RUTH 2:22 - Kathara Bible (BSI)

²² Chieina Naomina arihāva̱ Ruthli hānga; “Phālakhaira irihāva̱, awui ot kasā sha̱naobingli ngasoda aphālu; maningakha lui khangateili vāda nali yansaipaishina.”

RUTH 2:22 Iomraidhean Croise

CHĀNSAM 27:10

Nawui ngasota, kala navāwui ngasotali mahorhailakalu; kala nawui kalāshāt atamli nachināwui shimli mazangalu. Tāda khalei achināli nganaida khalei khongnai phāmei.

SOLOMONWUI LAA 1:8

O ngalānaobingwui ngachaili mathāmeikap kachiva̱, nana matheiakha yaoshangwui pheichon kazunda, nawui yaonaoli phāshai ngasaklu, yao kahomnaobingwui kachonshim ngalemli.

MARK 14:66

Kala Peterna kayāng tākhamazeshong pamda leilakha pāngmon khareiwui raosha̱nao akha rai;

RUTH 2:21

Kala Moabpava̱ Ruthna hānga, “Laga, hili lāngda ‘Iwui mā mahātkhuiranglakha eina tangda iwui raobingli ngayurchinglu,’” dala ana ili hānga.

RUTH 2:23

Chieina ana ngum eina kehu mahātkupranglakha eina tangda Boazwui ot kasā sha̱naobingli ngayurda mātham aphāchinga; kala ana aniva̱li ngayurpama.