ROMNAO 9:4 - Kathara Bible (BSI)

⁴ Athum Varena kapang kahaia miyurna: athumli Varewui naongarā sāngasakta awui tekhamateila samphang ngasaka, athumli tuingashit chi mida ainla singngasaka; khamashung khokharumla athumli lei; Varewui ngashit kahai chila athumna samphanga.

ROMNAO 9:4 Iomraidhean Croise

HAOKAPHOK 15:18

Chithang Prohona Abramli tuingashit akha sāda hānga, “Nawui naotunbingli Egyptwui kong eina thuilaga kahaka Euphrates kong vāshungda ina khamina,

HAOKAPHOK 17:10

Hi I eina na kala nawui thili rāki kaji ara̱-aza̱bingwui ngachaili mayonki kaji tuingashit china: Nathumwui alungli mayarnao kachiva̱ ahui rimshokra.

HAOKAPHOK 17:2

Kala ina iniwui alungli iwui tuingashit sāra, kala nali sorngasaida mataisangmira.”

HAOKAPHOK 17:7

Kala iwui khangashit katang makhavai tuingashit akha sāda na eina nawui ara̱-azābingwui thot vāshungda ina mayonmira, nawui kala nawui ara̱-azābingwui Vare sāchingra.

HAOKAPHOK 32:28

Chieina ana hānga, “Nawui ming Jacob maholuimara, kha Israel hora, kaja nana Vare eina mikumoli nganurda nana yuihaira.”

1 WUNGNAOBING 8:11

kala muiyā pemhaoda pāngmonbingna nganingda otramla mangatha̱paithuwa; kaja Prohowui tekhamateina shim chi pemhaowa.

NEHEMIAH 13:29

Athumli katheimilu, O iwui Vare, khikhalajila athumna pāngmonpam kala pāngmonbing eina Levinaobingwui tuingashitla sākhamangmihaira.

LAA 147:19

Ana Jacobli awui tui phongmi, Israelli awui ainbing kala shiyan-chikan hāngmi.

LAA 63:2

Chiwui vang nawui kathar shimli ina yangda nawui tekhamatei kala pangshap ina thei.

LAA 73:1

Kachangkhat eina ningkhangatar kala ningkathar athumli Vare phālaka.

LAA 78:61

kala narhaikasābingli pangshap mihaowa, kala awui tekhamatei yangkashebingwui pāngli sangmihaowa.

LAA 89:3

Nana hānghaira, “Iwui kapangkhui kahaibingli tuingashit sāhaira. Iwui rao Davidli ina ngashit kahaina:

LAA 89:34

Iwui tuingashit ina masākhaimara, lah imorchai eina shokkahai tui chila mangacheimara.

LAA 90:16

Nawui otsak naraobingwuitungli, kala nawui tekhamatei pangshap nanao ngarāwui lungli reisang ngasakranu.

SHONGZĀ 12:25

Kala ngashit kahai athishurda Prohona nathumli miki kaji ngalei chili vākashung chitharan shiyan hi mayonchingphalungra.

SHONGZĀ 34:27

Kala Prohona Mosesli hānga, “Tuibing hi kapihailu; tui hiwui athishurda nali kala Israelli ina tuingashit sākahaina.”

SHONGZĀ 4:22

Chieina nana Pharaohli hāngra, ‘Prohona kahāngna, Israel hi iwui naochizaina.

SHONGZĀ 40:34

Chiwui thili kazip khavai kachonshim chi muiyāna ngapuikhamhaowa, kala tabernacle chi Prohowui tekhamateina pemhaowa.

ISAIAH 41:8

Kha na iwui rao Israel, ina kapangshok kahaia Jacob, iwui ngasotnao Abrahamwui ara̱-azāna;

ISAIAH 46:3

“O Jacobshi shimkhur, Israel shimkhurwui shāk kahai saikora ili nganālu. Naopamwui eina thuida kapharā eina tangda nathumwui vang ina phungmi;

ISAIAH 5:2

Ana chi changa kala chiwui lungguibing hāshokserhailaga, drakhāthei khamathā yur lingsanga; chiwui alungli ana tārong akha sai; kala chili vaichum akhala khonhai; kala ana athei khamathei honpama, kha ramwui samkāngra̱thei matheihaowa.

ISAIAH 60:19

Ngashun zimikna nawui kahor masāluimara, lah kachāngnala ngayā horkhavai nali ngayā kahor mamiluimara; kha Prohona nawui makashimān kahor sāra, kala Varena nawui tekhamatei sāra.

JEREMIAH 31:20

Ephraim iwui leikashia naomayarala? A iwui khaluma naola? Kaja ina ali makhamayā tui hangchinglala ali ina phaningungchinga. Chiwui vang iningna ali honchinga, kachangkhatta ina ali lumashanmira da Prohona hānga.

JEREMIAH 31:33

Kha chiwui thili Israelwui shimkhurli ina tuingashit sāki kaji chiya hithāra da Prohona hānga: Iwui ain athumwui ningli sangmira, kala athumwui wuklungli kapisangmira; kala ina athumwui Vare ngasāra, kala athumna iwui mibing ngasāra.

JEREMIAH 31:9

Athumna chapsasui eina ungra, ningkhalem khangasak eina ngasoda ina thānungra; ina tara̱ khalei kongrāpamli zatung ngasakra, athumna phei mangaphokki kaji apong khangatarli; kaja I Israelwui avāva̱na, kala Ephraim iwui naochizaina.”

