ROMNAO 8:25 - Kathara Bible (BSI)

²⁵ Kha ithumna makathei chili chihanakha chiwui vang ithumna khāngda ngaraipama.

ROMNAO 8:25 Iomraidhean Croise

HAOKAPHOK 49:18

Ina nawui ngatangkhami hondalei, O Proho.

LAA 27:14

Proholi ngarailu; kaping eina ngasoda malung zanglu; mah Proholi ngarailu!

LAA 62:1

Varewui vang māng imanglāna chingri eina ngaraili; awui eina iwui huikhami rai.

ISAIAH 25:9

Chithanghon hithāda hāngra, “Yanglu, hi ithumwui Varena; ana ithumli kanmirada ithumna ali ngarai. Hi ithumna khangarai Prohochina; ithumna awui huikhamili ringphāsa kala mathānsa.”

ISAIAH 26:8

Nawui bichar athishurda, O Proho, Ithumna nali ngarai; nawui mingli phaningkhaung ithumwui manglāna kakahaona.

LUKE 21:19

Nathumwui khāngkathei china nathumwui manglā kharing samphangra.

LUKE 8:15

Ngalei katumpamli tākazangbing chiya tui chi shākhuilaga ningkathar kala kahāng khanganā wuklung eina singtitta khānglaga athei kachungkha khamatheibing chi kathāna.

ROMNAO 12:12

Nawui kachihān china nali ringphā ngasaklu, kachotkachāngli khāngda sālu kala seihā sāchinglu.

ROMNAO 2:7

Mi kaikhava kaphā ot sāchingda lei, kathi makhavai kharing phai; athumli Varena katang makhavai kharing mira.

ROMNAO 8:23

Sākhui kahai katongamāng maningla kha ithum Manglāwui athei samphangkhare, Varena awui naongarā sāngasak khavai kala ithumwui kharing-kharak saikora ningkhān ngasak khavai ngaraida khaleia ithumla ringāda lei.

COLOSSIANAO 1:11

Nathumli Varewui tekhamatei pangshap china yāng kāngasakranu. Chithada, sāda nathumna ot saikorali ja̱khami eina khāngshapra.

1 THESSALONICANAO 1:3

Ithumwui Avāva̱ Varivarawui mangāli nathumwui shitkasang eina leikashiwui otsak kala ithumwui Proho Jishu Khristali chihāntitta khalei chi phaningungchinga.

2 THESSALONICANAO 3:5

Varewui leikashi hakmeida theikhui khavai kala Khristawui ja̱khami chi nathumli leikhavai Prohona thānmichingranu.

HEBREWNAO 10:36

Varewui ningkachāng athishurda sākhavai kala ana ngashit kahai chi samphang khavai nathum khāngthei khavai sālu.

HEBREWNAO 6:12

Chiwui vang eina nathumli ngachāng makakā mi mangasā ngasakngaimana, kha Varena ngashitmi kahai chi samphang khavai shitkasang eina lāngkatha̱bing kathā sāngasakngai.

HEBREWNAO 6:15

Abrahamna khāngkatheiwui vang Varewui ngashit kahai chi samphanga.

PHONGKHAMI 1:9

I nathumwui achinā Johnna, kala Jishuwui thikashura akha sāda, awui wungramwui mi ngasā kahaibingwuitungli kharā kakhanang kachot chi khāngda nathumli phungruma. Varewui tui kala Jishuna phongkhami mashuntui shākhiwui vang I Patmos kaho yikuiramli leisai.

PHONGKHAMI 13:10

Tukhuiki kaje chili tukhuiphalungra. Raighai eina shātthatphalungki kaje chili mashoila raighai chieina shātthatphalungra. Hili ja̱mikatha kala ningkatonga Varewui mibingwui ot lei.

PHONGKHAMI 14:12

Varewui ningkhami khamayona kala Jishuli shitsangtit kaje katharabingna khāngshap khavai khangahotna.