JEMS 1:5 - Akthar Trongirhna (BSI)

⁵ Tukhat in lousing vaatchoule mii naamteta klok a amlantheih mahche indah tlohnoh a amlantheih Ringpu kuungah nihso, che mahchuta akuungah amlantu.

JEMS 1:5 Iomraidhean Croise

METHIU 11:20

Chuche amah in salungkhouna thlou atlohna khuuboomta asaalei, alamva anmah in anril anthlengnoh relna.

MARK 16:14

Achenaremma somleikhat in tebor a inbok a an amlaia amah in thlengsa; che anmah in amilotnoh khatkho anriltrang khanna amah in ankuunga asaallei, alamva amah in aringche aknua amahta akmuh in malotnohsei.

JOHN 14:13

Bilam nannih inta keiminga nihchoule mahkha keiin kitlohtu, chunna Apa in Asakuunga paar amthrattu;

JOHN 15:7

Nannih inta keininga amchoule, che kei kitrongta nankuunga amle, nannih in nannihja nihve, che mahchu nankuunga veitu.

JOHN 4:10

Jisu in amahkuunga amsang, “Nanginta Ringpu vaa akutthol mahche ‘Tuii ki iinnatu kamlanro’ ta nikuunga tuii naknih i tumeta romchele, nangindom amahkuunga tuii nih a amah in nangkuunga akring tuii nikpek uta.”

2 KORINTHIA 2:16

Akthi in akthi kuunga anrim vei. Mairella mapungphava tunangsame?

JEMS 1:17

Akthra malan mahche mapungpha kutthol anaamte achungtingna, kvaar amlan Pa tingnata trum amah kuungah ajethrel nohle inthleng aniimtla amnoh.

JEMS 3:17

Chuta achung tingnata thleng lousingvh matsah a akseeng, mahchuche leh oi, ril tap, inthup amnoh, khatleh khat inrom, rilvoltheih che akrah thra, ril intluunnoh amnoh khatkho seengnoh amnoh.

JEMS 5:16

Alamchunna kna nanimthrat natu khatleh khat nanleh inson inphoong choulaia, khat in khat turella ngenjouve. Akchimlamseh mii in angenva thlou khanna atuui trang.

1 JOHN 3:22

che inih in ingennaamte amahkuungnata iphahkir, alamva amah trongthuun eita inih in ingaak amahta mapelnatu itloh.