JOHN 1:1 - Akthar Trongirhna (BSI)

¹ Kulkung nata Trongkha louamsa, che Trongkha Ringpu soh inruuia louamsa, che Trongkha Ringpu sa.

JOHN 1:1 Iomraidhean Croise

METHIU 1:23

“Anve akseeng rungaak inkhat in nao inpooia kupasa inkhat apoktu, “che anmah in amahvaa akming Immanuel an ongtu.” (Mahchu arthava, “Ringpu in inihta inimrui.”)

LUKE 24:53

Che anmah in Ringpu mathruunna thlaamma injomma Ringpu ta mapaak a amsei.

JOHN 1:14

Trongin ruung hukveisa, che malungsi leh akchim in ksip a ikaar a amsa; Pa tingna paarthra vei Asa kupa khalekru tingna apaarthrata imuhpei.

JOHN 1:18

Tukhat inkho Ringpu ta loumuhnoh ei; Asa kupa khop in amuhning, Ringpu tingna khalekru vei Asa kupa apasoh annai amahta amrompei.

JOHN 1:2

Amah in kulkunga Ringpu soh louamjousa;

JOHN 16:28

Kei Pa kuungnata thlengsang che tukleiram a thlenglasang; veikhatla tukleiram kamthlahche kipakuunga sehlatung.”

JOHN 17:5

Che ipekva Pa, tukleiram seemnoh amaa a nangsoh inruuia kei paarthra louam khanna nangkuunga keita paarthra kamveiro.

JOHN 20:28

Thomas in akuunga amsang, “kei Akpu mahche kei Ringpu!”

JOHN 8:58

Jisu in asonei, “Keiin nannihta taktak a kisonchou, Abraham apoknoh maa a kei louamsang.”

ROME 9:5

Amahva pipasei, ruungtinga anmah tingnata Khrista poksa. Lai amrella mapaak, apumte chunga Ringpu sa. Amen.

EPHESIA 3:9

poot naamte akseem Ringpu kuungah chup chupnata mathup a asih anthuptrong amchaangkhata jangme tihchu mii naamteta mamuhnatu.

PHILIPPIA 2:6

amah in Ringpu hoongah rouam slakho Ringpu soh intrimma chet a amnatu madonnoh,

KOLOSIA 1:15

Amahva muh icheknoh Ringpu aniimma inseem bilam naamte kaarnata matsahrem akpokhasa;

KOLOSIA 1:17

Bilam naamte amaa a amahvah rouamsa, che anaamte amah kuungah amkirei

1 TIMOTHI 3:16

Amahta ruung veia amdangpei, Li in amchimpei, ringroi in anmuhpei, jatih ankaara trongi inraansa, tukleiram in amlotpei, paarthra ah ahanlohpei.

TITAS 2:13

inihtu doita matuur, mahche inihvah akliin Ringpu khatkho inikal Jisu Khrista vaa paarthra ammuhta inih in iloungaak,

HIBRU 13:8

Jisu Khrista vah majaankho mi inkho che ache amnoh a intrimbenga am.

HIBRU 7:3

Amahvah apa nohle anu nohle anthohna amnoh, anthohna akni mathronna che achena nohle chaan achena amnoh, chuta Ringpu vaa Asa kupa nanga, amah in inpotnoh luunga ache amnohtu Thiimpu vei.

2 PITAR 1:1

Jisu Khrista vaa roijuih mahche raangroi Simeon Pitar in inih Ringpu mahche inikal Akpu Jisu Khrista vaa akchimlamseh ah inihsoh inruuia malot ah intrimma akphahjou ankuunga:

1 JOHN 5:20

Che Ringpu Asa kupa thlengsa, akchim amahta romma roulou itheihnatu rilta inimlanpei tih a irom; che inihvah amah Asa kupa Jisu Khrista akchimkuungah amsame. Amahvah akchim Ringpu, che ache amnoh chaan khasa.

1 JOHN 5:7

Che Li in sakhisa alamva Li vah akchimkhasa.

MADANGNA 1:11

Mahchunna ason, “Nangin nimuhkha nirik ah majihro che mahkha Asia ah am khakla sirihtinga machuvah: Ephesia ah, Smarna ah, Perkamam ah, Thiatria ah, Sardis ah, Philadelphia ah mahche Laodisia ah mathlah eiro.”

MADANGNA 1:17

Keiin amahta kimuhlai, akthi mii nanga akehkungah inriilsang. Chuta akchang kut in kei kitakchunga sih a keisonang, “Intrinohro, keiva matsahrem khatkho achenarem khasang,

MADANGNA 1:2

John in Ringpu atrongta mahche Jisu Khrista vaa sakhi khatkho amah in amuh naamteta sakhi amlan.

MADANGNA 1:8

“Keivah Alpha khatkho Omeka,” Akpu Ringpu in ason, Ipek ak am, ak amche khatkho athlengsam, akchek amnehrem khasang.

MADANGNA 19:13

Thii inlup lungluut amah in asilh, che amah akmingvah Ringpu Atrong tih a an ong.

MADANGNA 2:8

“Smarna ah am khakla vaa ringroi kuungah majihro: Mah i ‘Athihche akring, matsah mahche achena akvei amah atrong oh i!

MADANGNA 21:6

Che amah in keita keison, “Mah i chesa! Keivah Alpha khatkho Omeka ang, kulkung khatkho kulreelsang. Tuii akraalmii kuungah akring doptuinata khangvaalla kimlantu.

MADANGNA 22:13

Keivah Alpha khatkho Omeka, matsah khatkho achena, kulkung khatkho kulrel khasang.”

MADANGNA 3:14

“Laodisia ah am khakla vaa ringroi kuungah majihro: ‘Amen antih, malot aja mahche akchim sakhi, Ringpu kutseem suunga matsahrem amahvaa atrong oh i.