ROMNAO 7:6 - Kathara Bible (BSI)

⁶ Atam akhali ainwui zurthingna khalaphaida thikasā chiwui eina ara ithumli khalāmihaira. Chieina kapi kahai ainwui athi mashurla kadhara Manglāwui pongli otram ngatha̱da lei.

ROMNAO 7:6 Iomraidhean Croise

EZEKIEL 11:19

Kala athumli ina ning khokkha kasā mida manglā kadhar sangmira; kala athumwui ngalung kathā ning khamarar chi khuishokmihaida phasāwui malung sangmira,

EZEKIEL 36:26

Ina ning kadhar sangmira, kala ina manglā kadhar sangmira; kala ina ngalungwui malung chi khuishokhaida asāwui malung phonmira.

ROMNAO 1:9

Anaomayarawui paokaphāwui vang ina ningtonglak eina otram khangatha̱ hi Varena shākhina. Iwui seihā kasā kachiva̱li nathumli khamalai masāla phaningungchinga kaji hila Varena thei.

ROMNAO 12:2

Okathuiwui khangachāli mangarumhaialu, kha nathumwui ning chi onchang onngasaklu. Chieina nathumna Varewui ningkachāng kaphā, ningyāng ungkapai kala kākashung chi khikhala da theipaira.

ROMNAO 6:11

Chithada sāda nathumla moreili thihailaga Khristawui mangā eina Varewuili ringda lei kaji phaningphalungra.

ROMNAO 6:19

Nathumwui khangazan khaleiwui vang ina hikathā tuiyār eina kahāngna, kaja atam akhali nathumwui phasāwui akaibing chi makathara kala makaphā chiwui rao sāsai. Ara nathumwui phasāwui akaibing chi tharngasak khavaiwui vang khamashung khangarongwui rao thada nathum khalatta hamsangphalungra.

ROMNAO 6:2

Maningphutmana! Ithum moreili thihaira, chithākha kathada chiwui lungli ringchingpairakhala?

ROMNAO 6:22

Kha ara nathumli moreiwui eina ningkhān ngasakhaida Varewui rao sāhaira. Chiwui tongkazā samkaphang chiya tharkhangasak china kala chiwui athei chiya katang makhavai kharing china.

ROMNAO 6:4

Chithada sāda ithumwui ra̱kahik chieina Khristali ngasoda chifarum kahaina kala awui kathi chili ngarumhaira. Avāva̱wui tekhamatei pangshap china ali kathiwui eina ringshok khangasak thada ithumla kadhara mirin chi ringpaira.

ROMNAO 7:1

Ivānaongarā, ain katheia nathumli kahāngna kaja mi akhali ainna kakhalap hi a ringlakhamānga.

ROMNAO 7:2

Fathui kahai sha̱nao chili agahara mathiranglakha eina tangda gaharali pānrum khavai ainna khalappai, kha gahara chi thihaiakha ainna sha̱nao chili khalap kahai chiwui eina ningkhān ngasaka.

ROMNAO 7:4

Chiwui vang eina ivānaongarā, nathumlila chipapama; kaja nathum Khristawui akai ngasāhaoda, ainwui athishurdava nathum thihaira, kha Varewui otram khangatha̱li kannāmei khavai ringkhaluiya Khristali ringrumda awui ngasāhaira.

2 CORINTHNAO 3:6

Kapi kahai ainwui maningla kha Manglāwui kadhara tuingashit chiwui vang otram ngatha̱ ngasak kashap pangshap chi ana mi. Ainna thingasaka kha Manglāna ringngasaka.

2 CORINTHNAO 5:17

Chiwui vang eina kachikathāna Khristali leiakha a kadhara pāngsemna; kachama chi kānthuihaira, yanglu; kadhara chi rāhaira.

GALATIANAO 3:13

Kha ithumwui vang khonshi kahai akha sāda Khristana ithumli ainwui khonshāt eina ngatangmihaira. Kaja hithada kapihaida lei; “Thingtungli kathe ā chi Varewui khonshātlungli lei.”

GALATIANAO 6:15

Ahui rimkashoknala lah marimkashoknala maningmana; kha midhar khangasā hina akachangana.

EPHESIANAO 4:24

kala Varewui sakrin khuida sākahai chi khangarong kala katharwui lungli khamashunga mirin phongmi kahai kadhara khangachā chi nathumna ngavaikhuiphalungra.

PHILIPPINAO 3:3

Akachang ahui rimkashok samphang kahaibing chi ithumna, athum maningmana, kaja ithumna Vareli awui Manglawui pangshap eina khoruma kala Khrista Jishuli ngarumda ithumwui mirinli mathāna. Ayarwui otsak khangalangli ithumna mashitsangmana.

COLOSSIANAO 3:10

Hiya kasā Akhavā Varena a khipākhala da theishingkhui khavai awui sakrinlungli atam kachida nathumli dharngasakchingda lei.