1 TIMOTHI 1:5 - Akthar Trongirhna (BSI)

⁵ Khatting inih in imsinna ithloua akseengril, chim chimnoh maromna akthraril mahche ril seenga malotnatu inthruh rilvolsa.

1 TIMOTHI 1:5 Iomraidhean Croise

METHIU 12:35

Akthra mii in arilla athra asihkhata amthruh, thranoh mii in arilla thranoh amkhoolkhata amthruh.

METHIU 5:8

“Doiphah eikha ril akseeng miikhasei, alamva anmah in Ringpu anmuhtu.

NOONNA THLOU 15:9

mahche inihleh anmah ikaar a inthliin jakahtkho sihnoh, chuta malot apaalla anmah anrilta amseengpei.

NOONNA THLOU 23:1

Paul in jamata antlinga asonei, “Unaoeio, mi in phah a keiin Ringpu amaa a akthra thranoh chim chimnoh romna lousinga ringang.”

NOONNA THLOU 24:16

Nga tloh a keiin lai amrel Ringpu kuunga mahche mii kuungah seengnoh kiveinoh natu klah ang.

ROME 10:4

Alamva Khrista in trongsuurva achenasa, chunna amahta amlot mii naamteta amchimtu.

ROME 12:9

amthruun mii inkho ril luut a seenga mathruunso, amjoom mii inkho ril luut a majoomso, mii rilvoltheih inkho roomthok a rilvolso;

ROME 14:15

Nangin nisaakpot khanna niuh ninaota aril masokchele, nangva rilvol nujuih a sehnohche Khrista in amah turella thisa churella nangin amahta nisaakpoot in mamotnohro.

ROME 9:1

Keiin Khrista akminga akchimta trongsang, keiin masimna a trongnoh ang, chim chimnoh akrom kiril in akseeng Li vaa apaalla sakhi kamlan.

1 KORINTHIA 13:1

Keiin tukleiramna miitrong mahche raangroi antrongta trong sanglakho, chuta kitak a mii rilvol amnoh angle, keiva anring daar nohle kanta anring khanangsang.

2 KORINTHIA 1:12

Alamva inih in in orhnava, chim chimnoh romna sakhi i inih in Ringpu tingna akseengin mahche iril seenga tukleiramma tlohkhalla iam isa, che inih in ralthloiakho itloh i inihtingna lousingnoh a chuta Ringpu vaa malungsia mahche nannihtingna akthrahoonga sehsung.

KALATIA 5:22

Chuta Li vaa akrahvah rilvol, phlaak huui, leh oi, doutrang, mii rilvoltheih, akthra, malot aja,

KALATIA 5:6

Alamva Khrista Jisu ningah avuntan nohle tannohva akanana amnoh, chuta rilvol apaalla malot a thloutlohkha kanana.

1 TIMOTHI 1:18

Kisakupa Timothi, anmah in nangta namisoh nujuih a nangin aktrang raal nitlohpinatu nangrella matsah a ringraan in ansontrong nujuih a thloui kamsil peiche,

1 TIMOTHI 1:19

nangin namlotta chet a matuhro mahche chim chimnoh romna akthra rilla amro. Mah maromna rilita indah eia mii arouva amilotnata mulikoi veisei,

1 TIMOTHI 3:9

chim chimnoh romna akseeng rilsoh inruuia anthup amdangta malot a amtutu tla.

2 TIMOTHI 1:3

Keiin inngainoh a kingen kingenna ah nangta kantheihlai kapa kapu in antloh khananga, akseeng chim chimnoh romna rilsoh rou katloh Ringpu ta kimpaak.

2 TIMOTHI 1:5

Niril seenga namlotkha keiin intheih ang, tak a malot i nang nipi Lois leh nangnu Unis kuungah amche pekkho ammangche, nankuung akho amtuta keiin kamlot.

2 TIMOTHI 2:22

Chunna naolon in andit antlohjahang tal rilkhata mahro, akseeng rilla Akputa ak ong mii eisoh inruuia akchimlamseh, malot, rilvol mahche leh–oita masinro.

TITAS 1:15

Akseeng kuungah bilam kseeng, chuta akseengnoh mahche amlotnoh miikuungah bilam seengnoh; anmah anril chim chimnoh romna anrilkho seengnohsa.

HIBRU 10:22

inihvaa ithratnoh chim chimnoh maromna imlungta thii thinna tlen mahche inih iruungta akseeng tuiia chaam, malottrang veia ril chimsoh inruuia amahting innai reio.

HIBRU 13:18

Kannihturel ngenve, alamva bilam inih in injahna vei i aja, akseeng chim chimnoh romna ril ammeta imlot.

HIBRU 9:14

ache amnoh Li vaa apaalla Ringpu kuungah maraal amnoh ataktalta inkat Khrista vaa athii khanna, akring Ringpu ta routlohnatu, akthi thlounata inihva chim chimnoh romna rilta jikcha ralla nanimseeng ume.

JEMS 4:8

Ringpu kuung innaive che amah in nankuungah innaitu. Aleh am eio, nankut maseengve nanril innih amthring miieio, nanril maseengve.

1 PITAR 1:22

Nannih in nan uh nannaota ril seenga rilvolla nannih in akchimma sonjuih a nannih nanlita maseenga, malungnata nannih khatleh khat ringinvolve.

1 PITAR 3:16

che chim chimnoh romna ah seenga romve, chunna Khrista tinga akthra nanhoong nanlata usitnoh a aktrong eita antak ah injak nanpekcheknatu.

1 PITAR 3:21

Tuii in amah ahoongta loua, mahchuvah inlup a inkalsachou, nanikalpei, ruungna akbuurta lonna turelna noh, chuta Jisu Khrista ring apaalla Ringpu tinga chim chimnohta seenga romma,

1 PITAR 4:8

Anaamte chunga amuveia khat in khat turella chet a ril involve, alamva rilvol in aleh tamkhaakta abah.

2 PITAR 1:7

malot ah unao pasata ringvol, unaopasa ringvolla mapungpha mavei.

1 JOHN 3:10

Onna tunang in Ringpu asanohme che tunang in rappu asame tihchu imuhnatu tukhat akchim aktlohnoh miikho nohle amah unao pasata rilvolnoh miikha Ringpu tingnanoh.

1 JOHN 3:23

Che oh i amah trongthuunsa, mah chuvah amah trongthuun in asonta inihkuungah inimlan nanga Asa kupa Jisu Khrista vaa akminga inih in imlottutla che khatleh khat ril involtu tlame.

1 JOHN 3:3

Che amah kuungah matuur ak am mii naamte in Akpu vah akseeng taningva, ataktalkho amseeng.