ROMNAO 9:22 - Kathara Bible (BSI)

²² Kala Varena kasā chila hithāpapama. Varena awui malungkhavāt chishotta mibingli awui pangshap theingasakngai, kha sāshimān khavai ngarānping kahai, ana malungvāt kahai mibingli kasāngkha ningzingharingmi.

ROMNAO 9:22 Iomraidhean Croise

HAOKAPHOK 15:16

Athumna mithot khamateli hili latungluira, kaja Amornaobingna morei kasā makāshungranga.”

LAA 90:11

Nali khangacheewui pangshap chili nawui malungkakangwui khangachee athishurda khipāna machukvākhala?

SHONGZĀ 9:16

kha hiwui vang ina nathumli ringkhangasakna, iwui pangshap nathumli chitheida, okathui katongali iwui ming ngayaovāra.

CHĀNSAM 16:4

Ot kachiva̱ kharin leilaga Prohona sākahaina, makhayā chila kakhanang zimiksho chiwui vangna.

CHAPCHĀT 3:22

Prohowui makhangachei leikashi katang mavaimana, awui lukhamashan katang mavaimana;

MISHĀN 14:11

Prohona Mosesli hānga, “Miyur hina karankha ili makhuisangmarakhala? Kala athumwui alungli matakhak kahai ot ina kachungkha sāchitheihailala athumna karankhawui vang ili mashitsangmarakhala?

MISHĀN 14:18

‘Prohova malung mavātzarmana kala makhangachei leikashi pemtinghaida morei kala khayonkhamāng pheomi, kha Prohona khayonali shongrān mida avāva̱ ngarāwui moreiwui vang anaongarā, kala ara̱-azā thot kakathuma kala khamate eina tangda shongrān mi.’

ROMNAO 1:18

Mikumowui makaphā-makhayā kala morei saikora china khamashung chi mathei ngasakthuwa, chiwui vang kazingramwui eina Varewui malungkhavāt phongshoka.

ROMNAO 9:17

Kaja Kathara Lairikli Pharaohli hithada hānghai, “Iwui pangshap nawui eina theikhui khavai kaja okathui hupta iwui ming ngayao khavai khangarān chiwui vang nali awunga sākhangasakna.”

ROMNAO 9:20

Kha Vareli ngahānkākashapa na khipākhala? Ngaleihamna hamkasā chili “Ili khisāda hithada sākhala?” da hangpairalā?

ROMNAO 9:21

Ham kasaa china ngalei chi eina sākhangaingai sai, kala ngaraikachā ngalei chi eina aman kasaka kala kapaiya ham sākhui.

1 THESSALONICANAO 2:16

Huikhami khuirāki kaji paokaphā chi Gentilebingli mahāshok khavai ithumli athumna hapa.

1 THESSALONICANAO 5:9

Varena ithumli awui malungkhavāt samphang khavai kapangkakhui maningmana, kha Proho Jishu Khristawui mangā eina kahui samphang khavai kapang kakhuina.

2 TIMOTHY 2:20

Shim kahaka akhali lupāsā eina sināwui khorkhongmāng maleimana, kha ngaleiwuila, thingwuila lei kala kaikhava saklak eina shichin khavaina, khangatei kaikhava ichamchamlak eina shichinna.

1 PETER 2:8

Khangateilila hithada kapihaili: “Mibingli phei ngaphok ngasakki kaji lunggui, athumli konglui ngasakki kaji lunghār” kaja athumna kahāng makhanganāwui vang phei ngaphoka; chi Varewui kaphaningna.

1 PETER 3:20

Manglābing chiya Noahna awui marikhong semlakha Varena honsānlak eina honlaga makhuikasangbing china. Marikhonglungli leikasā athum chishatmāng tara̱wui eina huikhuiya.

2 PETER 2:3

Karāmhaoda minama ojābing hina nathumli athumwui ningkap eina semkakhui khararchān chieina kateizāra, kaja hikathā mibing hiya shimānphalungra kaji hi achālakhawui eina hāngmarān kahaina, kha atam kasha̱nakhawui vang mashimānki kaji thasālala athum chiya shimānphalungra.

2 PETER 2:9

khamashungbingli kathada kachotkachāngwui eina kanshokrakhala kala bichar sāki kaji zimiksho marāranglakha makaphābingli kathada tandi mida narhairakhala kaji Prohona thei.

2 PETER 3:15

Prohowui ningzinghākharing chi nathumli kahui samphang khavai atam khamina, kaji hi ithumwui leikashe Paulnala ali mikahai thangkhamei chiwui athishurda nathumli kapihaira.

JUDE 1:4

Ithumwui Akhavā Proho Jishu Khristali makhamayā kala athumwui morei thumkhavai Varewui lukhamashan otli nguida tamkachithei ithumwui alungli rāngathizanghaira. Athumwui khayon otsak hi achālakha kathara tuili kapihaisai.