2 TIMOTHI 1:3 - Akthar Trongirhna (BSI)

³ Keiin inngainoh a kingen kingenna ah nangta kantheihlai kapa kapu in antloh khananga, akseeng chim chimnoh romna rilsoh rou katloh Ringpu ta kimpaak.

2 TIMOTHI 1:3 Iomraidhean Croise

LUKE 2:37

kum sopritlei manli chang trulmeinu kumei veisa. Amah in suun jaan buhella ngenna mathruunna thlaam mathlahnoh.

NOONNA THLOU 22:3

“Kei i Silisia na Tarsas ah pok Judi ang, chuta keiva amah khuuboom inna Kamaliel athlanga liinsang, inih ipa ipuei trongsuur jiksiir athlanga keita klukanga nirik kamtam anga mii kamveiang, nannih naamtein ipek nanringna nanhoong nanvaa inanga keikho Ringpu rella kiril luutsang,

NOONNA THLOU 23:1

Paul in jamata antlinga asonei, “Unaoeio, mi in phah a keiin Ringpu amaa a akthra thranoh chim chimnoh romna lousinga ringang.”

NOONNA THLOU 24:14

Chuta amah i keiin nikuunga kijapei, ohchuva anmah in heikoh ruul tih a an ong Lam aknujuih a inih ipa ipuei Ringpu ta keiva kamthruun, trongthuunna anjih anaamte che ringraan in ason anaamteta kamlot.

NOONNA THLOU 24:16

Nga tloh a keiin lai amrel Ringpu kuunga mahche mii kuungah seengnoh kiveinoh natu klah ang.

NOONNA THLOU 26:4

“Mathron lainata keiin kijatih ankaar a mahche Jerusalem a nao kiveilainata keiin kiringna, kichaan khatkho kihoong kiva Judi annaamte in kanromang.

NOONNA THLOU 27:23

Alamva keiin aknu kijuih mahche keiin kamthruun Ringpu vaa ringroi inkhat in mi in khulouhtal khanna kikomma ngirsa,

ROME 9:1

Keiin Khrista akminga akchimta trongsang, keiin masimna a trongnoh ang, chim chimnoh akrom kiril in akseeng Li vaa apaalla sakhi kamlan.

2 KORINTHIA 1:12

Alamva inih in in orhnava, chim chimnoh romna sakhi i inih in Ringpu tingna akseengin mahche iril seenga tukleiramma tlohkhalla iam isa, che inih in ralthloiakho itloh i inihtingna lousingnoh a chuta Ringpu vaa malungsia mahche nannihtingna akthrahoonga sehsung.

KALATIA 1:14

che kei kimiiei ankaara keisoh kintrimpi anmah aktamva Judiei heikoh ah matsah veisung, ipa ipuin annonoa anroutlothlou akhanna khalmo kirilta kailuut.

EPHESIA 1:16

nannih turella keiin mapaak inngainoh ang, keiin kingenrel nannihta intheih ang,

1 THESSALONIKA 3:10

nannih nanmeelta kanmuhnatu mahche namilotna thlou akvaat malanphu malannatu khulouh suun khalmo kanngennohme?

1 TIMOTHI 1:19

nangin namlotta chet a matuhro mahche chim chimnoh romna akthra rilla amro. Mah maromna rilita indah eia mii arouva amilotnata mulikoi veisei,

1 TIMOTHI 1:5

Khatting inih in imsinna ithloua akseengril, chim chimnoh maromna akthraril mahche ril seenga malotnatu inthruh rilvolsa.

1 TIMOTHI 5:5

Tukhat in taktak a trulmei vei mahche amahturel tukhatkho amnoh a akroua ringle, amah in Ringpu kuungah matuur khatkho khulouhthlang che suuntla inruruh a nih khatkho ngen inngainohso;

2 TIMOTHI 1:5

Niril seenga namlotkha keiin intheih ang, tak a malot i nang nipi Lois leh nangnu Unis kuungah amche pekkho ammangche, nankuung akho amtuta keiin kamlot.

2 TIMOTHI 3:15

Che nangin nao niveilai nga tloh a akseeng ringjih kirompei ta nitak in minna bahab tlasache Khrista Jisu ta namlot apaalla mah ringjih in nangta chaanring rella namtheihchek.

HIBRU 13:8

Jisu Khrista vah majaankho mi inkho che ache amnoh a intrimbenga am.