ROMNAO 8:18 - Kathara Bible (BSI)

¹⁸ Ina chukmaja̱ya kaja aruihon ithumna samphangda khalei kachotkachāng hiya naoda phongshoki kaji tekhamatei chili pāntamkapai maleimana.

ROMNAO 8:18 Iomraidhean Croise

OTSAK 20:24

Kha ina iwui mirin hi sakta makhuimana, Varewui lukhamashanwui paokaphā chi shākhi sākhavai Proho Jishuna khami chi sākupchaoshap khavai himang hi iwui ningkachāngna.

ROMNAO 8:19

Kaja sākahai saikorana Varewui naongarāna da phongkashok chi ngaraida lei.

COLOSSIANAO 3:4

Nathumwui kachangkhat mirin chiya Khristana kala ana latkharā tharan nathumla ali ngasoda awui tekhamateili zangrumra.

2 THESSALONICANAO 2:14

Ithumna paokaphā tamkachithei mangā eina Varena nathumli hokhui, kala ithumwui Proho Jishu Khristawui tekhamatei samphang khavaina.

TITUS 2:13

Ithumna kachihān khamahaiya zimiksholi ngaraida ithumwui Huikhame Jishu Khrista kala hakkhamahā Varewui tekhamatei chi rāthanghon

HEBREWNAO 11:35

Shitkasang preinaobingna thikahaiya athei-asābing kharing eina samphangluishita. Phākhamei mirin ringshok khavai kaikhava ningkakhān maningchāngmada rekakharek kachotkachāng phunga.

1 PETER 1:13

Chiwui vang eina nathumwui ning ngazipmeilu. Ningkhariklu kala sokhami chiwui vang nathumwui kachihān leichingda Jishu Khristali theithang nathumli sokhami mira.

1 PETER 4:13

Kha Khristawui kachotkachāng phungkhangarumana da ringphālu. Chithada sāda awui tekhamatei chi phongshokthanghon nathum ringkaphāna pemtinghaora.

1 PETER 5:1

Ila churchwui arar akha sāda nathumwui church ararbingli kapona: I Khristawui kachotkachāngwui shākhi khame akhana kala rāphongmiki kaji tekhamatei chili ila zangrumra.

1 JOHN 3:2

Leikashebing, ara ithum Varewui naongarāna. Kha ithum naoda kathasānikhala kaji arui matheirarmana. Chithālala ithumna thei kaja Khristana kharā tharan ithumla a thahaora kala a hithālaka kaji ithumwui mik eina theira.