ZEPHANIAH 3:2 - Kathara Bible (BSI)

² Ana khipākhawui akhon manganāmana, mashungkhami makhuisangmana; Ana Proholi machihānmana, awui Vareli manganaimana.

ZEPHANIAH 3:2 Iomraidhean Croise

JEREMIAH 22:21

Na nganantāp eina leilakha ina hānga, kha I manganāsangmara, da nana hānga. Iwui kahāng makhanganā hi na nganuilakhawui einana.

JEREMIAH 5:3

O Proho, namikna khamashungwui vang mayangmala? Nana athumli ngaphitmihaira, kha athumna kachot matheimana; nana athumli yummihaira, kha mashungkhui khavai masāmana. Athumna athumwui mai lunghārli makangmei ngasakta, ning mangateingaithuwa.

JEREMIAH 32:33

Athumna ili mai mangareirāla khana̱thuihaowa; kala ina tamchitheichinglala hāngkachithei makhuisanglakthuwa.

JEREMIAH 2:30

Nanao ngarāli aremali ina shaowa, athumna mashungkakhui malei; kazingkha̱ sākashi thāda, nathum khalattawui raighaina nathumwui marnbingli mayuisanga.

ISAIAH 43:22

“Kha O Jacob, nana ili mangakaomana; O Israel, nana ili sānhaira!

ISAIAH 29:13

Kala Prohona hānga, “Miyur hina khamor eina nganailaka, morchai eina ili khayāshiya; kha wuklunga iwui eina katāva̱li lei; athumna ili khangachee chiya mibingwui ningkhami eina tamkhui khamaronna.

CHĀNSAM 5:12

“Kharākli ina kayākha ningkachaisākhala, kala hāngkhamachinli iningna kayākha yangkharingsakhala!

LAA 78:22

khikhalajila athumna Vareli shitkasang maleithuwa, kala awui huikhami pangshapli mashitsangthuwa.

LAA 73:28

Kha iwui vanga Vareli khanganai phāshuna, Proho VAREli iwui ngayin khavai sāhaira, chiya ina nawui otsak saikorawui pongli hāngra.

LAA 50:17

Kaja nathum kharākli yangkharinga, iwui tui nathumna khanukshong horhai.

LAA 10:4

Makaphā china awui langkasowui vang Vareli maphāmana, awui kaphaning saikorali “Vare maleimana” kaji mānga.

NEHEMIAH 9:26

“Chithālala athumna kahāng manganāmada nali ngakaishilaga nawui ain nothahaowa kala nali hanung khavai hāngkhamathin nawui marānbinglila shaothata, kala kachipat ot kachungkha sai.”

HEBREWNAO 10:22

Chieina ningkathar kala makhangapat shitkasang eina kala khayona chukkhamaja̱wui eina tharmi kahai wuklung eina ngasoda tara̱ kathar eina phasāla ra̱vaihaida ithum Vareli nganaimeisa.

EZEKIEL 24:13

Chiwui maripaih kapai chi nawui sokhamasapna. Nawui khamakhao chi ina sāmathākhui khavai sai, kha nawui khamakhao matharkhuipaithuwa; iwui malungkhavāt nawuitungli manemranglakha eina tangda na masāmathākhuipaimara.

JEREMIAH 35:17

Chiwui vang eina, Israelwui Vare, saikorawui Prohona hithāda hānga: Yanglu, ina kalākashi hāngkahai saikora chi Judahwui mibing kala Jerusalemli khaleibingwuitungli khuirāra; khikhalajila ina athumli hāngkahai chi athumna manganāsangmana, ina athumli hohaira kha mangahānkāmana.”

JEREMIAH 35:13

“Israelwui Vare, saikorawui Prohona hithāda hānga: Judah kala Jerusalemwui mibingli vāda ahānglu: Iwui tui kala hāngkachithei nathum makhuisangmarala? da Prohona hāngli.

ISAIAH 31:1

Khangachon pokida Egyptli katā, athumwui siguili kachihānbing, kakhanang ngasāranu, siguigari kachungwui vang, raimibing kapingwui vang shitsangda, athumna Israelwui Katharali, mayangmana, Proholi maphāmana kala mangahānmana.

ISAIAH 1:5

Nathumna ngakaishichinghaoda shaochingrala? Kui kazānahaira, kala ning thengchaohaira.

CHĀNSAM 1:7

Proholi khangachee hi theishingkakhui haokaphokana; Mangkhama̱bingna thangkhamei kala hāngkachitheili yangkharinga.

2 TIMOTHY 3:16

Kathara tui saikora Varena kasatkhami tuina. Chieina tamkachithei, hāngkhamachin, mashung khangasak kala khamashung khangarong tamchithei khavaiwui vang kannai.

JEREMIAH 13:25

Hi nathumwui vang tamshokmi kahai yar china, da Prohona hānga; khikhalajila nathumna ili malaihaowa kala kakapikli shitsanga.

EZEKIEL 22:24

“Miwui naomayara, ali hānglu, na malungkhavāt atamli masākhamathā lah kazing marokharora ngaleina da ali hānglu.

ISAIAH 9:12

Zingshoshong Syrianaobingna, zingtunshong Philistinenaobingna khamor makāda Israelli mayuisanghaowa. Saikora hiwui vang awui malungkhavāt mavānranga, kala awui pāng katingchingda lei.

ZEPHANIAH 1:6

Prohowui thi kashurwui eina sana̱thui kahaibing, Proholi makaphābing kala awui pongli makhangathingbing katatserhaora.”