1 TIMOTHI 5:5 - Akthar Trongirhna (BSI)

⁵ Tukhat in taktak a trulmei vei mahche amahturel tukhatkho amnoh a akroua ringle, amah in Ringpu kuungah matuur khatkho khulouhthlang che suuntla inruruh a nih khatkho ngen inngainohso;

1 TIMOTHI 5:5 Iomraidhean Croise

LUKE 18:1

Anmah in lai amrel anngennatu mahche anril inlengnoh natu ta ankuunga pandam khat malanna asonei.

LUKE 18:7

Chunna amahkuunga juktiing khulouh trap a ason, Ringpu in amah turella acharche mii turelva pichaar tlohnoh ume? Anmah in trap a ansonta rungainoh a amthil ume?

LUKE 2:37

kum sopritlei manli chang trulmeinu kumei veisa. Amah in suun jaan buhella ngenna mathruunna thlaam mathlahnoh.

NOONNA THLOU 26:7

Isakhei somleinih inkho amahta kanphahtuta matuura khulouh suun anril maluut a Ringpu ta amithruun. Kurungo! Mah matuur irelnasa keita Judi ei in kanloonna angi.

NOONNA THLOU 6:1

Ipek akni aknileh aroi tam ahanral in, Kriik trong aktrong Judi ei in Hibru trong aktrong Judi anchunga andah a insosei alamva aknirel saakna iinna ansem anmilanlai anmah trulmeinuta thou sanohsei.

NOONNA THLOU 9:39

Chunna Pitar in inthoua anmahsoh sehjousa. Che amah in athlengsoh, amahta achungnung khum a ankalpipei. Trulmeinu annaam in akom anngirhche trap a amsei, Darkas in anmahsoh an amjou laia akthrui inluutei mahche aktlei puunrei eita amimuh.

NOONNA THLOU 9:41

Mahche amah akutta jamma amahta kaia amthohpei. Mahcheva akseeng mii leh trulmeinu eita onga anmah ankuunga kumeita kiringa amlanei.

ROME 1:12

Chunna keiin kamlot leh nannih in namilot khanna nannih leh kei ikaara khatleh khat insohnatu.

ROME 1:5

amah akmingrella jaatboom anaamte in malot sonjuihkha thlennatu amah apaalla malungsi khatkho raangroivaa phom inih in iphahpei,

1 KORINTHIA 7:32

Nannih in nanril inhal inhil tlohnoh a nan am kikdit. Changvaangnoh kupa in Akpu thlouta kantloh a amahta kampel umeta kirilla inchoiang.

1 KORINTHIA 7:34

che amah in akdit arilkho inthrek baak veimele che changvaangche kumeileh akseeng rungaakho anthliinna am. Changvaangnoh kumei in ruunga mahche li ah kseeng aveinatu amah in khatloh a Akputa kampel umeta amdon, Chuta changvaangche kumei invah amsalta khatloh a kampel umeta tukleiram thlou rella inchoi.

EPHESIA 6:18

Nanngen nannih naamte inruruh a lai amrel Li ah ngenve. Che oinang aktrang rilsoh inruuia jihtranga doutrang apumtesoh akseeng mii naamte turella ngenve,

PHILIPPIA 4:6

Aktleitlei rella nanril inhalhil tlohnohve, chuta bilam naamte ngenna che inruruh a chunohle mapaaksoh inruuia nannih in nanngenkha Ringpu ting maromve.

1 TIMOTHI 2:1

Chunna matsahremma, keiin tranga kisonchou mah chuvah inruruh a noolpi, ngenpi, aktleiturel nihpi mahche roomthok malani mii naamte turelna,

1 TIMOTHI 5:16

Tukhat malot kumei in nao trulmeinu doonle, anmahta majoomso; anmahrelvah khakla ta pootrik maveinoh eiso, mah i trulmeinu takta majoomnatu kisonchou.

1 TIMOTHI 5:3

Taktak a trulmeinu eita injah eiro.

2 TIMOTHI 1:3

Keiin inngainoh a kingen kingenna ah nangta kantheihlai kapa kapu in antloh khananga, akseeng chim chimnoh romna rilsoh rou katloh Ringpu ta kimpaak.

1 PITAR 3:5

Chunna amaa akho Ringpu ta matuura am akseeng kumei inkho amisal in anson majuih a amisal li ah amma antaktalkho inseem inliingei.