ZEPHANIAH 1:3 - Kathara Bible (BSI)

³ Ina mila sāyurla sāthatserhaora; Ina yongkazata vānaobingla shamadruwui khaihla mashākmilakmara. Ina makaphā makhayā chi sākazamhaora; ina mikumoli okathuiwui eina katathaora, da Prohona hānga.

ZEPHANIAH 1:3 Iomraidhean Croise

HAOKAPHOK 6:7

Chieina Prohona hānga, “Ngalei eina sākakhui mi hili okathuili malei khavai mila, sāyurla, phara̱-pharāla kala kazingli yongkazat vānaobingla ina shimān ngasakserhaora, kaja athumli sākahai hi I wukkhananghaira.”

ISAIAH 27:9

Chiwui vang eina china Jacobwui khayonkhamāng shimitmihaora; kala china awui morei khuithuikhamiwui kākashung athei ngasāra. Hanphutwui ngalung saikora akha̱ sāngasak kahai tharan, Asherimwui lah nganamkaphā riktākhavai hanphutla maleisāluimara.

ISAIAH 6:11

Chieina ina “O Proho, karankharakhala?” da ngahāna. Chieina ana hānga, “Keinungbing mi maleila maramphoranglakha, kala shimli mi mangavāla kala lam chi ngachakyāng majichaoranglakha eina tangda,

ISAIAH 6:12

kala Prohona mibing katāva̱li khuithuihaida, kala apam chili horkahai lam kachungkha maleiraranglakha eina tangda.

JEREMIAH 12:4

Ngalei hina karankha sifafara, kala luiwui khawona thengfara? Chili okthuida khaleibingwui makhayāwui vang sābing kala vānaobingla yāmserhaira; khikhalajila mibingna, “Ithumna kasā hi Varena matheimara” da hānga.

JEREMIAH 50:3

“Atungshongwui eina ali ngasung khavai yur akha shokhaira, china awui ngalei chi ngachakyāng ngasakhaora, kala chili khipākha maokthuiluimara, mila sāla yāmserhaora.”

JEREMIAH 7:20

Chiwui vang eina Proho VAREna hithāda hānga: Yanglu, iwui malungkhavāt kala malungkathui apam hiwuitungli milila, sālila, luiwui thinglila, ngaleiwui theishirailila heirorra, china chuida khamit mavaimara.”

JEREMIAH 9:10

“Phungreibingwui vang vaoda chapngachālu; lamhāngwui seizātpamwui vang chapngachālu, khikhalajila chibing chi ramcho sāhaoda khipākhana mamakānvāmana, seikhonla mashāluimana, kazingli yongkazata vanaola, ramsāla yāmserhaira.”

EZEKIEL 44:12

Khikhalajila athumna mibing chiwui meoma̱bingli otram ngatha̱mida Israelwui shimkhurli pheingaphok khavai morei sāngasaka, chiwui vang eina, ina athumwui pongli ngashitta athumna athumwui tandi phungra da Proho VAREna hānga.

EZEKIEL 7:19

Lupāsāla chānreili horkathānra, kala athumwui sināla makathar ot thāhaora; Prohowui malungkhavāt zimiksholi athumwui sinā eina lupāna athumli mangatangkhuirarmara; athumna athumwui kathai kala awuk machipemrarmara. Kaja china athumwui morei kasāli phei ngaphok khavai sāthuihaowa.

HOSEA 14:3

Assyriana ithumli mahuimara, ithumna siguitungli matongmara kala pāng eina sākakhui chili ‘Ithumwui Vare’ maholuimara. Nawuili marānaobingna lukhamashan samphanga.”

HOSEA 14:8

O Ephraim, meoma̱bingli ina khi sārakhala? nathumli ngahānkakaa kala yangkhame chi ina. Iya matekchim kahai cypressrong kathāna, nawui athei iwui eina kharāna.

HOSEA 4:3

Chiwui vang eina ngaleina chapngachai, kala chili kapam saikora ning thengchenghai; kala ngaleiwui sāyurbingla, khamasaili yongkazata vānaobingla chota; kala ngayiwui khaihbing eina tangda khuithuihaira.

ZECHARIAH 13:2

“Kala chithanghon ngalei hiwui eina meoma̱bingwui aming ina katathaida athumli maphaningungluimara; kala ngalei hiwui eina marānbing kala makathara manglāla kashamhaora da saikorawui Prohona hānga,

MATTHEW 13:41

Mibingli morei kala makaphā makhayā sakhangasaka athumli wungramwui ayarli kazipkhui khavai miwui Naomayarana awui kazingraobing shivātra,

MATTHEW 23:39

Ina nathumli kahāngna, arui hiwui eina thuida nathumna, ‘Prohowui mingli kharā mi chi sokhamina’ da mahāngranglakha eina tangda ili matheiluimara.”

PHONGKHAMI 2:14

Kha nathumli mamayākhangai kateokha lei; nathumwui ngachaili Balaamwui tamkachithei khuikasang mi kha lei, ana Balakwui tui tamchitheida Israelnaobingli phei ngaphok khavai sai. Kameoli kapha̱sā shaikhavai, ngalā ngashām khavai ana kasatsanga.