1 TIMOTHI 2:7 - Akthar Trongirhna (BSI)

⁷ Mairella keita akthratrong akraan mahche raangroi (keiin akchimta kison, simnanoh ang), malot ah mahche akchimma Jental eitu lulok veia keita thlou keithunpei.

1 TIMOTHI 2:7 Iomraidhean Croise

JOHN 7:35

Judi in khatleh khat insonsei, “Inih in tuuk icheknoh natu ram amunna mahmii in sehsam reime? Kriik ankaar a inthek invorh ak am inih mii ankaar a seh a Kriik eita matheihtang atihmeio?

NOONNA THLOU 14:27

Mah khanna antlungin khakla anaamteta matlonna amichunche Ringpu in anmah anpaalla antlohthlou naamte che Ringpu in Jental jaat in amilotnatu akhaar amhoong peita anmah kuunga sonna amidangpei.

NOONNA THLOU 22:21

Chuta amah in keison, ‘Sehro; alamva keiin nangta ram aklah Jental jatih ankaar a kamthlah uche?’ ”

NOONNA THLOU 26:20

chuta matsah a keiin Damaskas ah mahche Jerusalem na mii khatkho Judia ramboom apumtea khatkho Jental jatih akho sonna kamdangtuei, mah chuvah anmah in anrilta thlenga Ringpu ting inlengtu tlasei mahche anril anthleng i matikcha tihrella thlou amipaang tutla ta kisontuei.

NOONNA THLOU 9:15

Chuta Akpu in amahkuunga ason, “Sehro, alamva amah i Jental mahche kurung ankuunga khatkho Israel asa kupa ankuunga kei kikmingta phurh a araannatu amahta keiin kichar kutlaisa;

ROME 1:9

Alamva Asa kupa vaa akthra trongin kei kiklisoh inruuia rou kitloh Ringpu in keitu sakhi veisa mah chuvah keiin inngainoh a kingenrel nannihta son sonna kingenpichou.

ROME 10:14

Chuta amlotnoh mii in amahta khatloh a an ong ume? Che amahta aktheihnoh luung mii in khatloh a amahta amilot ume? Mahche trongraan mii amnoh a anmah in khatloh a antheih ume?

ROME 11:13

Keiin ipek nannih Jental nankuunga trongsang. Keiin Jental jatihtu raangroi kiveisoot, kei routlohta kamliinang.

ROME 15:16

Jental ankuunga keiin Jisu Khrista vaa routloh kiveinatu, thiimpu nanga Jental in ankat pootkha maseeenga akseengpoot inkhat aveinatu.

ROME 9:1

Keiin Khrista akminga akchimta trongsang, keiin masimna a trongnoh ang, chim chimnoh akrom kiril in akseeng Li vaa apaalla sakhi kamlan.

1 KORINTHIA 9:1

Keiva kiningtammii noh angme? Keiva raangroi inkhatnoh angme? Keiin inihvaa Akpu Jisu Khrista ta kmuhnoh peime? Nannihva keisoh Akpu kuunga thloutlohjou miinohmeme?

2 KORINTHIA 11:31

Ringpu mahche Akpu Jisu vaa Apa, ache amnoh amahminga doiphah veiso, mah chuvah kimchinthi noh ang.

KALATIA 1:16

amahta Jental ankaara keiin kiraannatu Asa kupata keikuunga aphoongin pelsa, ruung leh thiisoh ring miisoh keiin intelpinoh ang,

KALATIA 1:20

(Keiin pek nankuunga kimjih irella Ringpu maikuunga keiin kimah in thinoh ang!)

KALATIA 2:16

mii khat i trongsuurvaa thlouin machimnoh chuta Jisu Khrista ta malot apaalla inimchimnatu inih inkho Khrista Jisu ta imlot, trongsuurvaa thlou vanoh, alamva trongsuurvaa thlouin tukhatkho machim cheknohtu.

KALATIA 2:9

Keikuunga amlan malungsi i keikuunga amlanlai anmah in anromma kukcho veia ming akseh Jems, Keiphas mahche John in keiningah mahche Barnabas inruuipia akchangtongah akut kanimlanung, mahchuvah kannih in Jental mahche avuntan ankuunga sehnatu,

KALATIA 3:9

Chunna nga tloh a Ringpu amlot Abraham soh inruuia malot mii naamteta doi amlanei.

2 TIMOTHI 1:11

Mah akthratrong irella keita akthratrong akraan, mahche raangroi khatkho lulok veia thlou keithunpei,

2 PITAR 2:5

amah in leithingna tukleiramta kalnohle, chuta Akpu mathruunnoh tukleiram achungah tuiiliin amsuuklai, akchimlamseh vaa trongta akraan Noah ta aktlei mii sirihso maangnoh natu kemma sihle;