ROMNAO 7:7 - Kathara Bible (BSI)

⁷ Chithākha ithumna khi hāngra! Ain chi moreilā? Maningphutmana. Kha ain chi mamisasi kaja morei chi khikhala kaji matheisāmara. Ainli “Mangamarphāphaalu” da mahanghaisāsi kaja khangamar hi khikhala kaji I matheisāmara.

ROMNAO 7:7 Iomraidhean Croise

HAOKAPHOK 3:6

Chieina sha̱nao china thingrong chi kashakazāwui vang mathai da kathei eina, kala mikli ngayam ngasak kahai eina kala thingrong china thangmei ngasaka jihaoda, ana chiwui athei chi khuida shai; kala agaharalila kateokha mi, kala ana shai.

2 SAMUEL 11:2

Thangngashunkha Davidna ngasāmkakhuiwui eina ngakarthuida awunga dolantungli yaothuikakā tharan, sha̱nao akha ra̱vaikasā thei; kala sha̱nao chi azak mathāshuna.

LAA 119:96

Kākashung kaho hi angaret leiserada ina theikhui, kha nawui ningkhami mashālāka.

SHONGZĀ 20:17

“Nawui khongnaiwui shim maningchangpaimana; nawui khongnaiwui preiva̱, awui rao mayarnao, rao sha̱nao, mukkā, gadhā, awui khaleilei maningchāngpaimana.”

MICAH 2:2

Athumna lui ngamara, kala ngapaikhui; shimla ngamarda khuithui haowa; athumna milila shimlila singkharenga, khalaleilila singkharenga.

MATTHEW 5:28

Kha ina nathumli kahāngna, sha̱naoli phasāwui khamathang mikyan eina khayang mi kachiva̱ sha̱nao chili awui wuklungli rida phophāhaira.

LUKE 12:15

Chieina ana athumli hānglui. “Ningkhariklu kala khangamarli ningngasharlu; kaja mikumo akhawui mirin hi awui lan tarākha khalei chili khalei maningmana.”

LUKE 20:16

“Ana rālaga khamasābing saikora chili sāthatserhaora kala yāmgui chi mi kateibingli masā ngasakhaora.” Mibingna chi kashā eina “Chi Varena mamayāmana” da hānga.

OTSAK 20:33

Ina mi khipākhawui sinā-lupāla, kashankachonla makahaomana.

ROMNAO 13:9

Ningkhamili “Maphopaimana, mashaothatpaimana, maleepaimana, mangamarpaimana,” da kapihai; kha saikora hi kala ningkhami khangatateila, “Nakhalatta leikashi thada nawui khongnainaoli leishiphalungra” kaji ningkhami hili zangsera.

ROMNAO 3:20

Kachiwui vangkhala kaja ainwui otsak china mikumo khipālikha Varewui mangāli mashungkhami maleimana. Ainwui eina kashok chiya mikumona morei sāhaira da theikhui khangasakmanga.

ROMNAO 3:5

Kha ithumwui makaphā kasā china Varewui khamashung chi theingasakta leiakha ithumna khi hāngra? Varena ithumli tandi khami chi a yona jira̱lā? (Ina hi mikumo akha thada kahāngna)

ROMNAO 4:1

Chithākha, ishi yurwui avāva̱ Abrahamwui pongli khi hangsikhala? Awui theikakhui khimameikhala?

ROMNAO 4:15

khikhalajila ain china Varewui malungkhavāt khuirai. Kha ain makhalei pamli chonkhamakān kaho maleimana.

ROMNAO 5:20

Ain khuikharā chi khayon-khamang chungsang khavaina; kha morei chungkasang eina Varewui lukhamashan chi lāngmeikharda chungsanga.

ROMNAO 6:15

Chithākha khi sāusi? Ithum ainwui azingli maleila lukhamashanwui azingli leihaoda morei sausila? Maningphutmana!

ROMNAO 7:11

Kachiwui vangkhala kaja morei china atam kachā samphangkhaleoda ningkhami chiwui mangā eina ili minamhaowa kala sāthathaowa.

ROMNAO 7:13

Chithākha hiwui kakhalatva kaphā china ili thingasakhaowa kajilā? Maningphutmana! Chi moreinana, morei china awui kachangkhat khangachā chi phongshok khavai kaphā kaho chi singlaga ili thingasaka kala chiwui mangā eina hāngkhavai makhalei morei sāngasaka.

ROMNAO 7:5

Ithumna phasāwui athishurda ringlakha, moreiwui ningkachāng chi ain china mathuk ngasakta ithumwui phasā akaibingli ot kasā eina kathi shokngasaka.

ROMNAO 7:8

Kha morei china ain chi singlaga atam kachā samkaphang tharan iwui ningli khangamar ot saikora leikhavai mathuk ngasaka. Ain maleisāsi kaja morei hiya kathina.

1 CORINTHNAO 15:56

Kathina kathiri hi moreiwui eina samphanga kala moreina awui pangshap ainwui eina samphanga.

EPHESIANAO 5:3

Nathum Varewui mibing ngasāhaoda, khamathang-khamarang, makathar, kākharām hikathāthā mamatuikhangayi tui mamatuialu.

KHALATLUI 5:21

“‘Nawui khongnainaowui shim makahaopaimana; khongnai preiva̱li, lah awui rao mayarnao, rao sha̱nao, sha̱kei, kala awui khalalei maningchāngpaimana.’

COLOSSIANAO 3:5

Chiwui vang eina nathumna okathui phasāwui ningkachāng kaja, sopkhamasap, makathar, khamathang-khamarang, makaphāli ningkachāng kala kākharām (kaja kākharām hi meoma̱li khokharum kathāna) hikathāthā hi chithitphalungra.

1 THESSALONICANAO 4:5

Vareli makatheibing thada phasāwui khamathang-khamarang eina maokthuipaimara.

HEBREWNAO 7:19

Kaja Moseswui ainna khilikhala makāshung ngasakrarmana. Ara phākhamei kachihān ithumli chitheimihaira. Chiwui mangā eina ithumna Vareli nganaimeihaira.

JOSHUA 7:21

horkathānhaikasā lanbing chiwui ngachaili Shinarwui kachon khamathā akha, kala shekel shākhani kharita lupāsā kala shekel hangphangā kharita sinātang, chi kathei eina ina ngamarda ningchanghaowa, kala khuihaowa; kala yanglu, chibing chi iwui kachonshimwui leikhur akhali lupāsā eina mazinglaga phumhaida lei.”