RUTH 3:2 - Kathara Bible (BSI)

² Nana ot sārumda khalei sha̱naobingwui akhavā Boaz chi ishi athei-asā maningmala? Yanglu, a aja ngayā lanpumli ngum sāmathāpida lei.

RUTH 3:2 Iomraidhean Croise

HAOKAPHOK 50:10

Jordan kānda Atadwui lanpumli vākashung tharān apam chili athumna wukkhananglāk eina achapngachai; kala Josephna avāva̱wui vang shinithang chapngachai.

RUTH 2:1

Chitharan Naomina agahara kaja Elimelechwui shong eina athei-asā kashok Boaz hoda kashānga mi akha leisai.

RUTH 2:8

Chieina Boazna Ruthli hānga, “Inao ngalāva̱, nganālu, lui hi chihohailaga luipam khangateili mātham mavāphaluilu, kha iwui ot kasā ngalānaobingli ngayurlu.

RUTH 3:1

Chiwui thili Naomina arihāva̱li hānga, “Irihāva̱, nawui vang phāmei khavai shim pānkhavai ngarānkhami maphāmeimarala?

RUTH 3:3

Chiwui vang eina ra̱mayangkhuilaga thao neolu, kala nawui mathāmeikap kaje sāri shaksākhuilaga lanpumli vālu; kha a maphazā maphashakkhuiranglakha eina tangda na chili leida lei kaji machitheialu.