthar Trongirhna (BSI)

² Mahche Jisu in ankuunga asonei, “Lou luhnatuva tam am, chuta akluhtu miiva tamnoh; churella lou luhnatu thloutloh mii amthlahnatu lou Akpu kuunga ngenve.

LUKE 10:2 Iomraidhean Croise

METHIU 20:1

Ringram huunna khavah ngangli billa thloutloh mii aneknatu juktiing anranga anthruh rampu khanangsa.

MARK 13:34

Mah i kupakhat in rapkheitla ah seh nangjim, amah in inn amthlahltumma roijuihta angut masilla, anmah anthlou nujuih a, che thong angaakta heithriiltheih anveinatu jathang amlanei.

MARK 16:15

Che amah in ankuunga asonei, “Tukleiram anaamte nannih in sehve che akthra trongta mii naamte kuunga raanve.

MARK 16:20

Che anmah in amun naamtea ansehche anraanpei, Akpu in anmahsoh thlou atlohlaia, daang in atlohthlou akthra trongchu chimsa ta anrompei. Amen.

LUKE 9:1

Aknu achunna Jisu in aroi somleinihta aongche, khousaar naamteta cheknatu mahche natna satna naamteta mathratnatu tuui ankuunga amlanei,

NOONNA THLOU 11:19

Ipekva Stephen hunhaia Akpu amlot mii eita anchutpeia inthektlamsei, anthek eikha Phonikia a Saipras a mahche Antiok phah a inlaa a sehsei, Judi noh a aktlei jaat a trongkha raannoh ei.

NOONNA THLOU 13:2

anmah in Akputa amithruunlai mahche buh hella anngenlai, Akseeng Li in ankuunga asonei, “Thlou antlohnatu keiin kiong Barnabas leh Saul kha kei turella threk eive.”

NOONNA THLOU 13:4

Li Akseeng in amthlah eia anmah in Seleukia a jungsei, che mah khannata Saipras a muli chuunga sehsei.

NOONNA THLOU 20:28

Nantak turella mahche sadamlom naamte turella pirve, amah Asa kupa vaa thii in akleiche Ringpu vaa khakla ta thra nanroinatu Li Akseeng in nannihta ak an nanimveipei.

NOONNA THLOU 22:21

Chuta amah in keison, ‘Sehro; alamva keiin nangta ram aklah Jental jatih ankaar a kamthlah uche?’ ”

NOONNA THLOU 8:4

Ipek inthektlamma akseh mii eiin anseh ansehna a akthra trongta anraanpei.

1 KORINTHIA 12:28

Ringpu in khakla suunga raangroi ta matsah a thlou athunei, innih tihpia ringraan eita, inthum tihpia lulok eita atthunei, chuche salungkhouna thlou aktloh eita chela kna ksa mathratnatu kutthol amlanei, akchingei mahchuche trong ajeje trongnatu thlou athunei.

1 KORINTHIA 15:10

Chuta keiin ipek kiringi Ringpu amlungsi in ringsang, keikuunga amlan amahvaa malungsi i sulnoh: mahchusoh inthlenga annaamte chunga keiin thloia thlou kitloh mahchu keinoh ang, chuta keisoh inruuijou Ringpu amlungsi in atloh akhalning.

2 KORINTHIA 6:1

Amahsoh tlohkhaljou, che, Ringpu vaa malungsita sulla nanlohnoh natu klukanga kannoolchou.

PHILIPPIA 2:21

Jisu Khrista turelnavah annoh eichuta anmah antak turellakhop amidonning.

PHILIPPIA 2:25

Keiin kimdonvah kei kinao che keisoh tlohkhaljou mahche keisoh raalmii veijou, nannihting akthratrong akraan khatkho darkaar amma keita kamjoom Epaphroditas ta nankuungah mathlah darkaarsa,

PHILIPPIA 2:30

alamva amah in Khrista thlou rella athihnatu akirta vaatning, keita nannih in namijoom tuphutang amah in thlou amchenatu klah knang aphahpei.

KOLOSIA 1:29

Alamva oirella tranga inchek ang, che kei kichungah amah in tranga kamsoh nujuih aril luut a kitloh kikhal.

KOLOSIA 4:12

Nannih nankaara Jisu Khrista vaa roijuih Epaphras in saambaan nanimlan, nannih in mapungpha a nanngirhnatu che Ringpu vaa amdon naamte mapung maphanatu amah in lai amrella ril luut a nannih turel angen.

1 THESSALONIKA 2:9

Alamva unaoeio, kannih in kantloh kankhal mahche tranga thlou kantlohta nannih in intheihchou nannihta pootrik maronnoh natu kannih in khulouh suun thloutloh a Ringpu vaa akthratrongta kanraanchou.

1 THESSALONIKA 5:12

Chuta unaoeio, nankaara thloutloh mii, Akpu rella tlohkhalla nanchungah am mii, mahche nannihta nanichaak mii eita nanjahnatu kanoolchou,

2 THESSALONIKA 3:1

Achenaremma, unaoeio, nannih nankaara vei khananga Akpu trongta intha raanna raal nancheknatu kannih turella kaningenpive,

1 TIMOTHI 4:10

Alamva mairella inih in thlou itloh che insuulme, alamva Akring Ringpu ta inih in imtuur, amahvah mii naamteta amuveia amlot mii eita akalchek akring Ringpu vah inih in chet a imlot.

2 TIMOTHI 4:5

Nangva lai amrel chetro, klah knang thoro, evengelis thlou tlohro, nangin nitlohthlou mapung mapharo.

PHILIMON 1:1

Khrista Jisu rella simma am Paul mahche iuhnao Timothi in, Inih irilvol iuhnao mahche thlou itloh ikhalpijou Philimon kuunga

HIBRU 3:6

chuta Khrista vaa Ringpu innsuung achunga asa kupa veia malot aja che inih in iril malumma imlot mahche innih in matuura in orh mekha achena phah a chet a matuhmele inihva amah innsuungsame.

MADANGNA 2:1

Ephesia ah am khakla vaa ringroi kuungah majihro: Akchang kut ah arsi sirih akchoi, ra–ao mitton taarna akeh sirih akaara sehloon khavaa atrong mah i.