ROMNAO 9:16 - Kathara Bible (BSI)

¹⁶ Chieina hi miwui ningkachāng otsakli maleila Varewui lukhamashanli lei.

ROMNAO 9:16 Iomraidhean Croise

LAA 110:3

Kathara phungreitungli, nawui ashangva̱li thānthanghon nawui mibingna khalem eina chigatra. Ngathorwui naopam eina ikra̱ katā thāda, nawui yaron-ngalābina nali rāra.

ISAIAH 65:1

“Ili makhangathingbingna ili phāranu, Ili makaphābingna ili samphangranu da ina ngarāna. “I hili leili, I hili leili” da ili makhangakao yurli ina hānga.

MATTHEW 11:27

“Ishāvāna ili ot saikora horsangmihaira. Avā maningla Anaomayarali khipānakha matheimana, kala anaomayarana kala ana theingasakngaida kapangkakhuiabing maningla khipānakha Avāli matheimana.

MATTHEW 4:8

Chipee china ali kaphung kajuiva̱ akhali khuikāluishita kala okathuili khalei wungram saikora chitheida chiwui tekhamatei ngashānyang ngasaka;

LUKE 10:21

Pung chichangli ana Manglā Katharawui mangā eina khamathān samphangda hānga, “He Avā, kazingram eina okathuiwui Proho, ina nali masotchikatli kaja nana otbing hi thangkhamabing eina theishingkakhuibingwui eina ngathumihailaga angangnaobingli chitheimihaowa; mha, Avā, hikathā hi nawui lukhamashanwui kaphaningna.

JOHN 3:8

Masina awui phankhangaili phana, kala chiwui akhon nathumna shālaga kachiwui eina phankharā kala kachivāk phanvāhaokhala kaji nathum matheimana. Manglāna kapharā mi kachiva̱ chithāpapama.

ROMNAO 9:11

Kha nao akhali kapangkakhui china Varewui kaphaning ungshungchao khavai sha̱nao chili Varena hithada hānga, “Khararrana khanganoli otram ngatha̱mira.”

GALATIANAO 2:2

Varena I vāphalungra da chitheikhami athishurda ina vai kala kathānabing chili ngathumda vāsamphanglaga ina Gentilebingli hākashoka paokaphā chiwui pongli meikhaimi. Rida ina sākasā otla kala arui sāda khalei hila arema mangasā ngasakngaimana.

EPHESIANAO 2:8

Kaja shitkasang mangā eina nathumli huikhami hi Varewui lukhamashanna, nathumna sākakhui maningmana, kha Varewui lemmetna.

PHILIPPINAO 2:13

Kaja awui kaphaning chi sāngairareo sākhavai kala sāshap khavai Varena nathumwui alungli ot sāda lei.

JAMES 1:18

Khamashung tui chiwui mangā eina ā khalattana ithumli raokthui ngasaka. Chieina ana sākahai saikorawui ngachaili ithum hi pharākhare kathā ngasai.