1 TIMOTHI 4:10 - Akthar Trongirhna (BSI)

¹⁰ Alamva mairella inih in thlou itloh che insuulme, alamva Akring Ringpu ta inih in imtuur, amahvah mii naamteta amuveia amlot mii eita akalchek akring Ringpu vah inih in chet a imlot.

1 TIMOTHI 4:10 Iomraidhean Croise

1 TIMOTHI 2:4

Amah in mii naamteta kalnatu khatkho akchimta marommii amah in akdit.

1 JOHN 2:2

inih ileh rella inithloknatu inkatpot veisa, inih ikroukhoptu relna noh chuta tukleiram apumtevaa anleh turelna.

1 TIMOTHI 2:6

alaitalla sakhi veinatu mii naamteta thlokna turella ataktalta inimlanpei.

JOHN 1:29

Akhuvar a Jisu in amahkuunga thleng amuh a amah in ason, “Anve, Ringpu vaa Sadam, tuklairamna alehta akloukha!

1 JOHN 4:14

Che tukleiramta akal Akpu veia Apa in Asa kupa amthlah peita inih in imuhpei, che chim tih ta sakhi imlanpei.

JOHN 4:42

Anmah in kumei kuunga anson, “Nangin kankuunga maita nisonrella kannih in malotnoh ung, alamva mah i kantak in kantheihpei, che mah i taktak a tukleiramta akkal Akpu sa ta kamrompei.”

JOHN 5:24

Keiin nankuunga taktak a kisonchou, keitrongta rungaia aktheih mahche keita kamthlah amahta amlot amah in ache amnoh a ring aphahpei; amah in pichaar tlohna a thlengnoh usa, chuta amahvah kthinata akring tinga akvanpei.

HIBRU 13:13

Alamchunna amahta ansaalkhanna injaknakhata inih in phurh a amahkuung thlaam paalla sehrei.

1 PITAR 1:21

Amah apaalla nannih in Ringpu kuungah namilotna am, amahta thinata amringpei che amah paarthrata amlanpei, chunna nannih in namilot mahche namituurkha Ringpu kuungah nan amnatu.

HIBRU 11:26

Ijip na lalchung avah Khrista rella insaal klah knang phah indom ralla laitalsa tih a amah in amdonpei, alamva amah in aphahsam khaan khata a anpei.

1 TIMOTHI 6:17

Mah tukleiramma akdoonei turella anmah in kei ningsungta isoonnohnatu, inromnoh lal akho amituurnoh natu, chuta inih in itlannatu huuitanga poot naamte inimlan Ringpu ting malot eiso.

1 TIMOTHI 3:15

Keiinta thil angleva, Ringpu vaa taploikuungah nangin khatloh a sehtungme niromnatu mah amramita kimjih, mah taploikuung chuva kukcho khatkho innmun akvei akring Ringpu vaa khaklasa.

METHIU 27:43

amah in Ringpu ta amlot; Ringpu in amahta innarhle, ipek amahta kalso; alamva amah in anson, ‘Keiva Ringpu asa kupa ang.’ ”

METHIU 16:16

Cheva Simon Pitar in amsang, “Nangva akring Ringpu vaa Asa kupa Khrista che.”

1 KORINTHIA 15:10

Chuta keiin ipek kiringi Ringpu amlungsi in ringsang, keikuunga amlan amahvaa malungsi i sulnoh: mahchusoh inthlenga annaamte chunga keiin thloia thlou kitloh mahchu keinoh ang, chuta keisoh inruuijou Ringpu amlungsi in atloh akhalning.

2 KORINTHIA 1:10

Thihna phah a thranoh suuksamta amah in inikalpei, chekho amah in inikal umang; veikhatlakho inikal umangta amahkuunga kamituurmang.

1 TIMOTHI 2:3

Mah i inikal Ringpu amit anna akthra che ajapot.