JEMS 4:11 - Akthar Trongirhna (BSI)

¹¹ Unaoeio, nannih khat in khat chungah thranoh a trongnohve. Amah unaochungah thranoh trong mahche amah unaota pichaar tlohle, amahvah trongsuurta thranoh a trong sache trongsuurta pichaar atlohpei. Chuta nangin trongsuurta pichaar tlohchele, nangva trongsuurta amjuih miinohche chuta nangva trongsuurta pichaar aktloh mii che.

JEMS 4:11 Iomraidhean Croise

LUKE 6:37

“Miita pichaar tlohnohve, mahche nannihkho pichaar nanitlohnoh tuei; miita malaal khonohve, che nannihkho tiknikho nanimlaal nohtuei; miita ipve, nannih namiraalkho nani iptu.

ROME 2:1

Churella miio nangva miita pichaar nitloh, nitakta in ipnatu suulnohche, alamva nangin aktlei miiva pichaar nitloh, nitaksaakta maraal inpeche i jarelna meta pichaar aktloh nitaktal in mahtal khata tloh a amche,

ROME 2:13

Alamva trongsuur rungaikhop mii in Ringpu akuunga chimnoh ei, chuta trongsuurta amjuih aktloh miita amchimei.

ROME 7:7

Chuleva inih in jangison ume? Trongsuur i alehsameh? Mah chuvah khak veinohsoh! Trongsuur amnolehva, keiin aleh romnoh tupot ang. Trongsuur inta, “Nangin dimalnohro” ta keisonnoh leva, keiin aleh romnoh utang.

1 KORINTHIA 4:5

Churella Akpu athlengnohmiil, laita aphahnoh maa a pichaar tlohnohve, inthim kaara anthunpeita amah in akvaara athlentuei che miiril suunga inchaanga am jikchakho amdangtu. Mahlai miirel in Ringpu ta mapaak anphahtu.

2 KORINTHIA 12:20

Alamva keiin kintritnava nankuunga kithleng laia keiin kamdonnoh rilla nannihta nanituuk angle, mahche nannih in namidonnoh rilla keita keituuk aja; mah chuvah nar a inkharh inkhirh, khatleh khat kallak, malunghaang, anroutukhop insuul, mii loonna trong, apupu trongtlam, thoiliin mahche alam nainoh.

EPHESIA 4:31

Ril inkhahkang, trihkhop a malunghaang, ril inhaang, derderta ong, mii loonna trong inruuia thranoh naammte nankuungnata inthruh veiso.

1 TIMOTHI 3:11

Mahchunanga kumeiei inkho cheksil eiso, mii loonna trongnoh, chuta achaang naia am, bilamma malot aja kumei veitu tlaei.

2 TIMOTHI 3:3

mii rilvol amnoh tuei, mii andah tuei, miiruuta malaalla trongtuei, kaa anraltu, intrikhop tuei, akthrata intirh tuei,

TITAS 2:3

Mahchunanga anpaa kumei in anhoong anla ah injahna kumei anveinatu; mii loonna trongnoh nohle tuiibuh ah naichi veinoh; anmah in akthra i jangme tih a matheih eiso,

JEMS 1:16

Kirilvol unaoeio, nannih in khatleh khat insimnanohve.

JEMS 1:19

Kirilvol unaoeio, mah i romve, mii in intha rungaitheih, trong inneem, malunghaangah tap veive,

JEMS 1:25

Chuta aningtamna mapungpha trongsuur ah injomma ak am mii mahche mapolhtranga arungaikhop veinohve, athlou veia aktloh mii khavah, amah in atlohthlou adoi amlantu.

JEMS 2:8

Ringjih nujuih a, “Nangin nanthringpita nitaktal nanga rilvolro,” kurungvaa trongsuurta tak a mathlung choule nannih in thra nantlohpei.

JEMS 5:10

Unaoeio, Akpu ningah aktrong ringraan in anlah annangkha mahche doutranga antloh ankhal antak ah aksuukha nantak a pandam veia louve.

JEMS 5:7

Alamchunna unaoeio, Akpu in athlengnohmiil doutrangve. Anve, thaleichungah khalmo amanchaal chi akrahta luhnatu loutloh mii in gaak a am, amah in anrang khatkho akthil khuta athlengnohmiil doutranga ngaaklipnoh a am.

JEMS 5:9

Unaoeio, nannihta pichaar nanitlohnoh natu nannih inkhat in in khat chungah in andah insihnohve; anve, pichaar Akpu in innkhaara ngirra am.

1 PITAR 2:1

Chunna thranohta akdi naamte, mii masimna, ril seengnoh, kallak mahche mii loonna trong naamte nata insenga mahve.