ZEPHANIAH 2:3 - Kathara Bible (BSI)

³ Proholi phālu, ngalei hiwui malungkhanimbing, awui kahāng khanganābing; khamashung khangarong phālu, kala ngahuiri kahai phākhuilu; Prohowui malungkathui zimiksholi nathumli thummihaipai.

ZEPHANIAH 2:3 Iomraidhean Croise

2 SAMUEL 12:22

Ana hānga, “Nao chi ringlakha ina kakhum eina pamda chapa, kaja ina hānga, ‘Khipāna thei, Prohona ili lumashanmida nao chi ringpai?’

LAA 105:4

Proho kala awui pangshap chi phālu, awui nganaikhami phāchinglu.

LAA 149:4

Kaja Prohona awui mibingli ningyāng unga; malungkhanimbingli maiyāda yuingasaka.

LAA 22:26

Chotchāng kahaibingna zāda thora; ali kaphābingna Proholi sochikatra! Nathumwui ning katang mavaila ringranu!

LAA 31:20

Nawui mangāli nana athumli makaphā kasā mibingwui eina thumihai; athumli nawui ngayin khavai azingli malewui khamashātwui eina chingri haimiya.

LAA 45:4

Nawui khangamkharei eina khamashungwui vang, kala mashun ngākmi khavai khayuia sāda mangāshong vālu; nawui yāpāngna nali khangachee otsak tamchitheiranu!

LAA 57:1

Ili khalumashanmilu, O Varivara, ili khalumashanmilu, kaja imanglāna nali ngayina; nawui angachangwui khaya̱li, sākashimāna siphan zingrot mavānranglakha eina tangda, ina ngayinra.

LAA 76:9

okathuiwui rekharek kahai saikorali huikhami bichar tuitak khuikhavai Varena ngakarkathui tharan.

LAA 91:1

Juikhamataiawui ngayin khavaili kapama, Pangshapwui khaya̱li khangasāma china,

SHONGZĀ 12:27

‘Hi Prohona makānkhamiwui pha̱kaphayāna, kaja Egypt ngaleili leilakha Egyptnaobingli shaokathat tharan ana Israelnaobingwui shimli makānthuihaowa, kala ithumwui shim makānkhamiwui vangna’ da hāngra.” Chieina mibingna kui mashunzangda khoruma.

CHĀNSAM 18:10

Prohowui minga khamakanga dolanna, khangarong mina chili yāmzangda chingri kahai samphanga.

ISAIAH 1:17

Kaphā kasā tamkhuilu, mashun phālu, rekakharek mashungkhuilu, avāva̱ makhaleibingli ngākmilu, ra̱meinaowui vang phayatmilu.”

ISAIAH 11:4

Kha khamashung khangarong eina ana kachāmabingli bichar sāmira; kala okathuiwui malung khanimbingli mashun eina tāzakta machukmira, kala okathuili awui khamorwui lijei eina ngaphitra, kala amorchaiwui khaksui eina makaphā makhayābing chili sāthatra.

ISAIAH 61:1

Proho VAREwui Manglā chi iwuitungli lei, khikhalajila Prohona ili thao neomihaira; kaja kakhanang kachotbingli paokaphā khuirāmi khavai, ana ili chihokharāna kaja kaphaning kakaibingli ngahāmi khavai, narkahaibingli ningkhān vaomalānmi khavai, kala khalap kahaibingli phātop shomi khavai,

JEREMIAH 39:18

Kaja ina nali huimilākra, kala na raighai eina mathimara, kha nana ili chikahamwui vang, raimazum sāda na kharing samphangra’ da Prohona hānga.”

JEREMIAH 45:5

Nakhalatta kahaka phākazatla? Maphāzatalu! kaja yanglu, asā khavai saikorawuitungli ina kalākashi khuirāra da Prohona hānga; kha nana kazazatpam saikorali rai mazum sāda nawui mirin ina nali mira.”

EZEKIEL 13:5

Nathumna mintā kahai phākholi mavāyangranga, lah Prohowui zimikshowui raili nganingshap khavai Israel shimkhurwui vang phākhola masākāranga.

HOSEA 10:12

Nathum khalattawui vang khamashung khangarong yaolu, makhangachei leikashi athei chi hātkhuilu; rampho kahai ngalei chi marākkhuilu, kaja hi Proholi phākazat atamna, chieina ana rāda huikhami chi nathumwuitungli rotāmira.

HOSEA 7:10

Israelwui lāngkaso china ali khalatta mamayāmana, chithālala athumna athumwui Vare Proholi malatungmana, thatheilaga kaphāla maphāmana.

JONAH 3:9

Khipāna theira, Varena malungkhavāt ngacheihaida ithumli mashimān ngasaklapai?”

ZECHARIAH 8:19

“Ashangva̱wui Prohona hithāda hānga: Kachāng khamatewui kakhum, kala kaphangāwui kakhum, kala kashinewui kakhum, kala katharāwui kakhum chi, Judah shimkhurwui vang ringkaphā, khamathān kala ningngai khamathāwui zātkhān sāra; chiwui vang eina khamashung kala chingri kahaili leishilu.”

MATTHEW 5:5

Khanimabing chi sokhamina, khikhalajila athumna okathui chi mathunkhuira!

1 THESSALONICANAO 4:1

Ivānaobing, naomeikapta Vareli ningyāng ungngasak khavai nathum kathada okthuirakhala kaji ithumwui eina tamkhuihaira. Hi nathumna ringda khalei mirin chipapama. Ara Proho Jishuwui mingli nathumna chili mataimeida ringkhavai kapona.

1 THESSALONICANAO 4:10

Kala nathumna Macedoniawui ngalei katongali khalei avānaobing saikorali chithada leishi. Chieina ivānaobing, nathumna chili mataimeida sākhavai kapona.

1 PETER 1:22

Achinā ngarāli ningtharda leishi khavai khamashung chili kahāng khanganāwui vang nathum khalatta tharhaogada, nathum akha eina akha ningtongda wuklung eina leishi ngaroklu.

1 PETER 3:4

Kha Varewui miktāli aman kasaka tākui kahai kala khanima ningngai, mashimānkapai eina wuklungwui khangathuma mi sāthulu.

2 PETER 3:18

Kha ithumwui Proho kala Huikhame Jishu Khristawui lukhamashan kala aworwui lungli nathum rarsanglu. Awui mingli aruila, naodala mashimānda tekmateichingra̱nu. Amen.