JEMS 1:21 - Akthar Trongirhna (BSI)

²¹ Alamchunna akbuur mahche thranoh ah ril maluutta che nannih nanruungvaa lita akalchek nankuunga amthlah trongkhata ril inneemsoh inruuia loulouve.

JEMS 1:21 Iomraidhean Croise

METHIU 5:5

“Doipha eikha inruruh miikhasei, alamva anmah in thaleiram anphahtu.

JOHN 6:63

Chaan amlankha Lisa, ruung inva jakhatkho akanana amnoh; keiin nankuunga kson trongeikha li leh chaan khasa.”

JOHN 6:68

Simon Pitar in akuunga amsang, “Akpu, tukuunga seh usungme? Nangkuunga ache amnoh chaantrong am;

NOONNA THLOU 10:33

Chunna kak hanga nangkuunga mii kamthlah, nangin nithlengi khalmo tlansa. Alamchunna Akpu in nangkuunga trongthuun amlan naamteta kanrungeih natu ipek kannaam Ringpu amaikuunga amsung.”

NOONNA THLOU 13:26

“Unaoeio, Abraham innsuungvaa asa kupaeio, mahche nannih nankaar a Ringpu aktrih eio, inihkuunga amah chaanringvaa akthra trongi amthlahpei.

ROME 1:16

Alamva keiin akthratrong rella injaknoh ang: mahchu mii turel chaanring phahnatu Ringpu vaa atuuisa, matsah a Judi mahche Kriik akho.

ROME 11:17

Chuta abaak arouin tliklehva che raprilna chorphol asoiinanga anmahva amunkhanna mamoonga chorphol adoonkha inseemnatu namithloppei,

ROME 6:17

Chuta Ringpu ta mapaakrei, alamva nannih in alehvaa naichi louvei sachoulakho, nankuunga nanimlan matheihna ahoongkha ril luut a namijuihpei,

1 KORINTHIA 15:2

mah trongkhan nannihkho inkalsachou, mahkhata chet a matuhchoule mah khanna inkal nanphahpei, chunohleva sulla namilotpei.

2 KORINTHIA 7:1

Kirilvol eio, trongchet iphah peitaningva akbuur khatkho thranoh linata ikrouva inseengrei. Ringpu ta trih a akseengta mapung maphareio.

EPHESIA 1:13

Amah kuungah nannih inkho akchimtrong, chaanringvaa akthratrongta nantheih, che amahta namilot, trongchetvaa akseeng Li in nannihta chum naninampei,

EPHESIA 4:22

nannih in matsah nanringna tukleiramtu veimii masimna kiditrang, athlou chimnoh, thranoh nanhoong nanlakha mathlahve,

EPHESIA 4:25

Alamchunna chimnoh trong mathlahve, mii naamte in anthringpi miisoh akchimma trongve, alamva inih khatleh khat akhol khatningme.

EPHESIA 5:4

Akmot miihoongah thranoh a trong, nohle asiimsaam trongi trongnohve, mainangei i matik chanoh sengei mahchungut a mapaakna trong veiso.

1 THESSALONIKA 1:5

alamva kannihvaa akthra trongi nankuungah trong khop veia thlengnoh, chuta nankuungah tuuia, Akseeng Li ah mahche chet a malotsoh inruuia thlengsa. Nannih turel kannihvah jaknangmii veisungme ta nankaara mamuhna tuta nanrom.

1 THESSALONIKA 2:13

Mairella kannih inkho inngainoh a Ringpu ta kamipaak, mahchuvah kannih tingnata nantheih Ringpu trongkha nanlouloh laia, mahkha nannih in miitrongnata vei tihnoh a atak a Ringpu trongta nanloulohpei, mah chuvah Ringpu ta amlot nankuungah thlou atloh.

TITAS 2:11

Alamva mii naamte turella chaanring i Ringpu vaa malungsi in ammuhpei,

HIBRU 12:1

Alamchunna vachah inrol sakhivaa sumphai in inihta inikooi taningva, inih inkho akriknata mahche inihsoh akmaar alehnata inlitrei, mahche inih in insuul tranga inih imaa a tlaan insinkhanna tlaanrei,

HIBRU 2:3

inih in vachah liin chaanringta thousanoh mele khatloh a inlit umeme? Mahkha matsah a Akpu in sonna amdangpei, che amahta akhoihmii eiin inihta amjapei.

HIBRU 4:2

Alamva amah kuungah trong inraan khananga akthratrongkha inihkuungah thlengsa; chuta anmah in antheihpot trongraankha ankuungah achuungna amnoh, alamva mahkhata arungai mii in malotsoh inruuia lounoh ei.

JEMS 4:8

Ringpu kuung innaive che amah in nankuungah innaitu. Aleh am eio, nankut maseengve nanril innih amthring miieio, nanril maseengve.

JEMS 5:20

Alehchel mii khat in chimnoh lamma sehta tunangkhat in inlengpia thlenle akthlen miikhan li inkhat thita akalpei mahche aleh chachahta a iptu tih i amah in romso.

1 PITAR 1:22

Nannih in nan uh nannaota ril seenga rilvolla nannih in akchimma sonjuih a nannih nanlita maseenga, malungnata nannih khatleh khat ringinvolve.

1 PITAR 1:9

Nannih in namilot khanna nannih nanlivaa chaanringta nanphahpei.

1 PITAR 2:1

Chunna thranohta akdi naamte, mii masimna, ril seengnoh, kallak mahche mii loonna trong naamte nata insenga mahve.

1 PITAR 2:11

Kirilvol eio, nannih nanlita andah a raal nantloh i ruung in akditnata nanloungaak natu miiramna mii mahche roi mathlahmii nanga keiin kinoolchou.