Luqa 4:18 - Tamasheq

¹⁸ «Insa făll-i Unfas n-Emăli, ăsnăfrănăn-ahi i-ad-ăjăɣ isălan n-Ălənžil i-tilăqqiwen, ăšmašăl-ahi-dd i-ad-ăjăɣ isălan i-wi hănen tikărmuten, əjrəwăn iman-năsăn, zuzəyăɣ iməddorɣal, səddărfeɣ ăddinăt-wi ătiwăkrăšnen,

Luqa 4:18 Iomraidhean Croise

Mătti 11:5

ănnăt-as: iməddorɣal hannăyăn; inəbdan rajjăšăn, wi ijrăw jəri tišdajăn, imẓaj sallăn; inəmmuttan nakkărăn-dd; tilăqqiwen, sallănăt i-Ălənžil.

Mătti 12:18

«Ǝnta da ănaxdim-in wa ăsnăfrănăɣ, ənta a əkneɣ tărha, ənta a dăɣ-ăsriwăn iman-in. Ad-fălla-s sănsăɣ Unfas-in, isəssiɣəd inəẓẓulam dăɣ-iqqud i-Măssinăɣ.

Mătti 12:20

Wăr mad-ărẓ wăla-dăɣ teẓewt a-wa-dăɣ has-ija iba n-ăddăɣwa Wăr mad-isəmməkət wăla-dăɣ tefătelt, ad-isəjăr ăṭṭăma ăddinăt wi əbrărnen, ăj iqqud dăɣ-edăgg iket-net.

Mătti 4:16

Tamətte ta hăt tihay, ămlăwlăw-dd fălla-s ănnur măqqărăn, ăddinăt daɣ wi s-kăla əzzăɣăn tihay ti hănen tamăttant, ašăl-i, ăzzubbăt-dd fălla-săn ănnur.»

Mătti 5:3

«Tənḍəḍ i-wi ăẓoẓnen iman-năsăn dat-Măssinăɣ ed Təmmənəya n-Măssinăɣ ti-năsăn.

Luqa 4:17

Təddalăn ăddinăt Măssinăɣ dihen-dăɣ a-s ibdăd Ɣisa jere-săn, əkfăn-t əlkəttab wa n-ănnăbi Saya i-ad-hasăn-dăɣ-s iɣăr. Ikkăs-in i-əlkəttab aḍh wa ija təzzar, orʼ-e dăɣ-edăgg wa dăɣ-iktăb:

Luqa 6:20

Iswăḍ Ɣisa dăɣ-inəṭṭulab-net, innă: «Tənḍəḍ-awăn kăwăneḍ-i ăẓoẓnen iman-năwăn dat-Măssinăɣ ed, Təmmənəya n-Măssinăɣ, ti-năwăn.

Luqa 7:22

Ăwwežăb i-meddən wi dd-ăšmašăl Exya, innʼ-asăn: «Ăqqəlăt Exya, suɣəlăm-as a-wa tənhăyăm d-a-wa təslăm, ănnăt-as: iməddorɣal hannăyăn, inəbdan rajjăšăn; wi ijraw jəri, tišdajăn, imẓaj, sallăn; inəmmuttan nakkărăn-dd; tilăqqiwen, sallănăt i-Ălənžil.

Exya 1:41

Idris-en-dăɣ a osăn ăŋŋa-s Simyon, innʼ-as: «Ǝyyăw, nəjrăw Ălmasex». Ălmasex, ălmăɣna-net: Wa innəfrănăn.

Exya 12:46

Năkk a-s ănnur, ămešălăɣ-dd s-ăddunya dăɣ-təssəba n-ad-wăr-itəzzăɣ făw ere săr-i omanăn dăɣ-tihay,

Exya 3:34

făl-a-s, ere wa dd-ăšmašăl Măssinăɣ, a-wa innă Măssinăɣ a ijanna ed ăsinăflăy-t Măssinăɣ dăɣ-isuf n-Unfas-net.

Ijităn n-inəmmušal 10:38

Ɣisa wa n-Năṣirăt, ăsnăfrăn-t Măssinăɣ, ikfʼ-e Unfas, issăɣlăy-dd ăkall iket-net, itajj ălxer, izizuy ăddinăt iket-năsăn wi ăssirmăɣ Iblis.

Ijităn n-inəmmušal 26:18

i-ad-tarəd tiṭṭawen-năsăn, əzjărăn-dd tihay s-ănnur, əzjărăn-dd tărna n-Iblis s-Măssinăɣ, amənăn săr-i i-ad-tăn-ăkfăɣ tenăšše n-ibăkkaḍăn i-ad-ahərən tăkasit d-iməššeddəjăn wi iyyăḍnen.›

Ijităn n-inəmmušal 4:26

Ma ăsihălăn imănokalăn əššənju-năk, tihərən d-imănnăhăḍăn emm făll-Emăli d-Ălmasex-net.

Ijităn n-inəmmušal 4:27

Itbat a-s ijăḍ Bunəs Bilatəs d-Harudəs akli-năk Ɣisa Wa n-Eməššeddəj tăsnăfrănăd i-ad-umas Ălmasex. Ohărăn fălla-s emm əntăneḍ d-tiwsaten ti n-inəẓẓulam d-kăl-Iṣrayil dăɣ-Yărussălam.

Kăl-Kuləs 1:13

Măssinăɣ, ohăɣ-anăɣ-dd dăɣ-tărna n-tihay n-Iblis, iwwăy-anăɣ s-Təmmənəya n-Rure-s wa ikna tărha.

Yaqub 2:5

Ayətma-i əkneɣ tărha, săjdăt-ahi: ăddinăt wi s-ɣur-ăddunya lăqqəwăn, əntăneḍ a-s irzăɣ Măssinăɣ immun-năsăn, ijʼ-en iməkkusa n-Təmmənəya ta s-ijjăš ărkăwăl-net i-wi t-ărhanen.

1 Bəṭrus 2:9

Măšan kăwăneḍ-i n-imumənăn, ijʼ-iwăn Măssinăɣ tamətte ăsinăfrăn i-iman-net, tămoosăm ejhăn n-kăl-tikutawen făll-ăminakăl, əddəwəl šăddijăn, tamətte ăsidărfăt; ikkăs-kăwăn-dd Măssinăɣ iman-net dăɣ-tihay, ijʼ-iwăn dăɣ-ănnur-net wa ăhusken i-ad-tiimələm dat-ăddinăt təmɣăre d-tihusay n-ijităn-net.