1 TIMOTHI 4:3 - Akthar Trongirhna (BSI)

³ changvaangta chimnoh tih a anthing mahche malot mii eita khatkho akchimta akrom eiin mapaaksoh inruuia ansaak an iinta Ringpu in aseempot saakphuta saaknohnatu anthing.

1 TIMOTHI 4:3 Iomraidhean Croise

METHIU 14:19

Cheva amah in miitamta meiphul chunga maboknatu jathang amlanei; Jisu in tol ranga leh nga innihta alohche ringramma ahan an, amah in doi amlan mahche khoia aroita amlanei, che aroiin miitam ankuunga ansempei.

METHIU 15:11

narra akluut trongin miita sakmang maveinoh, chuta narnata anthruh khanna miita sakmang amvei.”

METHIU 15:36

Che amah in tol sirih leh ngata loua Ringpu ampaakche khoia aroita amlanei, che aroiin miitamta amilanpei.

LUKE 24:30

Amah in tebor a anmahsoh anboklai, amah in tol loua doi amlan, che mahchuta khoia, anmahta amlannei.

JOHN 6:23

Chulata Akpu in mapaak a tol ansaakna amunkha naia Tiberias tingnata muli ste ankuunga thlengei.

NOONNA THLOU 27:35

Mah i asonche tolta louva anmaikuunga Ringpu ampaak; mahchuta akhoihche saa amithronpei.

ROME 14:17

Alamva Ringpu kurung huunnava saak iin khanoh chuta akchimlamseh che leh oi mahche akseeng Li a roomthok khare,

ROME 14:3

Aksaa khanna aksaanoh khata usitnoh tlohnohso, che aksaanoh khanna aksaakhata pichaar tlonohso; alamva Ringpu in amahta asoongpei.

ROME 14:6

Tunangkhat in akni khatta amuveia louva akngaak mii khanna Akpu ta injah a ngaakso; tunangkhat akngaaknoh inkho Akpu ta injah a asaak a iin, alamva amah in Ringpu ta ampaak; aksaanoh amah inkho Ringpu ta injah a saanoh, che Ringpu ta ampaak.

1 KORINTHIA 6:13

“Buh in vonpii turelna che vonpii in buh turelna” — che annih a khatkho khatkho Ringpu in ammaangtu. Ruungi kumei kupa chimnoh hoonga huuinatu phunoh, chuta Akpu turelna, mahche Akpuva ruung turelna.

1 KORINTHIA 7:28

Chuta nangin changvaang chele, aleh tlohnohsache, radaang khat in changvaangle amah in aleh tlohnohsa. Chulata tukhat changvaangin tukleiramma klah knang anphah, che mah chunangi keiva nanimphah dinoh ang.

1 KORINTHIA 8:8

Saakphuin inih Ringpu kuunga luut janoh; inih in isaak i iinni ralla athratna khonoh; chuche inih in saanoh iinnoh melakho ralla thranohkho maveinoh.

KOLOSIA 2:16

Alamchunna saak iin rella, nohle ujouhoong rella, akningaak rella, nohle thlathar chunohkle sabat ngaak rella tukhat inkho pichaar nanitlohnohso.

KOLOSIA 3:17

Mahche nannih in jangmekhat trongta nohle tlokhal choulakho, bilam naamte Akpu Jisu mingah tlohve, amah apaalla Pa Ringpu ta mapaakve.

1 TIMOTHI 2:4

Amah in mii naamteta kalnatu khatkho akchimta marommii amah in akdit.

1 TIMOTHI 4:4

Alamva Ringpu in aseem naamte thrakir, che mapaakso inruuia rouloumele janohtu jakhatkho amnoh;

1 TIMOTHI 5:14

Chunna nao veia trulmeinuin, changvaanga ansa pok a, antaploi kuungta kemma am kikdit, che jekna mii in inihta inimlaalnatu anmahta tancha penohve.

HIBRU 13:4

Changvaang tih i nankaara injahna veisa maveive mahche changvaang kukthoolla buur veinohsoh; alamva ahoong chimnoh khatkho miimei miimasal aklaalta Ringpu in pichaar atlohtu.

HIBRU 13:9

Ajejea khatkho iromnohta matheihna a naniching naniseh pinohsei; alamva imdonta saakphu veinoh a malungsi in inihta initrongpi in thra, saakphu a maara akseh mii in anmahtu anchuungna veinoh.