ROMNAO 8:3 - Kathara Bible (BSI)

³ Mikumowui phasāna ngazanhaoda ainna masākharar chi Varena sāshapa, chiya Varena Anaomayarali morei shimitmi khavai mikumowui khangachā chi khuingasakta chihorai, kala mikumowui khangachāli khalei morei chi Varena mamayāmana.

ROMNAO 8:3 Iomraidhean Croise

MISHĀN 21:9

Chieina Mosesna pithrai eina phara̱ akha sākhuida thingtungli shaoshānhai; kala phara̱na mili makeiakha pithraiwui phara̱ chili yangkāda ringa.

MISHĀN 28:22

kala nawui vang pheomi khavai suihamchigatwui vang mevā akhala chigatra.

MARK 15:27

Ali ngasoda khale khani, akhana yāshong kala akhana uishong da shaoshāna.

JOHN 1:14

Kala Tui chi asā ngasāhaowa kala lukhamashan kala khamashung pemting eina ithumwui alungli raokthui. Avāvawui Naohonaotong sāda ana samkaphang awui tekhamatei chi ithumna yanga.

JOHN 9:24

Athumna mik ngapeoda kapharā mi chili kakhane holuishitta hānga, “Vareli masot milu. Mipa chi morei kaphunga mina da ithumna thei.”

OTSAK 13:39

Moseswui ainna nathumli ningkhān masā ngasakkharar chi hipāwui mangā eina shitkasanga kachiva̱li ningkhān ngasakhaira.

ROMNAO 3:20

Kachiwui vangkhala kaja ainwui otsak china mikumo khipālikha Varewui mangāli mashungkhami maleimana. Ainwui eina kashok chiya mikumona morei sāhaira da theikhui khangasakmanga.

ROMNAO 6:6

Ithumna thei kaja morei sākhangaiwui khangachā chi shimān khavai kachama khangachā chi Khristali ngasoda krushtungli thingasakhaira. Chieina ithum ara moreiwui rao masāluimana,

ROMNAO 7:18

Ina thei kaja iwuklungli chiya mikumowui khangachā chili kaphā kaho maleimana. Kaja khamashung chi sāngailala masārarmana,

ROMNAO 8:32

Anaomayarali mashivāmla ithum saikorawui vang chigatmiakha ithumli ot saikora khalem eina mamimaralā?

ROMNAO 9:3

kaja phasāwui pongli iwui theisābing kala ichināngarāwui phākhavai athumwui eina ili Varena khonshida Khristawui eina ngatei ngasakhaowa jilala khikha maleimana.

2 CORINTHNAO 5:21

Kaja morei makhalei ali ithumwui vang eina morei phungngasaka, chiwui vang eina awui lungli ithum Varewui khamashung-khangaronga ngasāpai.

GALATIANAO 3:13

Kha ithumwui vang khonshi kahai akha sāda Khristana ithumli ainwui khonshāt eina ngatangmihaira. Kaja hithada kapihaida lei; “Thingtungli kathe ā chi Varewui khonshātlungli lei.”

GALATIANAO 3:21

Chithākha ain hi Varewui ngashit khamili mamayāmana kajiwui kakhalatla? Maningphutmana, kaja mikumoli kharing mikashapa ain samphanghaira jisi kaja chi mayonda mi saikora mashungkhuihairara.

PHILIPPINAO 2:7

Akhalattana mareojeo awui khalalei saikora horhailaga rao akhawui khangachā sai, mi akha ngasālaga mikumowui khangachā eina rai.

HEBREWNAO 10:12

Kha Khristana moreiwui vang katang makhavaiwui pha̱kaphayā akhashi chigatmihailaga Varewui yāshong pamhaowa.

HEBREWNAO 10:14

Morei tharmi kahaibingli akhashida pha̱phayāmi kahai china kāshung ngasakhaira.

HEBREWNAO 2:14

Chieina naoshinaobing chi phasā khavaia kala ashee kazanga mi sāhaoda Jishula athum thāpapama. Kaja ana thikhami mangā eina kathiwui pangshap kasinga chipee chili shimān ngasaka.

HEBREWNAO 2:17

Ningtongda shitsangkapai kala Varewui mangāli lumashankatha pāngmon kharei sākhavai; ana otsak kachiva̱li achināngarā thada kasāna, kaja mibingwui morei pheomi khavaina.

HEBREWNAO 4:15

Ava ithumwui khangazanli malukhamashana pāngmon kharei maningmana. Lākhashong phaningakha, ithumwui thada alila suihaira, kha ava morei masālakmana.

1 PETER 2:24

Moreili thihailaga khamashung khangarong ot sākhavai, Khrista a khalattana ithumwui morei aphasāli ngasoda thingtungli phungmihaira.