ROMNAO 9:21 - Kathara Bible (BSI)

²¹ Ham kasaa china ngalei chi eina sākhangaingai sai, kala ngaraikachā ngalei chi eina aman kasaka kala kapaiya ham sākhui.

ROMNAO 9:21 Iomraidhean Croise

CHĀNSAM 16:4

Ot kachiva̱ kharin leilaga Prohona sākahaina, makhayā chila kakhanang zimiksho chiwui vangna.

ISAIAH 10:15

Ngahāna thing kata̱pali langsoda matuipairala kala horaina ali kasingapali reimeipairala? Khāmshuina singkazatpali singtha̱ga kaji thāda; kala mipali khāmshuina khāngkāra kaji kathāna.

ISAIAH 45:9

Kasaali kakharara mi chi ringkashi ngasāranu, ham kasaali hamna ngararakha chitharanu! Ham kasaali leikhona, na khi semlikhala da hangla? lah nawui kasā hi angathan makāmana jila?

ISAIAH 64:8

Chithālala, O Proho, na ithumwui Avāva̱na; ithum leikhonna, na ithumwui ham kasaana; ithum nawui pāngsaksera.

JEREMIAH 22:28

“Coniah kaho mi hi yangkakharinga, hamkai, mi khipākhana mayangsangkhami ham kathāla? Ali, kala awui naomayarali kahaithuihaida athumna makathei ramli khisāda raithāhao?”

HOSEA 8:8

Israelli mayuisanghaira; ara yur khangateiwui ngachaili khikha masā khavai ham kathā ngasāhaira.

OTSAK 9:15

Prohona ali hānga, “Zatlu, ina ali miyur khangateibing, awungabing kala Isrealnaobingli iwui ming theingasak khavai kapangkhui kahai khutlaina.

ROMNAO 9:11

Kha nao akhali kapangkakhui china Varewui kaphaning ungshungchao khavai sha̱nao chili Varena hithada hānga, “Khararrana khanganoli otram ngatha̱mira.”

ROMNAO 9:18

Hithada sāda Varena lumashankhangai chili lumashana kala wuklung makang ngasakkhangai chili makang ngasaka.

ROMNAO 9:20

Kha Vareli ngahānkākashapa na khipākhala? Ngaleihamna hamkasā chili “Ili khisāda hithada sākhala?” da hangpairalā?