RUTH 3:9 - Kathara Bible (BSI)

⁹ “Na khipākhala?” da ana khangahān eina, “Narao sha̱nao Ruth ina, shimlui kāki kaje chi nana, chieina narao sha̱naowuitungli nawui kachon fasangmilu” da ana ngahānkai.

RUTH 3:9 Iomraidhean Croise

EZEKIEL 16:8

“Ina nali rakānluishit kaji tharan, yanglu, na leikashi khalei atamli leisai; kala ina iwui kachon fasangmida nawui khayā ngarinmi: mha, nali khuira da ina tuingashit sai, kala na iwui ngasāhaowa da Proho VAREna hānga.

LUKE 14:11

Kaja khalatta hakkakhuiya mi chili teongasakra kala khalatta teoda kaphaninga mi chili khayā kāngasakra.”

RUTH 2:20

Chieina Naomina arihāva̱li hānga, “Thikahaialila kala kharingalila lumashanmiching kaje Prohona ali somiranu.” Naomina hithāda hānglui, “Mipā chi ishiwui nganailak kahai thei-sāna.”

RUTH 3:10

Chieina ana hānga, “Prohona somiranu, inaongalava̱, nana kashānga yaronnaolapai kachāmalapai khangatei maphāla ili khayākashi kachithei hina ridawuili ajawui hina mataimei.

RUTH 3:12

I shimlui khuirāna kachi hi mashunga, kha ili nganaikhamei akha leifaya.

RUTH 3:8

Ngayā sailung mipā chi thuikashuida khayang eina, yanglu, sha̱nao akha apheizingli pisai!

RUTH 4:4

Ina nali hi hāngrada phaningsāda kahāngna, hili pamda khaleibing kala iwui mibing ararbingwui mangāli lokhuilu. Kalikha nana makhuimara jiakha, ili hānglu, kaja nana mangatangkhuimara jiakha, nawui thili ina khuirāna kaji ina theihaora.” Chieina ana hānga, “Ina ngatangkhuira.”

RUTH 4:6

Chieina shimluikatpa china hānga, “Chithakha I makhuirarmara, kaja iwui shimluili saza̱paishina. Ina ngatangkhuirān chi nana khuihaolu, kaja I mangatangkhuirarmara.”

1 SAMUEL 25:41

Ana ngakarthuida ngaleili ngakhumshāmzangda hānga, “Yanglu, narao iya ishameiwui raobingwui phei pheomiki kaje rao sha̱naona.”