JEMS 4:4 - Akthar Trongirhna (BSI)

⁴ Malotnoh miieio! Tukleiramta inpaipi i Ringpu soh jekna vei tih i romnoh choume? Alamchunna tunangkhat in tukleiramsoh anpaijale atak anrouta Ringpu ta amah jekna amveipei.

JEMS 4:4 Iomraidhean Croise

METHIU 12:39

Chuta Jisu in amsangei, “Akthranoh leh miimei miisa laal ringnatluun in daang anjon, chuta ringraan Jonah daangnoh a daang amnoh.

METHIU 16:4

Akthranoh leh miimei miisa laal ringnatluun in daang nanjon, chuta ringraan Jonah daangnoh a daang nanimlan nohtung.” Che anmahta mah a sehsa.

METHIU 6:24

“Tukhat inkho Akpu innihva routloh veicheknoh, alamva amah in aktlei khatta antirhche aktlei khatta aringvoltu. Chunohle amah in inkhatta arungeihtu che aktlei khatta rungainohtu. Nannih in doonkhaal leh Ringpu ta routloh cheknoh uchou.

LUKE 19:27

Keiin anmah anchunga akpu veia kipaallaia keijekna eita onna keithlenve che anmahta kei maikuunga that eive.’ ”

JOHN 15:19

Nannih inta tukleiramna choule, tukleiram in amah ata veia nannihta nanirilvoltu; alamva nannihva tukleiram nanohchou; chuta keiin nannihta tukleiram nata kichar peichou, churella tukleiram in nannihta nantirh.

JOHN 17:14

Keiin nang nitrongta ankuunga kamlanei; che tukleiram in anmahta intirhsei alamva keiva tukleiram nanoh ang mah khananga, anmahkho tukleiram nanoh ei.

JOHN 7:7

Tukleiram invah nannihta nantirh cheknoh ei, chuta amah inva keita kantirh alamva amah athlouva thranoh ta keiin sakhi kamlanrelna.

ROME 5:10

Inih in Ringpu vaa jekna iveisuung talla amah asa kupa in athih apaalla inihta Ringpu soh inimchunpei. Amah in aring apaalla inihta inikal ume.

ROME 8:7

Alamva ruung in amdonna ah ril aksih mii in Ringpu vaa trongsuura luutkhemnoh.

1 KORINTHIA 1:20

Aksingmii ram amseime? Ringjih lulok ram amseime? Mah chup in trong insin aktheih ram amseime? Tukleiram miivaa lousing Ringpu in ammaang nohme?

1 KORINTHIA 1:21

Alamva tukleiramna mii in Ringpu alousingah ringeita Ringpu ta rom cheknoh ei. Akthratrongta kmong inih in iraan apaalla amlot miita ikalli Ringpu in apelna.

KALATIA 1:10

Ipek mii in anjaata nohle Ringpu in ajaata keiin kijonme? Chunohle mii mapelna tuta keiin insuul sangme? Miita keiin mapel sangleva; keiin Khrista aroijuih veinoh utang.

JEMS 1:27

Ringpu khatkho Pa amaikuungah akseeng che akbuur amnoh heikohvah: anu apa akdoonnoh mahche trulmeinu in anlah ansamma an, che tukleiramna thranoh nata anrouva inngaak.