RUTH 3:1 - Kathara Bible (BSI)

¹ Chiwui thili Naomina arihāva̱li hānga, “Irihāva̱, nawui vang phāmei khavai shim pānkhavai ngarānkhami maphāmeimarala?

RUTH 3:1 Iomraidhean Croise

HAOKAPHOK 40:14

Kha nawui ot saikora ungshung kahaiwui thili ili phaningungmilu, ina nali kapona, ili lumashanmida Pharaohli iwui maram kahāngmilu, kala shim hiwui eina ili khuishok ngasakmilu.

LAA 128:2

Napāngna khanangda ot kasā chiwui heithei nana zāra; na ringphahaora, kala china kaphā ngasāra.

1 CORINTHNAO 7:36

Khāmhailaga mangakumla thada pamngarokhaosa da mayā ngarokhailaga mayarana khāmkahaiva̱li yansaingaihaida kala awui malungkachāng maphungrarthuda ngakum kahaina phāmeira da phaningakha, awui ningkachāng athishurda ngakumhaoranu, chili morei khikha maleimana.

KHALATLUI 4:40

Chiwui vang eina ina aja nathumli kagaso hiwui athishurda Prohowui shiyan kala awui ningkhamibing chi mayonlu; chithakha nathum, kala nanaongarābingla ringphāmeira, kaja Proho nathumwui Varena metchang kahai ram chili sāngmeida okthuira.”

1 TIMOTHY 5:14

Chiwui vang eina lārongpongbingna fathuida naola pharālaga shimkhurli kachingda ithumwui yangkashebingna ithumli khamashāt maleikhavai kasā phāmei.

1 TIMOTHY 5:8

Kachikathāna awui athei-asābingwui vang mataimeikapta ashi shimkhurwui vang mangarānmitheiakha awui shitkasang maleimana. Chitkathā mi chiya mashitkasangbingli zakshimei.

RUTH 1:9

Kachichā gahara samphangthathuida shim pānkhavai Prohona mayāmiranu!” da hānga. Kala anili mai maya̱kakhui eina anina akhon shokta chapsasuihaowa.

RUTH 2:23

Chieina ana ngum eina kehu mahātkupranglakha eina tangda Boazwui ot kasā sha̱naobingli ngayurda mātham aphāchinga; kala ana aniva̱li ngayurpama.

RUTH 3:2

Nana ot sārumda khalei sha̱naobingwui akhavā Boaz chi ishi athei-asā maningmala? Yanglu, a aja ngayā lanpumli ngum sāmathāpida lei.