ROMNAO 9:6 - Kathara Bible (BSI)

⁶ Israelnao saikora Varewui kapangkhui kahai maningserthuwa kajiwui vang Varewui ngashitmi kahai maungshungthura da kahāng maningmana.

ROMNAO 9:6 Iomraidhean Croise

ISAIAH 55:11

Iwui khamorwui eina kashok iwui tuila chithāra; khamasai eina ili malatungmara, kha ina khangarān chi ungshung ngasakra, ina kachiho chiwui athishurda reisang ngasakra.

MISHĀN 23:19

Vare hi kakapika maningmana, lah ning ngacheiki kaje miwui nao maningmana. Ana hāngkahai ngalanrala? Lha ana matui kahai maungshung ngasakmala?

MATTHEW 24:35

Kazingram kala okathuila shimānhaora, kha iwui tui mashimānlakmara.

JOHN 1:47

Jishuna awui ngalemli Nathana-el rākharā kathei tharan, ana awui pongli hānga, “Yanglu, chukkhara̱ khikha makhalei Israelna; khayon khikhala maleimana.”

JOHN 10:35

Kathara lairikli kapi kahai hi mashimānda mashunga kaji ithumna thei, kala Varena chikathābingli kameonao hoi, chikathābingli ana awui chānpao miya.

ROMNAO 3:3

Kha kaikhana shitkasang ningmatongakha kathara? Athumwui mashitkasang ningmakatong china Varewui ningkatong chi shimān ngasakshapralā?

ROMNAO 9:4

Athum Varena kapang kahaia miyurna: athumli Varewui naongarā sāngasakta awui tekhamateila samphang ngasaka, athumli tuingashit chi mida ainla singngasaka; khamashung khokharumla athumli lei; Varewui ngashit kahai chila athumna samphanga.

GALATIANAO 6:16

Hikathā ayin hi mirinli mayonrā kahai athumli chingri kahai kala phaningkhami chi leichingranu.

PHILIPPINAO 3:3

Akachang ahui rimkashok samphang kahaibing chi ithumna, athum maningmana, kaja ithumna Vareli awui Manglawui pangshap eina khoruma kala Khrista Jishuli ngarumda ithumwui mirinli mathāna. Ayarwui otsak khangalangli ithumna mashitsangmana.

2 TIMOTHY 2:13

Ithumna maningtonglala, ava ningtongchinga. kaja ava akhalatta maminamana.”