ZEPHANIAH 1:4 - Kathara Bible (BSI)

⁴ “Ina Judah kala Jerusalemli khalei saikorali pāng parra; kala ina Baal varebingli khokharuma shākkahaibing eina meoma̱li khokharuma pāngmonbingwui amingla;

ZEPHANIAH 1:4 Iomraidhean Croise

2 WUNGNAOBING 21:13

Samariali tandi khami thāda Jerusalemli ina tandi mira, Ahabwui shimkhurli kasā thāda sāmira; Jerusalemli ina khongphei pheoda mithailaga ngakhum kahai thāda ina khumphalatra.

2 WUNGNAOBING 23:12

Ahazwui shim mathāng atoli Judah wungnaobingna sākahai hanphutbing, kala Prohowui shim kayāng khanili Manassehna sāsang kahai hanphutbing chi ngakhunteklaga akha̱-akhā samihaida Kidron kongli ahorsanghaowa.

2 THOTRINCHĀN 34:4

Awui mangāli athumna Baalwui hanphut shaokhai; kala chiwuitungli khalei nganamkaphā riktā khavai hanphutbing chi ana shaokhaitai; kala Asherim eina rukkakhui kala heikakhui meoma̱la akha̱ sāmihaida, chili pha̱kaphayābingwui chikhurtungli chairora.

SHONGZĀ 15:12

Nawui yāpāng katingshokta, ngaleina athumli mayuitāhaowa.

JEREMIAH 15:6

Nathumna ili makhuisangmana, yāmkhangai yāma da Prohona hānga, chiwui vang nali mamayāmada ipāng katingshokta nali shimān khangasakna;— Ina yangmisānhaira.

JEREMIAH 6:12

Athumwui shimla, luila, preiva̱ ngarāla ngarumda khangateili mihaora. Kaja ngalei hiwui mibingli ina makhamayāwui vang ipāng katingshokra da Prohona hānga.

EZEKIEL 25:7

yanglu, iwui pāng ina nawuitungli katingshokhaira, nali yurbingna ngaponkakhui ngasā khavai horsangmira; kala ina nathumli mibingwui eina katatmihaida ngaleiwui eina shimān ngasakra; Ina nathumli sākazamhaora. Chieina I Prohona da nathumna theikhuira.”

EZEKIEL 6:14

Kala lamhāng eina thuilaga Riblah vāshungda athumwui pamkhavai pam kachiva̱li ipāng katingshoklaga shimān ngasakta ramchoserhaora. Chieina I Prohona da athumna theira.”

HOSEA 10:5

Samariali kapama mibingna Bethavenwui seinaowui vang kathira. Chiwui mibingna chiwui vang chapra, kala meoma̱li khokharuma pāngmonbingna chapngachāra, pākthui kahai tekhamatei chiwui vang.

MICAH 5:13

kala ina nawui meoma̱bing, kala nawui lungshombing sāshimānhaora, nawui pāng eina sākakhui ot chili nana makhorumluimara;

ZEPHANIAH 2:11

Prohona athumli sāshilak eina sāra; mha, okathuili khalei varebing saikorali ana khumngasakra; kala yur kachiva̱na kachichāpamwui eina ali khoruma.

ZEPHANIAH 2:13

Kala ana atungshongwuitungli mamayāmada pāng khāngkāra, kala Assyria sākazamhaora; kala ana Nineveh ramcho sāngasakra, siwuk thāda thengchenghaora.