ROMNAO 8:34 - Kathara Bible (BSI)

³⁴ Kachikathāna ithumli yonna da hangshapralā? Thimihailaga ringshok kahaia Varewui yāvāk pamda ithumwui vang pomida khalei Khrista Jishunala khayon mamimara.

ROMNAO 8:34 Iomraidhean Croise

JOBWUI LAIRIK 33:24

kala ana ali lumashanmida hānga, Kathichom lungli zanghaoki kajiwui eina ali kankhuilu, Ina ngatangman akha samphanghaira;

JOBWUI LAIRIK 34:29

Ana kasaikha khalei tharan, khipāna ali khayon phenra? Amai ngathum kahai tharan, mi akharanu, yurranu, khipāna theirarrakhala?—

LAA 109:31

Kaja ana khavātabingwui yāshong nganingmi, sāthat khavai kasābingwui eina ngatangkhuimi khavai.

LAA 37:33

Prohona ali awui pangshapli mahorsangmimara! lah ali bichar atamli khayon mamimara.

ISAIAH 50:8

Ili mashungkhame ana iwui ngalemli lei, ili khipāna ngahātshapra? Ithum nganingkāngarumsa. Iwui yangkashe khipākhala? Iwui ngalemli ralu jilu.

ISAIAH 53:12

Chiwui vang eina ina ali khareiabingli ngasoda awui yar ngayarmira, kala ana kapingabingli ngasoda khangapon chi ngayarra, kaja ana kathi eina tangda manglā chihomi, kala khayonbingwui mishānli shānruma; chithālala ana kachungkhawui morei phungmi, kala khayonkhamāngbingwui vang pomi.

JEREMIAH 50:20

Chitharan, atam chili, Israelwui alungli khayon phāra, kala khikhala masamphangmara; Judahwui alungli morei phāra kala akhala masamphangmara; kaja shāk kahai sāda ina haikahaibing chili pheomiserra da Prohona hānga.”

MISHĀN 7:15

rikkatā chigatwui vang mukkānao akha, yaovā akha kala kumkha kākahai yaovānao akha;

MATTHEW 20:28

kaja miwui Naomayara eina tangda ali otram ngatha̱mi ngasak khavai kharā maningla ana otram ngatha̱mi khavai kala kachungkhawui vang ngatangman sāda amanglā chigatmi khavai kharāna.”

MARK 16:19

Proho Jishuna athumli hangchitheikup kahaiwui thili ali kazingramli khuikāhaowa kala Varewui yāshong chipama.

JOHN 14:19

Hunkhawui thili apuk-apagva̱̱na ili matheiluimara, kha nathumna theira; kala ina kharingwui vang nathumla ringra.

JOHN 16:23

Chitharan nathumna ili khikha mapomara. Kachangkhat ina nathumli kahāngna, nathumna iwui ming singda iwui Avāli kapo saikora ana mira.

OTSAK 2:24

Kha Varena ali kathiwui kachotkachāng eina khalāmihaida ringngasakhaowa. Kathiwui pangshap china matuknarrarmana.

ROMNAO 14:13

Chithākha ithum akhana akhawuitungli bichar masā ngarokluisa. Kha achinā akhali phei mangaphok khavai lah moreili matāzang khavai sāthusa.

ROMNAO 14:9

kaja Khristana kharing kala kathiwui Proho sākhavai thimi kala ringluishita.

ROMNAO 4:25

Ithum moreiwui vang ali thingasaka kala mashungmi khavaiwui vang ringlui ngasaka.

ROMNAO 8:1

Ara Khrista Jishuli ngasoda kharing athumli mayonshinamluimara.

ROMNAO 8:27

kala mibingwui wuklung katheia Varena manglā chiwui kaphaning khikhala kaji thei, Manglā china Varewui ningkachāng athishurda katharabingwui vang pomida lei.

COLOSSIANAO 3:1

Khristali ngasoda nathumli ring ngasakhaira, chiwui vang eina Varewui yāshong Khristana awui wungpamkhongli pamda khalei kazingramwui otbing chili nathum ningshailu.

HEBREWNAO 1:3

Anaona Varewui tekhamateiwui kahān chi hāna kala Varewui azak tākamhai. Awui tui china apuk-apaga hi ringkhangasakna. Mikumowui morei pheokhami samphang kahaiwui thili, ana kazingramli Reikhamatai Varewui yāshong pama.

HEBREWNAO 7:25

Chiwui vang awui ming eina Vareli kazanga saikorali aruila kala atam kachida ana huimishapa. Khikhalajila ana athumwui vang Vareli phayetmichinga.

HEBREWNAO 9:24

Kaja akachangwui amahā kasā mikumona sākakhui Kathara Pam chili Khrista mazangmana, kha kazingramli zangda Varewui mangāli ithumwui vang nganingmida lei.

1 PETER 3:18

Kaja Khristanala morei kaphungbingwui vang thimikhashida ngachanghaira, ithumli Vareli thānzang khavai katharali makatharabingwui vang phasā eina chithita, kha manglā eina ringlui ngasaka.

1 PETER 3:22

A kazingramli vāhaira kala Varewui yāshong pamda kazingraobingla, kazingwui khangamkharei kala saikorala awui pāngli leisera.

PHONGKHAMI 1:18

kala kharing chi Ina; I thihailaga, yanglu ara mashimānda ringdalei kala Kathi eina Kazeiramwui pangshap lei.