ROMNAO 8:15 - Kathara Bible (BSI)

¹⁵ Kaja Varena mikahai Manglā china nathumli rao masāngasakmana kala mangachee ngasakmana; kha Varewui naongarā sāngasaka kala Manglā chiwui pangshap eina ithumna Vareli “Abba” Ishava! da khangakaona.

ROMNAO 8:15 Iomraidhean Croise

SHONGZĀ 20:19

kala Mosesli hānga, “Nana ithumli hānglu, ithum nganāra; kha Varena ithumli mamatuiaranu, ithum thihaipaishina.”

ISAIAH 56:5

Iwui shimli kala phākholungli, naomayara kala naongalava ngarāli phākhamei phaningung khavai kala aming mira; makatat kapaiya, katang makhavai ming ina athumli mira.”

JEREMIAH 3:19

“‘Inaomayarabingwui alungli nali kathāda khamathā lam akha milaga chipamsikhala kala, miyur saikorawuili mathāmeikap kaji shimlui nali kathāda haimirakhala da ina machuka. Kala nathumna ili iwui Ava hora; kala ili kashurwui eina mangareithuimara da phaningsai.

MISHĀN 17:12

Kala Israelwui mibingna Mosesli hānga, “Yanglu, ithum thira, sākhavai maleithura, ithum saikora sākhavai maleithura.

MATTHEW 25:25

chiwui vang eina I ngacheehaoda nawui talent chi ngaleilungli achuiphumhaowa. Nawui chi na jihaolu.’

MARK 14:36

Kala ana hānga, “Abba, Avā, nawui vanga saikora sāpaisera, tengkot hi iwui eina kakhuithuimihaolu, thālala iwui kaphaning maningmana kha nawui kaphaningna.”

LUKE 11:2

Chieina Jishuna athumli hānga, “Nathumna seihā kasā tharan hithada sālu: “Avā, naming tharmathengmeiranu. Nawui wungram shokmilu,

LUKE 22:42

“Avā, nana mayāmiakha, tengkot hi iwui eina kakhuithuimihaolu, chithālala iwui kaphaning maningmala kha nawui kaphaning eina vaimilu.”

LUKE 8:28

Ana Jishuli kathei eina vaolaga awui mangāchangli ngakhumshām eina panglāk eina hānga, “Reikhamataia Varewui Naomayara Jishu, nana ili khi sāki kajikhala? Ili marekharekmialu.”

LUKE 8:37

Chieina Gerasa ngaleiwui kuikhamareili kapāna mibing saikorana ali athumwui eina thuimihaolu da poi; kaja athum ngacheenāhaowa. Chieina ana marikhong tongkhuiphungda latunghaowa.

JOHN 16:8

Ana kharā tharan apuk-apagawui mibingna moreiwui, khamashung khangarongwui kala bicharsakwui pongli theinguida khalei chi ana chitheimira;

JOHN 20:17

Jishuna hānga, “Ili masāza̱alu, kachiwui vangkhala kaja I Avāwuili makāranga. Kha ichināngarāli vāda, ina iwui Avā kala nathumwui Avā, iwui kala nathumwui Vareli kaura, kaji unghāngmilu.”

OTSAK 16:29

Phātop khamayona china thaomei pokhuilaga ngasamzangda kathirriri Paul eina Silaswui mangāli khuktizanga.

OTSAK 2:37

Tui chi kashā tharan, athumwui ning sāza̱haoda Peter kala paokazatbing chili hānga, “Ivānaobing, ithumli khi saulu jikhala?”

ROMNAO 8:16

Ithum Varewui naongarāna da chithei khavai Manglā china ithumwui manglāli ngaruma.

ROMNAO 8:23

Sākhui kahai katongamāng maningla kha ithum Manglāwui athei samphangkhare, Varena awui naongarā sāngasak khavai kala ithumwui kharing-kharak saikora ningkhān ngasak khavai ngaraida khaleia ithumla ringāda lei.

ROMNAO 8:26

Chithada sāda Manglā chinala ithumwui makharar chili rāngachona, kaja ithumna kathada seihā sarakhala kaji eina tangda matheimana, kha Manglāna kayākha chotta ithumwui vang pomikhala kaji khamor eina mahāngrarmana,

ROMNAO 9:4

Athum Varena kapang kahaia miyurna: athumli Varewui naongarā sāngasakta awui tekhamateila samphang ngasaka, athumli tuingashit chi mida ainla singngasaka; khamashung khokharumla athumli lei; Varewui ngashit kahai chila athumna samphanga.

1 CORINTHNAO 2:12

Ithumna okathui hiwui ningphanin samkaphang maningmana kha Varena chihokharā Manglāwui vang eina ithumli khamimi chi theikhuishapa.

2 CORINTHNAO 11:4

Kaja ithumna tamchithei kahai chi maningla mi kateina khangatei Jishu akhawui tui tamkachitheila, kala ithumna hākashoka Manglā kala paokaphā chi maningla ngateihang kahai manglā kala chānpao hāngphāphā kajilila nathumna paisor eina khuisangphāphai.

GALATIANAO 2:4

Ithumna Jishu Khristali khangashikwui eina ningkhān samphang kahaiwui apongli ngathum sāda rāra̱yangkhui khavai mi kaikhana shitkasang khangarumbingna da sāreklaga ithumwui kānglupli rāngathisanga. Athumna ithumli makaphā rao salui ngasakngaiya.

GALATIANAO 5:1

Ithum ningkhānhaira— Khristana ithumli chihomihaira! Chieina ningkhān kahai mibing mara̱sa̱sa̱da nganingtitlu, laga na khalatta raonao mangasaluilu.

EPHESIANAO 1:5

Leikashiwui vang Khristawui mangā eina ithumli awui nao sākhavai Varena ngarānping kahaina, hi awui sākhangai ningkachāng kharin china.

2 TIMOTHY 1:7

Kaja Varena ithumli ngacheekazarwui manglā mamihaimana, kha pangshapwui, leikashiwui kala khalatta ngarinkashapwui manglā chi mi.

HEBREWNAO 2:15

Kala kathili khangacheewui vang eina athum mirin peida rao sākasābingli ningkhān ngasaka.

JAMES 2:19

Vare hi akhamānga da nathumna shitsanga. Chi phālakhaira. Chipeela chithada shitsanga kala ngacheelaka.

1 JOHN 4:18

Leikashili khangachee maleimana. Kākashung leikashina khangachee shimān ngasaka. Chiwui vang eina, ngacheekazarbing hi leikashi makākashungna kaja khangachee hili khayon ot lei.