JOHN 17:3 - Akthar Trongirhna (BSI)

³ Mahche akchim Ringpu inkhatruta che nangin namthlah Jisu Khrista ta anmah in anromnatu, mah i ache amnoh chaan khasa.

JOHN 17:3 Iomraidhean Croise

MARK 9:37

“Tukhat in mah nao nanga kikminga louchoule keita nanloh ang; che tukhat in keita keilou choule, keita keilounohchou chuta keita kamthlah amahta nanlohpei.”

LUKE 9:48

asonei, “Tunangkhat in keiminga amah andihnao ita louchoule keita nanloh ang, che tunangkhat in keita keilou choule keita kamthlah amahta nanlohpei; alamva nannih nankaar a andihrem amah in akliinremtu.”

JOHN 10:36

keiturelva Pa in maseenga tukleiramma kamthlah peiang, che ‘Keiva Ringpu Asa kupa ang’ ta kisonlai khatloh a nannih inla nangva Ringpu ta leem manuih a trongche nantih angme?

JOHN 11:42

Nangin keita anirel naktheih angta krom, chuta onna miitam ngirra ak am mii turella kisonche, mah chuvah nangin keita namthlah angta anmah in amilotnatu.”

JOHN 14:26

Chuta keiminga Pa in nannihta Nanichaak Li Akseeng amthlahtu, amah in nannihta anaamte nanimtheih a keiin kson anaamte ikho nanrilla nantheihnatu atlohtu.

JOHN 17:18

Keita tukleiramma namthlah angkha mah khananga keiinkho anmahta tukleiramma kamthlah ei.

JOHN 17:21

Mahche anmah annaam khalek anveinatu; nangin keita namthlah angta tukleiram in amilotnatu, Pa o, nangin keikuunga che keiin nikuunga kiam nanga, anmah inkho nikuunga an amnatu keiin kingenche.

JOHN 17:23

Keiin anmah kuunga che nangin kikuunga niam anmah in mapungpha a khalek veinatu relna, chunna nangin keita namthlah peiang che niril namvol peiang, mah khananga anmahta nangin nirilvolsei ta tukleiram in aromnatu relna.

JOHN 17:25

Akchim Pa, tukleiram invah nangta nakromnoh ei, chuta keiinva krompeiche; che nangin keita namthlah angta anmah inkho anrompei.

JOHN 17:8

alamva nangin kikuunga namlan trong eita anmah kuunga kamlanpei, chuche anmah in mahchuta louloua, keiin nikuungnata thlengsang ta anmah inkho chimma anrompei, mahche nangin keita namthlah angta anmah inkho amilotpei.

JOHN 3:17

Alamva Ringpu in tukleiramta amlaalnatu Asa kupata mathlahnoh, chuta amah apaalla tukleiram in inkal aphahnatu Asa kupata amthlahpei.

JOHN 3:34

Alamva Ringpu in amthlah mii khanna Ringpu atrongta trong, jarelna tihva Amahkuung aksip Li ta amlan;

JOHN 5:44

Khalekruta akvei Ringpu tingnata paarthra nannih in lounoh a, inkhat in inkhatnata paarthra louva nannih in khatloh a malot nanchek ume?

JOHN 6:57

Akring Pa in keita kamthlah mahche keiin Pa rella kiring nangjimma, keita keisaamii in kei turella amahkho ringusa.

JOHN 7:29

Keiinvah amahta kirom, alamva keita kamthlah amahkuung nata thlengsang.”

JOHN 8:19

Alamchunna anmah in akuunga anson, “Nangpa ram amme?” Jisu in amsang, “Nannih in keikho kei Pakho romnohchou; nannih in keita keiromchoule, kei Pakho nanrom utaning.”

1 KORINTHIA 15:34

Akchimril khanna inlengve mahche aleh tlohnohve. Alamva mii arouva Ringpu vaa khiial amnoh ei. Nannih in injak nanphahnoh natu maita kisonchou.

1 KORINTHIA 8:4

Nga tloh a leili ah inkatpoot aksaa kuunga, “Leilivah inih in irom mah chuvah akchim anthohna amnoh,” mahche “Ringpu inkhatnoh a aktlei Ringpu amnoh” ta irom.

2 KORINTHIA 4:6

Alamva, “Akvaarin inthimta amvaarpei,” ta Ringpu in Khrista apaalla amahvaa paarthra lousing akvaarta inimlannatu inih imlungta amvaarpei.

PHILIPPIA 3:10

Chunna amah in thinata aringna tuuileh amahta kiromnatu, che amah in alah anangna chuumta kijanatu, amah athihnanga kithihnatu kitak in kijakhata kiromantu,

PHILIPPIA 3:8

Tak a keiin bilamta amangna tih a kiteen, alamvah keitu Akpu Khrista Jisu ta rommi akthloiremsa. Alamva mah kharella poot anaamte maangsa, che mah makheichu keiin lou indah angta kimdon, keiin Khrista turella kichuungna vei tih a kimdon.

1 THESSALONIKA 1:9

Alamva antaksaak in nannih rella antongvah khatloh a nankaara kannihta nanison ungme, che nannih in akring mahche akchim Ringpu ta routlohnatu leili mathruunnata khatloh a Ringpu ting inheichoume,

2 THESSALONIKA 1:8

Ringpu akromnoh mii eita che inih Akpu Jisu vaa akthratrong amjuihnoh eita athung alohtuei.

HIBRU 3:1

Alamchunna ringramting iniongna ah chuum akjajou akseeng unaoeio, inih inara oisa ta sonna iphoong raangroi mahche akthloi thiimpu Jisu rella madonrei.

2 PITAR 1:2

Ringpu mahche Akpu Jisu vaa khiialla malungsi khatkho leh oi nankuungah maral veiso.

2 PITAR 1:3

Amah atakvaa paarthra ah khatkho akthrarem kulvaa apaalla inihta iniong amahta irompeia ringramtingna tuuia ring mahche amahta malot a akluutsam naamte inimlanpei.

2 PITAR 1:8

Alamva maita nantak ah amma hanralle, inih Akpu Jisu Khrista akhiialla anmah in kanana amnoh chunohle akrah amnohva veinohtu.

1 JOHN 1:2

Chaanta amdangpei, che mahkhata inih in imuhpei, che amahkharella inih in chimta sakhi imlan, che Pasoh amjouta inihting inimdang ache amnoh chaanta nankuungah kanson peichou.

1 JOHN 1:3

Kannih in kanmuhche khatkho kantheihcheta nankuung akho sonna kamidangchou, chunna nannih in kannihsoh nanruuijounatu; che inih in inruuijoume i Pa leh Asa kupa Jisu Khrista in ninruuipi.

1 JOHN 2:23

Asa kupata indah miikhan Apata indahsa. Asa kupa kuungah amah alehta phoonga akluut miikhan Apakho aphah.

1 JOHN 4:6

Inihva Ringpu atasame. Ringpu akrom mii tukhat in itrongta arungeih, Ringpu tingnanoh amahkhan itrongta rungainoh; onna akchim linohme tih a irom.

1 JOHN 5:20

Che Ringpu Asa kupa thlengsa, akchim amahta romma roulou itheihnatu rilta inimlanpei tih a irom; che inihvah amah Asa kupa Jisu Khrista akchimkuungah amsame. Amahvah akchim Ringpu, che ache amnoh chaan khasa.