EZEKIEL 1:28

Kazing rothang changjeengawut kashok thāda, kuimareida kahor chila chithai. Prohowui tekhamatei zak chi chithai. Kala ina chi kathei tharan ngakhumsanga, kala khamatui akhon akha ina shai.

HOSEA 11:1

Israelna angāngnao sālakha ina ali leishi, kala Egyptwui eina inaomayarali hokhui.

MISHĀN 7:89

Kala Mosesna Proholi ngazekkida kazip khavai kachonshimli kazang chitharan, Cherub khaniwui ngachaili khalei ningkhami okowuitungli haikahai lukhamashan pamkhongwui eina ali khangazekkhon ana shai; chithada ali ngazeka.

MATTHEW 21:33

“Chānjam tui khangatei akhala nganālu. Shimva̱ akhana drakhā yāmgui akha sai kala chi kuimareida pan sāhai; alung chili drakhāra̱ surkhavai akhurla chuihai, tārong kajui akhala sāhai. Chiwui thili ana khamasābingli luimasāt mihailaga ngalei katava̱li thuihaowa.

JOHN 1:17

Ain hi Moseswui mangā eina mi, lukhamashan eina khamashung-khangarong hi Jishuwui eina rai.

JOHN 1:47

Jishuna awui ngalemli Nathana-el rākharā kathei tharan, ana awui pongli hānga, “Yanglu, chukkhara̱ khikha makhalei Israelna; khayon khikhala maleimana.”

OTSAK 2:39

Tuingashit hi nathum kala nathumwui naongarāli kala katāva̱li khalei ithumwui Proho Varena hokakhui mi kachiva̱li khamina.”

ROMNAO 3:2

Kachungkha lei: Rimeikapta Varewui tui chi Jihudibingwui pāngli sangmi.

ROMNAO 8:15

Kaja Varena mikahai Manglā china nathumli rao masāngasakmana kala mangachee ngasakmana; kha Varewui naongarā sāngasaka kala Manglā chiwui pangshap eina ithumna Vareli “Abba” Ishava! da khangakaona.

ROMNAO 9:6

Israelnao saikora Varewui kapangkhui kahai maningserthuwa kajiwui vang Varewui ngashitmi kahai maungshungthura da kahāng maningmana.

2 CORINTHNAO 11:22

Athum Hebrewnaolā? Ila Hebrewnaona; athum Abrahamwui ara̱-azāla? Ila khangatei maleimana.

GALATIANAO 3:16

Ara Varena Abraham eina awui ara̱-azāli ngashitmihai, Vare tuili awui “Ara̱-azābingli” da mi tarākhali kahāng thada mahānghaimana kha awui “Ara̱-azāli” da mi akhamāngli hānga, chiwui kakhalat chiya Khrista, mi akha kajina.

EPHESIANAO 2:12

Chitharan nathum Khristawui eina ngateida leisai. Nathum kha̱minao sāhaoda Varewui miyurli ngashitmi kahai chili mazangsāmana. Nathum Varena awui miyurli ngashitmi kahai chili pheisinda tuingashit sākahai chili mazangsāmana kala okathui hili nathum kachihān maleila kala, Vare mazangla okthuisai.

KHALATLUI 14:1

“Nathum Proho nathumwui Varewui naongarāna; nathum khalatta kathinaowui vang phasā reoda ashee mashok ngasakalu lah kuila masipaimana.

KHALATLUI 29:1

Horeb phungreili tuingashit sākahai chili lāngda, Moab ngaleili leilakha Israelwui mibingli khangashit sākhavai tui hi Prohona Mosesli kagasona.

KHALATLUI 29:14

Arui Proho nathumwui Varewui mangāli nganingda khalei nathummāngli tuingashit khuiki kaji maningmana,

KHALATLUI 31:16

Kala Prohona Mosesli hānga, “Yanglu, navā ngarāli ngasoda nala ngasāmkakhui atam nganaihaira; chiwui thili mibing hina, athumna vāzangda angasopamki kaji yurwui alungli, ngalei chiwui ngateihang kahai varebingwuili zangda khayorva̱wui otsak sāra kala ina athumli tuingashit sākahai chi kaihaida ilila malaihaora.

KHALATLUI 4:13

Kala nathumna sāki kaji awui tuingashit ningkhami tharā chi ana hāngmi; kala ana lungphek khanili chi kapisangmi.

KHALATLUI 7:6

“Proho Varewui mangāli nathuma kathara yurna; Proho nathumwui Varena okathuili khalei miyur saikorawui ngachaili nathumli awui miyur sākhavai kapangkhui kahaibingna.

HEBREWNAO 9:1

Khare tuingashitli khokharumwui ain kala mikumona sākakhui khorum khavai apam leisai.

HEBREWNAO 9:10

khiwui vangkhala kaja hiya ra̱shakshirei kala sākhamatharwui sharphahormānga. Varewui khangarān kadhar marāranglakha sāsā khavai akorwui ainzāmanga. Khamayonmāng kasāwui vang Varewui khangarān kadhara marāranglakha shichinkasā akorwui ainmānga.

HEBREWNAO 9:3

Kā kakhane alungshong khalei chili Tharmathengmeikap kaje Apam hoi.

HEBREWNAO 9:5

Okotung chili angachāng kakā sāyurna Vare khaleiwui mathun sāda, lukhamashanpam chiwuitungli angachāngna farorhai. Kha saikora chi arui mahāngrarmana.

HEBREWNAO 9:6

Ot saikora ngarānserhailaga shokkhamayara kāli pāngmonbingna thangkachida zanglaga athumwui shiyansin singkai.