ROMNAO 9:5 - Kathara Bible (BSI)

⁵ Athum mingkhamayanga Jihudi yurwui awo-ayibingwui ara̱-azāna kala Khrista hi phasāwui pongli athumwui yurna. Saikorawuitungli khamunga Vareli katang mavaila sochikatchingranu! Amen.

ROMNAO 9:5 Iomraidhean Croise

HAOKAPHOK 12:3

Nali kasobingli inala sora, nali khonkashe chili inala khonshira kala okathui shimkhur hupta nawui mangā eina sokhami ngasāra.

HAOKAPHOK 49:10

Wungnao khānthing Judahwui eina mathuimara, lah khamungawui khāmshui apheiwui eina mathuimara, singkhangaye chi marāranglakha; kala mibingna ali khayāshira.

1 WUNGNAOBING 1:36

Jehoiadawui nao Benaiahna awungali ngahānkai, “Amen! Ishamei awungawui Proho Varena chithāda hāngranu.

1 THOTRINCHĀN 16:36

Israelwui Proho Vare chili katang mavaila soranu” Chieina mi saikorana “Amen” da hāngda Proholi masot chigata.

LAA 103:19

Prohona awui wungpamkhong kazingramli sākāhaira, kala awui wungramna saikorawuitungli mungsera.

LAA 106:48

Israelwui Vare Proholi sochikatranu! katang makhavaiwui eina katang mavaila! Kala mi saikorana “Amen” da hangranu!

LAA 41:13

Israelwui Proho, Vare chili, katang makhavaiwui eina katang mavaila sochingranu! Amen! Amen!

LAA 45:6

Nawui kathara wungpamkhong mashimānda mashimānla lei, nawui khānthing

LAA 72:19

Awui tekmateilak kahai mingli sochingranu, awui tekhamatei okathui hupta pemranu, Amen, Amen!

LAA 89:52

Proholi mashimānda soranu. Amen, Amen.

ISAIAH 11:1

Jessewui angunrumwui eina ashon akha shonshokra, kala angayungbingwui eina aphāng akha shokra.

ISAIAH 7:14

Chiwui vang eina Proho akhalattana nathumli machut akha mira. Yanglu, ngalānao akhana nao vaida mayarnao akha pharāra kala awuiming Immanu-el hora

JEREMIAH 28:6

kala marān Jeremiahna hānga “Amen! Prohona mayāmiranu; nana marānmikahai tui chi Prohona ungshung ngasakranu, kala Babylonwui eina khorkhong kala ngaponvākahai saikora chi Prohowui shim hili khuiungmiluishit ranu.

MICAH 5:2

Kha na, O Bethlehem Ephrathah, Judahwui shang ngasākida kateowa, nawui eina iwui vang Israelli khamunga saki kaje akha shokra, awui haophok khavai chiya kharewuina, achālakhawui einana.

MATTHEW 28:20

kala ina nathumli kaso kahai saikora chi mayon khavai athumli tamchitheilu, kala mithot khangachang eina tangda ina nathumli ngasomichingra.”

MATTHEW 6:13

Kala ithumli kasuili mazang ngasakmialu, kha makaphāwui eina kanmilu.’

LUKE 20:44

Chithada sāda Davidna ali ‘Proho’ hoi; chithākha kathada awui naomayara ngasāpaira̱khala?”

JOHN 10:30

Iwui Avā eina I akhana.”

OTSAK 20:28

Manglā Katharana nathumwui pāngli horsangmi kahai yaonao saikorawuitunglila, kala nathum khalattawuitunglila ngasharlak eina mayonlu kala Anaomayarana thikhami kala pha̱phayākhami mangā eina awui ngasā ngasak kahaia Varewui churchli homlu.

OTSAK 3:13

Pilatena chihomihaoga kaji tharan nathumna mamayāmada khalan kahaia awui rao Jishuli, Abraham, Isaac, Jacob, kala ithumwui avāngarābingwui Varena tekmatei ngasakhaira.

ROMNAO 1:25

Athumna Varewui pongli khamashung chi kakapik sāngasakhaowa kala katang makhavai, sokhame Kasā Akhavā chili makhorumla ana sākakhuiya otbingli khorumthuihaowa, kala otram ngatha̱thuihaowa! Amen.

ROMNAO 1:3

Tui hi awui Naomayara ithumwui Proho Jishu Khristawui aponglina. Mikumowuishong einava a Davidwui ara̱-azāna.

ROMNAO 10:12

Chili mi saikora zanga, chiya Jihudi eina Gentilebing khangatei maleimana. Vare hiya saikorawui Prohona kala ali khangakao saikorali khavāt maleilakla somi.

ROMNAO 11:28

Jihudibingna paokaphā khalan kahaiwui vang Varena Gentilebingli yanghaoda athum Varewui yangkashe ngasāhaowa. Kha Varena athumli kapangkakhui ngasāhaoda, athumwui awo-ayibingwui vang eina athum Varewui leikashebingna.

1 CORINTHNAO 14:16

Nana Vareli ningkashiwui seihā kasāli manglāmāng eina sākha, khokharumli kazanga mibing china kathada nawui seihā kasāli “Amen” sāngrakhala? Kaja nana seihā kasā chi kateina bhap matāmana.

2 CORINTHNAO 11:31

I makapikmana kaji hi Proho Jishuwui Avāva̱, katang mavaila sokhame Varena thei.

KHALATLUI 10:15

Chithālala, navā ngarāli Prohona ningli haida leishimihaokada athumli kala athumwui ara̱-azā nathumli kapangkhui, kala ajawui hithāda yur kateiwui alungli leikhangasakna.

1 TIMOTHY 3:16

Ithumwui dharmawui ngathum kahai hakhamahā chi khipānakha maningmana majirarmara: A mikumowui phasā kāda rai, hi Manglāna mashunga da chithei, kala kazingraobingna thei. Awui pongli miyur saikorali hāshoka, okathui peidana shitsanga, kala tekhamatei eina khuikāhaowa.

1 TIMOTHY 6:15

Awui kharā chi sokhame Vare kala akhamāng kaje Khamunga, awungabingwui Awunga, prohobingwui Prohona retkahai atamli khuirāmira.

2 TIMOTHY 2:8

Ina paokaphā hākashokli tamkachithei kathiwui eina ringshok kahaia kala Davidwui naotun Jishu Khristali phaningunglu.

HEBREWNAO 7:24

Kha Jishuva ringchingda lei, chieina khangatei pāngmonli mikhamaron maleimana.

1 JOHN 5:20

Varewui Naomayara rāhaira kala ithumli theishingkhui ngasakhaira kaji ithumna thei. Ithum khamashunga Vare, Anaomayara Jishu Khristali ringrumda lei. Hi khamashunga Vare kala makashimān Kharing china.

PHONGKHAMI 1:18

kala kharing chi Ina; I thihailaga, yanglu ara mashimānda ringdalei kala Kathi eina Kazeiramwui pangshap lei.

PHONGKHAMI 22:16

“Jishu ina, churchbingli shākhitui hi hāngmi khavai iwui kazingrao kashirātna. I Davidwui angayung kala naotun, kahora zingthānwona”,

PHONGKHAMI 22:20

Saikora hili shākhi khame china hānga: “Kachangkhat I thākta rāra!” Amen, rāmilu, Proho Jishu!

PHONGKHAMI 5:14

Kala kharinga sāyur mati china ngahānkai, “Amen!” kala ararbing china ngakhumshāmhaida khoruma.