RUTH 2:12 - Kathara Bible (BSI)

¹² Nana sākahai chiwui vang Prohona nali runmiranu, kala nana ngayinkhuikida angachāngli yāmkasanga Israelwui Vare Prohona sāman peichaoda miranu!”

RUTH 2:12 Iomraidhean Croise

LAA 17:8

Namikna yangkhangai akha ngasāda ili mayonmilu, nawui angachāng khaya̱li ili thummilu,

LAA 19:11

Chili lāngda athumna nawui raoli hāngmathina, chi khamayonli sāman kahaka lei.

LAA 36:7

O Vare nawui makhangachei leikashi aman kayākha sakkhala! Miwui naomayarana nawui angachāng khaya̱li ngayinkhui.

LAA 57:1

Ili khalumashanmilu, O Varivara, ili khalumashanmilu, kaja imanglāna nali ngayina; nawui angachangwui khaya̱li, sākashimāna siphan zingrot mavānranglakha eina tangda, ina ngayinra.

LAA 58:11

Mibingna, “Khamashung-khangaronga miwui vang sāman leikachangkhata; okathuili bichar sakhame Vare leikachangkhata,” da hāngra.

LAA 61:4

Nawui kachonshimli katang mavaila I okthuiga! Iyavo, nawui angachāng khaya̱li ning nganungkhunghaisi kaje chāng!

LAA 63:7

kaja nana ili ngachonkhamena, kala angachāng khaya̱li khamathānwui vang ina laa sai.

LAA 91:4

Pheimareng eina ana nali farormira, kala angachāng zingli nana ngayin khavai samphangra; awui ningkatong hi chāngvei kala shānneira̱na.

CHĀNSAM 11:18

Makhayaa mina kakapika ngalangman pheikhui, kha khamashung khangaronga khayao mi china makahatlak kaji sāman samphanga.

CHĀNSAM 23:18

Shingā leichaowa kala nawui kachihān makaimara.

JEREMIAH 31:16

Prohona hithāda hānga: Kachapkhon chi ngasāmhaolu, kala namikli chāra̱ matā ngasakluialu; kaja nali sāman mira, da Prohona hānga, athumna yangkashebingwui ngaleiwui eina latungluishitra.

MATTHEW 23:37

“O Jerusalem! Jerusalem, marānbingli shaothata kala nawuili chihokharābingli lunggui eina horthata! Ina nawui naongarāli harva̱na anaoli angachangzingli kapum thada pumkhami kayākha shirakhala, laga chi nana masā ngasakmana.

MATTHEW 5:12

Mathānlu kala ringphālu, khikhalajila kazingramli nathumwui sāman haklaka, kaja hikathāwui vang eina nathumli rida leikasā marānbinglila rekhareksai.

MATTHEW 6:1

“Nathumna sākhangayi kaphā ot kasā chi mibingna mathei khavai ning ngasharlu, kaja nathumna chithei khavai saakha kazingli khalei nathumwui Avāwui eina sāman masamphangmara.

LUKE 6:35

Kha nathumwui yangkashebingli leishilu, kapha sāmilu, kala khikhala samphangluira da machihānlakla chishutlu. Chithākha nathumwui sāman haklakra kala Juikhamataiya Varewui naongarā ngasāra. Kaja maningshikatheia kala makaphā athumlila ana lumashanmi.

COLOSSIANAO 2:18

Theivākashap pangshap leihaowa da kateili phāmeiya da kaphaningbing, phākharekbing kazingraoli khokharumwui vang juimeiada kaphaningbingna nathumli mangui ngasakhailu. Chikathā mibing chiya maram makhaleilila okathui lāngsot ningngai eina matuikhangai matui,

2 TIMOTHY 1:18

Khanaowa zimiksholi Prohowui phaningkhami awuitungli tāshungmiranu. Ephesusli leilakha ana iwui vang kayākha samikhala kaji nanala katheina.

2 TIMOTHY 4:8

Chithang Zimiksho khangaronga mashunwona, imāngli maningla kha leikashi eina ngasoda ali khangaraibing saikorali miki kaji khamashung khangarongwui wungkuihon china ili ngaraili.

HEBREWNAO 11:26

Egyptwui lan saikorale Messiahwui vang maikashi phāmeikhāra da ana theikhui; kaja naoda samphangki kaji sāman chimāngli yanga.

HEBREWNAO 11:6

Shitkasang maleila khipānakha Vareli ningyāng maung ngasakrarmana. Vareli kharā mi chiya Vare lei kala ali kaphā mili sāman mira kaji shitkasang leiphalungra.

HEBREWNAO 6:10

Vareva mashun bichar sākhamena. Chiwui vang eina nathumna sāmi kahai otsak lah katharabingli ngachonkhami eina nathumna ali leikashi chithei kahai kala aruila athumli ngachonmida khalei chi ana mamalaimara.

RUTH 1:16

Kha Ruthna hānga, “Nali nothāhailaga, ili ungulu kaji tui makahāngmialu; kaja nawui khavāpamli I vāra, nana akazunpamli ila vāzunra; nawui mi iwui mi sāra, kala nawui Vare iwui Vare sāra;

RUTH 2:11

Kha Boazna ali ngahānkai, “Nagahara thikahaiwui thili nana nashānili sākhami saikora, kala nava̱ navā, naram nothāhailaga nana makatheiya mibingli kharāwui apong saikora ili hāngserhaira.

RUTH 2:13

Chieina ana, “Ishamei, nana ili lumashanmikachangkhathaira, kaja naraobingwui alungli ina nawui rao akha maninglala narao ili ninglum ngasakta lumashanlak eina hāngmihaira.” da ngahānkai.

RUTH 4:15

Ava nawui mirin shirinkhame kala asārlam nali ruikhame ngasāra; kaja naomayara shinili mataikhamei nali leikashiva̱ narihāna pharāmihaira.”

1 SAMUEL 24:19

Kaja mi akhana awui yangkasheli samphanglaga thāda chiho kahai khipā leikhala? Nana ili aja sākhami hiwui vang Prohona nali khamathā sāman miranu.

1 SAMUEL 24:20

Kala yanglu, nana Israelwui awunga sālakra kaji, kala nawui pāngli Israel wungram reisangra kaji ina theihaira.