ROMNAO 8:8 - Kathara Bible (BSI)

⁸ phasāwui athishurda kazata athumna Vareli ningyāng maung ngasakrarmana.

ROMNAO 8:8 Iomraidhean Croise

MATTHEW 3:17

Kala yanglu kazingramwui eina akhon akha vaorai, “Hi Iwui khaluma Naomayarana, Ina ali ningyāng unglaka.”

JOHN 3:3

Jishuna ngahānkai, “Kachangkhat eina ina nali kahāngna, mapharāluishitakha khipānakha Vare wungram matheirarmara.”

JOHN 8:29

Ili kashirāta chi ili ngasodalei; imāngli ana mahorhaimana, kaja ina awui ningyāngkhaung chi sāchinga.”

ROMNAO 1:21

Kachiwui vangkhala kaja athumna Vareli thatheilaga ali Varelaka da khayāmashimana kala ningkashila mamimana, athumna phaningphāphā machukphāphāda athumwui ninglila mashun-makhui maleithuwa.

ROMNAO 7:5

Ithumna phasāwui athishurda ringlakha, moreiwui ningkachāng chi ain china mathuk ngasakta ithumwui phasā akaibingli ot kasā eina kathi shokngasaka.

ROMNAO 8:9

Kha Varewui Manglāna nathumwui wuklungli kachangkhat eina zangda leiakha, nathumna phasāwui ot hi mashurla Manglāwui athishurda lei. Kachikathāna Khristawui Manglā chi maleiakha a Khristawui maningmana.

1 CORINTHNAO 7:32

Ina nathumli ningkachotwui eina ningkhān ngasakngai. Ra̱sa̱ makaphā mina Prohowui ningyāng ungkhavai ningsanglak eina ot sai.

PHILIPPINAO 4:18

Nathumna khami chi peida samphangserhaira, shapshaphaira. Epaphroditusnala nathumna khangachon chi khuirāmida ara khikha mavātlakmana. Hi Varewui mangāli khuisangkapai nganamkaphā pha̱kaphayā kathāna.

COLOSSIANAO 1:10

Chieina Prohowui ningkachāng athishurda nathumna ringshapra kala atam kachida ali ningyāng ungngasakshapra. Nathumwui mirin china khamathā ot kachungkha sāshapra kala Vareli mataimeida theikhuira.

COLOSSIANAO 3:20

Naongarābing, atam kachida nava̱ navāwui kahāng nganālu, kaja china Vareli ningyāng ungngasaka.

1 THESSALONICANAO 4:1

Ivānaobing, naomeikapta Vareli ningyāng ungngasak khavai nathum kathada okthuirakhala kaji ithumwui eina tamkhuihaira. Hi nathumna ringda khalei mirin chipapama. Ara Proho Jishuwui mingli nathumna chili mataimeida ringkhavai kapona.

HEBREWNAO 13:16

Akha eina akha kaphā sāda ngachon khangarok mamalaialu, hikathā hi Vareli ningyāng ungkhangasaka pha̱kaphayāna.

HEBREWNAO 13:21

awui kaphaning sākhavai Varena kaphā chi ngarumsangmida, Khristawui mangā eina awui ningyāng ungkhavai ithumwui eina shokranu. Khristali mashimānda tekmateichingranu. Amen.

1 JOHN 3:22

Awui kahāng nganāda ali ningyāng ungkhangasakwui vang ithumna kapopo chi awui eina samphanga.