ROMNAO 8:11 - Kathara Bible (BSI)

¹¹ Jishuli ringlui khangasaka Varewui Manglā china nathumwui lungli leiakha, Khrista Jishuli kathiwui eina ringkhangasaka kala nathumwui lungli leiching kaje awui Manglā china nathumwui shimānkapai phasā chi ringngasakra.

ROMNAO 8:11 Iomraidhean Croise

ISAIAH 26:19

Thikahaibing athumwui phasā eina ngakarthuiluishitra. O chifali okkathuibing, ngakarthuida khamathānwui laa sālu! Kaja ikra̱na apuk-apagva̱̱li ning mathing khangasak thāda, Prohonala achā thikahai athumli ngakarthui ngasakluishitra.

EZEKIEL 37:14

Kala ina iwui Manglā nathumli sangmira, kala nathum ringra, kala ina nathumli nathum khalattawui ngaleili chipamra. Chitharan Proho ina hānghaira da nathumna theira, kala chi ina sāhaira da Prohona hānga.”

JOHN 14:17

Chi apuk-apagva̱na masamphangkhararra khamashungwui Manglāna. Kachiwui vangkhala kaja apuk-apagva̱̱na ali mik einala matheimana, ning einala theikakhuila maleimana. Nathumna ali thei, kaja ana nathumli ngasopamda lei kala nathumwui lungli leira.

JOHN 5:21

Avāva̱na kathebingli ringkhangasak thada Anaomayaranala ana ringngasakkhangaibingli kharing kaho chi mira.

OTSAK 2:24

Kha Varena ali kathiwui kachotkachāng eina khalāmihaida ringngasakhaowa. Kathiwui pangshap china matuknarrarmana.

ROMNAO 16:10

Khristali ningkatum chithei kahaiya Apellesli shālam mili. Aristobulusshi shimkhurwui mi saikoralila shālam mili.

ROMNAO 16:3

Khrista Jishuwui vang otram ngatha̱kharuma Priscilla eina Aquilali iwui shālam hāngmilu.

ROMNAO 16:7

Ili phātop zangkharuma iyur Andrionicus eina Juniasli shālam mili; ani paokazatbingwui ngachaili maholaka kala ili anina Khristali samphangriya.

ROMNAO 16:9

Khristawui mingli otsakruma Urbanus eina iwui khamashita Stachylila shālam mili.

ROMNAO 6:12

Khamathangli zangda shimānkapai nathumwui phasā hi moreili mamungngasakalu.

ROMNAO 8:1

Ara Khrista Jishuli ngasoda kharing athumli mayonshinamluimara.

ROMNAO 8:12

Chiwui vang eina ivānaongarā, ithumna sākhangayi lei, kha chi ithumwui phasāna ningkachāng thada ringki kaji maningmana.

ROMNAO 8:2

Kaja Khrista Jishuwui lungli ithumli kharing khame Manglāwui ain china moreiwui kala kathiwui eina ili ningkhān ngasakhaira.

ROMNAO 8:9

Kha Varewui Manglāna nathumwui wuklungli kachangkhat eina zangda leiakha, nathumna phasāwui ot hi mashurla Manglāwui athishurda lei. Kachikathāna Khristawui Manglā chi maleiakha a Khristawui maningmana.

1 CORINTHNAO 15:16

Kaja kathebing chi maringshokmara jisi kaja Khristala maringshokhaisāmara.

1 CORINTHNAO 6:14

Varena Proholi ringluishit ngasaka. Awui pangshap eina ithumlila ringluishit ngasakra.

2 CORINTHNAO 4:11

Ithumwui shimānkapai phasā hi eina awui kharing chi theikhuipai khavai Jishuwui vang ithum thikapai ka̱lāshat samphangchinga.

2 CORINTHNAO 4:14

Kaja Khristali ringkhangasaka a china ithumlila, nathumlila Jishuli ngasoda ringngasakra kala awui mangāli vāngasakra.

2 CORINTHNAO 5:4

Ithumna kachonshim hili leilakha kachotkachāngwui vang ningreikhāsuthai: kaja ithumli mangavaimimara kaji maningmana, kha mataimeida ngavaimi khavaina. Chieina shimānkapai phasā hi kharing onhaora.

GALATIANAO 6:8

Khalatawui nigkachāng athishurda lingsangakha kashui hātkhuira, Manglāwui lungli lingsangakha makashimān mirin hātkhuira.

EPHESIANAO 2:5

chiya kahāng manganāmada manglārinli thikasāwui eina Khristali ngasoda ithumli ana ringngasakmi. Awui lukhamashana nathumli huimi.

PHILIPPINAO 3:21

Awui pangshap chi eina ot saikora awui azingli leingasakta ithumwui khikha masākhavai phasā hi awui tekhamatei phasā thada onngasakhaora.

HEBREWNAO 13:20

Ara, yaobingwui kahaka yaokahoma ithumwui Proho Jishuli ringshoklui khangasaka Varewui chingri kahai, katang makhavai tuingashitwui ashee mangā eina,

1 PETER 1:21

Awui mangā eina nathumna Vareli shitsanga. Ali Varena kathiwui eina khangmathotta tekhamatei chi mi; chieina nathumwui shitkasang kala kachihān chi Vareli lei.

1 PETER 3:18

Kaja Khristanala morei kaphungbingwui vang thimikhashida ngachanghaira, ithumli Vareli thānzang khavai katharali makatharabingwui vang phasā eina chithita, kha manglā eina ringlui ngasaka.

PHONGKHAMI 1:18

kala kharing chi Ina; I thihailaga, yanglu ara mashimānda ringdalei kala Kathi eina Kazeiramwui pangshap lei.

PHONGKHAMI 11:11

Kha zimiksho kathum tangkhaiwui thili Varewui khaksui zangmida anina ngakarthuiuwa kala chi kathei mi kachiva̱ ngacheeyikhaowa.