JOHN 3:3 - Akthar Trongirhna (BSI)

³ Mahchunna Jisu in akuunga amsang, “Taktak a keiin nikuunga kisonche, tunangkhat inta thar a poknoh leva, amah in Ringpu vaa kurungram muh cheknohtu.”

JOHN 3:3 Iomraidhean Croise

METHIU 16:17

Jisu in akuunga amsang, “Simon Bar Jona! Doiphahkha nangche, alamva ruung leh thii in nangta nakphoongnoh, chuta ringramma am Pa in nangta nakphoongpei.

METHIU 19:24

Che veikhatlakho kisonchou, akdoon mii khat in ringram kurung huunna ah luutchunga vaksa inkhat in kukthrimpo ah luut in aklai.”

METHIU 21:31

Anmah innih kaara jaknangin anpa in amdon atlohme?” Amah in ason, “Matsahna in atloh.” Jisu in ankuungah asonei, “Keiin atak a kitihchou, mah chuvah roithraiei mahche kochanoh kumei eiin matsah a ringram huunna a luutuei.

METHIU 5:18

Alamva, ringram mahche thalei amaang nohmiil Moses trongsuurnata tikta ansun nohle thretta ankai alip anaamte atlungnohmiil maangnoh tuta keiin nannihta taktak a kisonchou.

MARK 10:14

Chuta Jisu in mahchu amuh in amlunghaangsa, che ankuunga asonei, “Nao eikha keikuunga thlengeiso, anmahta khaamnoh eive; alamva Ringpu vaa kurung huunnakha mah naonang antasa.

MARK 9:47

Che nang nimit in nangta aleh a namthlakleva, mahkha kholro; nimit innih inruuia repnang nitlakngutva nimit khalekru a Ringpu vaa kurung huunna niluut in raalla nangtu thratu.

JOHN 1:13

Tunangkhat in amahninga akpok eiva, thiitingna khonoh nohle ruungtingna khonoh nohle mii in amdon tingna khonoh chuta Ringpu tingnasa.

JOHN 1:5

Akvaar in inthim kaara amvaar, che anthim in akvaarta cheknoh.

JOHN 1:51

Chela amahta ason, “Keiin nangta taktak a kisonche, nangin ringram inhoonga Ringpu vaa ringroi eiin miiva Asa kupa chunga trum kal nimuhtu.”

JOHN 12:40

“Amah in anmah anmitta amchohpei che anmah amilung amtrangpei, chunna anmit in anmuhnoh natu, che anmah anril in anromnoh natu, che kikuunga inhei tuveia kamthrattuei.”

JOHN 3:4

Nikodimas in Jisu ta ason, “Mii khat in atarche khatloh a inlenga pok achekume? Amah in anu poomsuung veinih inlenga luut a pok achekume?”

2 KORINTHIA 4:4

Anmah rella mah tukleiramna rappuin malotnoh ei, Ringpu ahoong nangjim Khrista vaa paarthra akthratrong akvaarta muh ancheknoh natu anmah anrilta amchopei.

2 KORINTHIA 5:17

Alamchunna tunangkhat in Khrista ah amleva amahvah akthar kutseemsa; amluiva sehsa, anve akthar thlengsa.

KALATIA 6:15

Alamva avuntan tannoh in jakhatkho akanana amnoh, chuta akthar kutseem khare.

EPHESIA 2:1

Nannih in chimnoh lamma seh a nanthihlai talla amah in nannihta nanimringpei,

TITAS 3:5

alamva inih itak in akchimlamma seh a itlohthlou relna noh, chuta amah ataktal in inihta inirilvol nujuih a akthar pok a inisil peia che Li Akseeng in inimthar apaalla inihta inikalpei.

JEMS 3:17

Chuta achung tingnata thleng lousingvh matsah a akseeng, mahchuche leh oi, ril tap, inthup amnoh, khatleh khat inrom, rilvoltheih che akrah thra, ril intluunnoh amnoh khatkho seengnoh amnoh.

1 PITAR 1:3

Ini Akpu Jisu Khrista vaa Apa mahche Ringpu ta mapaak veireio! Amah in inihta khalmo inirilvolla Jisu Khrista kthinata veikhat amring apaalla akringta matuura amah in veikhat inlenga inipokpei.

1 JOHN 2:29

Amah i akchim tih a romchoule, akchim aktloh miirel in amahkuungnata pok ta nantak a seenga nanromnatu.

1 JOHN 3:9

Ringpu nata akpokmii in aleh tloh a amnoh; alamva Ringpu ningah louam akringkha amahningkho chet a am, che amahva aleh tlohcheknoh alamva amahva Ringpu kuungnata pok.

1 JOHN 5:1

Jisu i Christa sa tih a amlot miinaam in Ringpu vaa asasa, che amah Apakho rilvol mii in Asakho arilvolpei.

1 JOHN 5:18

Tukhat in Ringpu tingah pokle aleh tlohnohsa tih a irom chuta Ringpu ah akpokmii in akroua inkem inseel, che thranoh in amahta mamaangnoh.

1 JOHN 5:4

Alamva Ringpu nata akpokmii in tukleiramta achekpei; tukleiramta ichek i inih in imlot apaalla raal ichek.

MADANGNA 3:14

“Laodisia ah am khakla vaa ringroi kuungah majihro: ‘Amen antih, malot aja mahche akchim sakhi, Ringpu kutseem suunga matsahrem amahvaa atrong oh i.