JEMS 3:13 - Akthar Trongirhna (BSI)

¹³ Nannih nankaara aksing mahche akrom tu amchoume? Amah in lousingta inruruhsoh inruuia amah athlou anaam akthra chaan aringna ah madangso.

JEMS 3:13 Iomraidhean Croise

METHIU 11:29

Kei rukol nantak ah roonve, che keikuungnata keitamve, alamva keiva kiril tap ang che kiril inneemmang, nannih nanli a inngai nanphahtu.

METHIU 21:5

Jaion vaa asakumei kuungah sonve, ‘Anro, nang kurung in nikuungah thlengsa, amahvah inruruh mahche samong chunga chuung, samong ate inkhat, samong apui inkhat ah.’ ”

METHIU 5:5

“Doipha eikha inruruh miikhasei, alamva anmah in thaleiram anphahtu.

METHIU 7:24

“Churella tunangkhat in kisonita arungeihche aktloh khavah aksing mii nanga lungpii chungah inntloh khasa.

1 KORINTHIA 6:5

Nannih in nanjaknatu mah ita kitihchou. Chuleva amah unaota ankaara pichaar akltohchek nankaar a aksingmii inkhatkho amnoh choume?

2 KORINTHIA 10:1

Khrista vaa ariltap mahche aril inneem apaalla Paul kitaksaak in klukanga kisonchou, keiin nannihsoh kiamjoulai inruruh ang, chuta kiamnoh laikho nankuunga kiril am!

2 KORINTHIA 8:24

Chunna nannih rilvoltheih mahche nannih turella kanthoinavah khakla anmaikuunga chimta anmahta madangve.

KALATIA 5:23

ril inneem, anroua inchaakchek, mainangta jeknatu trongsuurva amnoh.

KALATIA 6:1

Unaoeio, mii khat in chimnoh lamma sehta suurchoule, li ah am nannih in ril innnemsoh inruuia oinang miita veikhat malengve. Nitak luungkho namdoinoh natu cheksilro.

KALATIA 6:4

Chuta miirel in atak anroua chaang in anso, chunohleva amah atak anrouta ralla athoina veitu.

EPHESIA 4:2

Inruruh mahche ril tap apumtesoh, doutrangsoh inruuia khatleh khat ril involla,

PHILIPPIA 1:27

Nannih nanhoongkha Khrista vaa akthratrong turella matikcha maveive, chunna keiin thlenga nannihta inmuhpinatu veislakho, chunoh thlengnoh inmuhnoh melakho, nannih in li khat ah chet a ngirchouta kitheihtu, akthratrongta namilot rella inchunna tlohkhaljou rilkhat veime.

KOLOSIA 3:12

Chunna Ringpu in acharkhat veia, akseeng mahche rilvolna mii nanga, rilvoltheih, ril inneem, inruruh, mahche doutrangta nannih in silhve,

1 TIMOTHI 4:12

Intlangsa khat veia tukhat inkho usitnoh naktlohnoh eiso, chuta nangva amlotmiiei turella nitrong nilaleh nihoong nivaa ah, miirilvolla, malot ah, akseeng punsi ah mii in nangta nantamna veiro.

1 TIMOTHI 6:11

Chuta Ringpu amii nangvah mah naaamte i mahro, akchimlamseh ah, Ringpu mathruunna, malot ah, rilvoltheih ah, douchek ah, ril inneemta masinro.

2 TIMOTHI 2:25

amahsoh injanoh miita inneemma seemma machim. Anmah in akchimta anromnatu che anril thlengnatu Ringpu in thlou atloh ei,

TITAS 3:2

tukhat tingkho thranoh trongnoh natu, innah insuulnoh natu, ril tap a mahche mii naamte kuungah ril seenga mamuh i anmah in anromnatu matheih eiro.

HIBRU 13:5

Nannih chaanna inbaobeh diinata inlaahve, nannih in nansihpoot khanna nanpelna veiso, alamva amah in ason, “Keiin tikni akho namthlah nohtung, nohle nakloon nohtung.”

JEMS 1:21

Alamchunna akbuur mahche thranoh ah ril maluutta che nannih nanruungvaa lita akalchek nankuunga amthlah trongkhata ril inneemsoh inruuia loulouve.

JEMS 2:18

Chuta mii khat in asontu, “Nangkuungah malot amkha athlou jaonoh” a keikuungah kammuhro, che keiin kamlotkha athlou veia nikuungah nanmuhtang.

JEMS 3:1

Kiuh kinaoeo, inih in ralla akrik pichaar iphahsam irom taningva nankaarna miitam in lulok veinoh eime.

JEMS 3:17

Chuta achung tingnata thleng lousingvh matsah a akseeng, mahchuche leh oi, ril tap, inthup amnoh, khatleh khat inrom, rilvoltheih che akrah thra, ril intluunnoh amnoh khatkho seengnoh amnoh.

1 PITAR 1:15

Chuta nannihta naniong amah in kseengnanga, nanhoong nanva apumtea akseeng veive;

1 PITAR 2:12

Jental ankaara nanhoong nanvaa thra a sehve, anmah in naniandah a nannihta chimnoh aktloh miichou nanitih seilakho, amah in nanian athlenglai nannih in akthra nantlohthlou anmah in muh a Ringpu ta paar mathrat eiso.

1 PITAR 2:9

Chuta nannihta anthimnata salungkhouna akvaar ah nanionga am salungkhouna thloueita sonna namidangnatu nannihva acharche jatih, kurungtu thiimpu, akseeng jatih che amah atak ataschou.

1 PITAR 3:4

chuta aril anthupmii in amaang amnoh, ril tap, che ril dai in inseem inliingve, mah i Ringpu amit anna khalmo amanlu.